ایشیائی کھیل: ہندوستانی ہاکی ٹیم کی شاندار جیت، سنگاپور کو 16-1 سے روندا

ایشیائی کھیلوں میں ہندوستان کی مہم کا آج تیسرا دن ہے۔ ایشین گیمز میں ہندوستانی ہاکی ٹیم کی شاندار کارکردگی کا سلسلہ جاری ہے اور آج اس نے سنگاپور کو 16-1 سے کراری شکست دی۔ اتوار کو اپنے پہلے میچ میں ازبکستان کے خلاف 16-0 کی شاندار جیت درج کرنے کے بعد، ہندوستان نے سنگاپور کے خلاف بھی 16 گول داغے جبکہ مخالف ٹیم صرف ایک گول کر سکی۔ ہندوستان کی جانب سے ہرمن پریت سنگھ نے 4 گول کئے، جبکہ مندیپ سنگھ نے ہیٹ ٹرک پوری کی۔

اب ہندوستان کا مقابلہ جمعرات کو ایشین گیمز کے دفاعی چیمپئن جاپان سے ہوگا۔ دنیا میں تیسرے نمبر پر موجود ہندوستانی ہاکی ٹیم نے اپنے ابتدائی میچوں میں شاندار کارکردگی کا مظاہرہ کیا ہے۔ یہ دیکھنا بہت دلچسپ ہوگا کہ ہندوستان جاپان کے خلاف اپنا تسلط برقرار رکھنے میں کامیاب ہوگا یا نہیں!