ماسکو: عالمی وبا اختیار کر چکے کورونا وائرس کی وجہ سے اس سال جولائی میں جاپان کے ٹوکیو میں ہونے والے اولمپکس کے انعقاد کے حوالہ سے خطرات کے درمیان بین الاقوامی اولمپک کمیٹی (آئی او سی) کے صدر تھامس بیک نے اتوار کو کہا کہ اولمپکس ملتوی کرنے کا فیصلہ چار ہفتوں کے اندر لیا جائے گا۔
Published: undefined
ٹوکیو اولمپکس کا انعقاد 24 جولائی سے نو اگست تک ہونا ہے۔ ایتھلیٹ برادری کے بھیجے اپنے مکتوب میں بیک نے کہا ”اپنے معاونین کے ساتھ میٹنگ میں ہم نے کورونا وائرس کے حوالہ سے دنیا بھر کے حالات اور اولمپک پر اس کے پڑنے والے اثرات کے حوالہ سے بات چیت کی جس میں اسے ملتوی کرنا بھی شامل تھا۔ ہم سلسلہ میں کافی محنت کر رہے ہیں اور ہمیں امید ہے کہ اس بارے میں فیصلہ اگلے چار ہفتوں کے اندر لے لیا جائے گا“۔
Published: undefined
آئی او سی صدر بیک کے مطابق جاپان میں کورونا وائرس کی وجہ سے حالات بہتر ہونے کے بعد ٹوکیو اولمپکس کے لیے مقررہ وقت میں کرانے کا حوصلہ بڑھا ہے۔
Published: undefined
انہوں نے کہا ”ایک طرف جاپان میں حالات میں بہتری آ رہی ہے اور لوگوں نے اولمپک مشعال کا گرمجوشی سے خیر مقدم کیا ہے۔ اس سے ہمارا یہ مقررہ وقت میں کرانے کے حوالہ سے حوصلہ بڑھا ہے“۔ بیک نے اس کے ساتھ یہ بھی کہا کہ اولمپکس کو منسوخ کرنا کمیٹی کے ایجنڈے میں شامل نہیں ہے اور ٹورنامنٹ کی نئی تاریخوں کے بارے میں اس میٹنگ میں کوئی بحث نہیں ہوئی ہے۔
Published: undefined
قابل ذکر ہے کہ عالمی وبا بن چکے کورونا وائرس کی وجہ سے دنیا بھر میں کھیل پروگرام متاثر ہوئے ہیں اور اولمپک کے انعقاد کے حوالہ سے بھی خطرہ پیدا ہو گیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined