آسٹریلیا کے سڈنی شہر میں واقع تارونگا چڑیا گھر سے پانچ شیر، جن میں چار بچے شامل تھے، بدھ کے روز صبح سویرے اپنے احاطے سے فرار ہوگئے۔ جس کے بعد ہنگامہ مچ گیا اور حکام کو فوری طور پر "کوڈ ون" الرٹ جاری کرنا پڑا۔ یہ الرٹ چڑیا گھر کی ایمرجنسی وارننگ لسٹ میں بدترین صورت حال کے لیے ہوتا ہے۔
Published: undefined
ترونگا چڑیا گھر کے ایگزیکیوٹیو ڈائریکٹر سائمن ڈفی نے میڈیا سے خطاب کرتے ہوئے بتایا کہ تمام پانچوں شیر چڑیا گھر واپس لوٹ آئے ہیں۔
Published: undefined
ڈفی نے بتایا کہ شیر کے ایک بچے کو ٹرینکویلائزر (بیہوشی کا ٹیکہ) فائر کرنا پڑا جب کہ بقیہ چار خود ہی چل کر چڑیا گھر لوٹ آئے۔ اس دوران کسی آدمی یا جانور کو کوئی نقصان نہیں پہنچا اور چڑیا گھر کو معمول کے مطابق دوبارہ کھول دیا گیا ہے۔
Published: undefined
انہوں نے بتایا کہ شیر کے جس بچے کو ٹرینکویلائز کیا گیا تھا وہ اب بیدار ہوگیا ہے اور صحت مند ہے۔ انہوں نے تاہم کہا کہ اس بات کی تحقیقات کی جا رہی ہے کہ یہ شیر چھ فٹ سے زیادہ اونچی باڑ کو پھلانگنے میں کس طرح کامیاب ہوئے۔
Published: undefined
انہوں نے کہا کہ، "چڑیا گھر میں اس طرح کے واقعے کے لیے انتہائی سخت حفاظتی پروٹوکول موجود ہیں اور اس کے تحت فوری کارروائی کی گئی۔" ڈفی نے تاہم حفاظتی اقدامات کے حوالے سے اس واقعے کو ایک بڑا واقعہ قرار دیا۔
Published: undefined
چڑیا گھر کے حکام کو ویڈیو فوٹیج کے ذریعے معلوم ہوا کہ بدھ کو مقامی وقت کے مطابق صبح 6.30 بجے کے قریب اٹو نامی بالغ شیر اور چار بچے احاطے سے باہر نکل چکے تھے۔ شیروں کے فرار ہونے کے فوراً بعد ہی چڑیا گھر میں رات بسر کرنے والے مہمانوں کو محفوظ مقامات پر پہنچا دیا گیا اور شیروں کو واپس لانے کے لیے حکام نے دوڑ دھوپ شروع کر دی۔
Published: undefined
مقامی نشریاتی ادارے اے بی سی نیوز کے مطابق میگنس پیری اور ان کے خاندان کے چار افراد چڑیا گھر کے 'رور اینڈ سنور‘ کیمپنگ پیکیج کے تحت خیمے میں رات گزار رہے تھے جب ایک ہنگامی الارم بج پڑا تھا۔ چڑیا گھر والوں نے جلد ہی ان سب کو باتھ روم کے بلاک میں پہنچا دیا۔
Published: undefined
میگنس پیری نے اس واقعے کو یاد کرتے ہوئے بتایا، "وہ بے خبر تھے کہ باہر کیا ہو رہا تھا۔ گائیڈز کے ریڈیو آن تھے اور ہم ان کی آوازیں سن سکتے تھے۔ وہ کہہ رہے تھے کہ وہ ابھی تک باہر ہیں تو ہم نے محسوس کیا کہ باہر کچھ (بڑا خطرہ) ہے۔ پھر انہوں نے کہا کہ یہ شیر ہیں تو ہم نے سوچا خدایا یہ تو بڑا ڈراؤنا ہے۔"
Published: undefined
چڑیا گھر کے سی ای او ڈفی نے بتایا کہ چڑیا گھر معمول کے مطابق کھل گیا ہے اور یہ کہ جب ممکن ہوا تو واقعے کی مزید تفصیلات شیئر کی جائیں گی۔ مقامی اخبار سڈنی مارننگ ہیرالڈ کی رپورٹ کے مطابق چڑیا گھر میں آخری بار 'کوڈ ون‘ ایمرجنسی 2021 میں لگائی گئی تھی جب ایک بن مانس دیوار پھلانگ کر فرار ہو گیا تھا۔
Published: undefined
سن 2009 میں نیو ساؤتھ ویلز کے جنوبی ساحل پر واقع موگو چڑیا گھر میں جمیلیا نامی شیرنی کو''چڑیا گھر کے ایک اہلکار کی غلطی" کی وجہ سے آزاد چھوڑ دیا گیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined