متحدہ عرب امارات میں نئے دفتری اوقات کا اطلاق آئندہ برس یکم جنوری سے ہو گا۔ اس طرح یو اے ای عرب دنیا میں واحد ایسی خلیجی ریاست بن جائے گی، جہاں جمعے کے روز مکمل چھٹی نہیں ہو گی۔ اماراتی حکومت کے مطابق نئے ٹائم ٹیبل کے تحت پبلک سیکٹر میں ویک اینڈ جمعے کی سہ پہر سے شروع اور اتوار تک رہے گا۔ تاہم پورے ملک میں جمعے کی نماز مقامی وقت کے مطابق ایک بج کر پندرہ منٹ پر ادا کی جائے گی۔
Published: undefined
عرب میڈیا کے مطابق اس فیصلے کا مقصد ''متحدہ عرب امارات کو عالمی منڈیوں کے ساتھ بہتر طریقے سے ہم آہنگ کرنا ہے۔‘‘ واضح رہے کہ یو اے ای دنیا کا ایسا پہلا ملک ہے، جس نے سب سے چھوٹا یعنی ساڑھے چار روز کا ورکنگ ویک متعارف کروایا ہے۔
Published: undefined
ماضی میں تقریباﹰ پندرہ برس قبل متحدہ عرب امارات میں جمعرات اور جمعہ پر ویک اینڈ ہوتا تھا۔ سن 2006 میں دفاتری اوقات تبدیل کر کے جمعے اور ہفتے کو ویک اینڈ مقرر کر دیا گیا۔
Published: undefined
بتایا گیا ہے کہ متحدہ عرب امارات میں مغربی دنیا کی طرح ہفتے اتوار کی چھٹی کا اعلان ملک میں پیشہ ورانہ اور نجی زندگی میں توازن لانے اور سماجی بہبود کی کوشش کے طور پر کیا گیا ہے۔ معاشی اعتبار سے امارات کو عالمی منڈی کے ساتھ ہم آہنگی میں مدد مل سکے گی، کیونکہ عالمی سطح پر ہفتہ اور اتوار کو بینک بند رہتے ہیں۔ اس فیصلے سے یو اے ای میں کام کرنے والی قومی اور بین االاقوامی کمپنیوں کو بھی پیسوں کی نقل و حمل میں آسانی حاصل ہو سکے گی۔
Published: undefined
ماضی قریب میں متحدہ عرب امارات نے اسرائیل کے ساتھ سفارتی تعلقات قائم کر نے کے بعد اربوں ڈالر کی سرمایہ کاری کے معاہدہ کیے تھے۔ عرب دنیا میں امارات کے اس فیصلے کا بظاہر خیر مقدم کیا گیا ہے۔ اس مرتبہ ملک میں جمعے کے بجائے اتوار کی چھٹی کے فیصلے کو بھی سوشل میڈیا پر کافی سراہا جا رہا ہے۔ ٹویٹر پر ایک صارف نے لکھا، ''اتنے برسوں میں مجھے جمعہ، ہفتہ ویک اینڈ کی عادت ہو چکی تھی، میں اس تبدیلی سے خوش ہوں۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم