تر ک صدر رجب طیب ایردوآن کا کہنا ہے کہ انقرہ سویڈن کی درخواست پر کوئی فیصلہ کرنے سے قبل نیٹو کی رکنیت کے لیے فن لینڈ کی درخواست کو منظور کرسکتا ہے۔
Published: undefined
جولائی میں لتھوانیا کے دارالحکومت ولنیئس میں مغربی فوجی اتحاد نیٹو کا سربراہی اجلاس ہونے والا ہے۔ ہنگری اور ترکی صر ف ایسے دو ملک ہیں جنہوں نے سویڈن اور فن لینڈ کو رکن بنانے کی توثیق نہیں کی ہے۔ کسی ملک کو نیٹو کا نیا رکن بنانے کے لیے اس کے تمام رکن ملکوں کی جانب سے متفقہ فیصلہ ضروری ہے۔
Published: undefined
اتوار کو جاری پہلے سے ہی ایک ریکارڈشدہ ویڈیو میں، جس میں وہ وسطی مغربی صوبے بیلجیک میں نوجوانوں سے خطاب کرتے ہوئے دیکھے جاسکتے ہیں، ایردوآن کا کہنا تھا کہ ترکی فن لینڈ کی طرف سے نیٹو کی رکنیت حاصل کرنے کی درخواست کو منظور کرسکتا ہے لیکن سویڈن کی نہیں۔
Published: undefined
ایردوآن کا کہنا تھا کہ اگر ضرورت پڑی تو ہم فن لینڈ کے متعلق ایک مختلف پیغام دے سکتے ہیں۔ "جب ہم فن لینڈ کے بارے میں مختلف پیغام دیں گے تو سویڈن اس وقت حیران رہ جائے گا۔" ترک صدر نے سویڈن سے کرد عسکریت پسندوں کو انقرہ کے حوالے کرنے کے مطالبات کا ذکر کرتے ہوئے کہا، "اگر آپ واقعی نیٹو میں شامل ہونا چاہتے ہیں تو آپ ان دہشت گردوں کو ہمارے حوالے کردیں۔"
Published: undefined
اس ہفتے کے اوائل میں فن لینڈ نے اشارہ دیا تھا کہ اگر نیٹو میں شمولیت کی اسٹاک ہوم کی کوششوں میں کوئی پیش رفت نہیں ہوتی ہے تو وہ سویڈن کے بغیر بھی الگ سے فوجی اتحاد میں شامل ہوسکتا ہے۔
Published: undefined
فن لینڈ کے وزیر خارجہ پیکاہاووستو کا کہنا تھا، "اگر ہمیں یہ پتہ لگتا ہے کہ سویڈن کی درخواست ہماری راہ میں آڑے آرہی ہے تو ہمیں صورت حال کا جائزہ لینا ہوگا۔" یوکرین پر روس کے فوجی حملے کے تناظر میں سویڈن اور فن لینڈ نے مشترکہ طورپر نیٹو میں شمولیت کی درخواست دی تھی، جس کے ساتھ ہی ان عدم وابستگی کی دیرینہ پالیسی ختم ہوگئی ہے۔
Published: undefined
ترکی کا الزام ہے کہ اسٹاک ہوم ان کرد عسکریت پسندوں کی حمایت کررہا ہے، جنہوں نے سن 2016 میں مبینہ طور پر بغاوت کی ناکام کوشش کی تھی۔
Published: undefined
انقرہ انتہائی دائیں بازو کے اسلام مخالف ڈینش سویڈش رہنما راسموس پالوڈن کے مبینہ اہانت آمیز حرکت سے بھی ناراض ہے۔ پالوڈن نے حال ہی میں اسٹاک ہوم میں ترک سفارت خانے کے باہر مسلمانوں کی مقدس ترین کتاب قرآن کو نذر آتش کردیا تھا۔ اس واقعے کے بعد ایردوآن نے کہا تھا کہ سویڈن نیٹو کی رکنیت حاصل کرنے میں ترکی کی حمایت کی امید نہ رکھے۔
Published: undefined
ناروے، سویڈن اور ڈنمارک نے حال ہی میں ایک ٹریول ایڈوائزی جاری کرتے ہوئے ترکی میں موجود اپنے شہریوں پر زور دیا ہے کہ وہ پالوڈن کی طرف سے قرآن کو نذر آتش کرنے کے واقعے کے مدنظر بڑے اجتماعات سے گریز کریں۔
Published: undefined
اتوار کے روز ترکی نے بھی اس کے جواب میں "اسلاموفوبک، زینو فوبک اور نسل پرستانہ حملوں" کے خطرات کا حوالہ دیتے ہوئے یورپ کے لیے ایک ٹریول ایڈوائزی جاری کی ہے۔ رواں ماہ کے اوائل میں ترکی نے سویڈن کے سفیر کو اس ویڈیو کی اشاعت پر طلب کرلیا تھا جس میں اسٹاک ہوم میں ایک احتجاجی مظاہرے کے دوران اردوآن کے ایک مجسمے کو رسی سے لٹکا ہوا دکھایا گیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined