ڈنمارک کے دارالحکومت کوپن ہیگن میں یہ ایک بہت ہی دلچسپ علاقہ ہے، جس کا نام کرسچیانیا ہے۔ یہ نیم خود مختار علاقہ روایتی طور اپنے آزاد طرز زندگی کی وجہ سے نہ صرف ڈنمارک بلکہ پوری یورپ میں مقبول ہے۔ اس کی شہرت اب یورپی براعظم سے نکل کر دوسرے براعظموں میں بھی پھیلتی جا رہی ہے۔
Published: undefined
چرس کی خرید و فروخت اور استعمال، ہپی طرز زندگی اور عجیب و غریب سیاسی نظریات کے حامل افراد اس محلے کی چند خصوصیات ہیں۔ یہی وجہ ہے کہ قانون نافذ کرنے والوں اور کرسچیانیا کے رہائیشیوں کی کچھ خاص نہیں بنتی۔
Published: undefined
بیالیس سالہ اولے لائیک کے بقول کرسچیانیا میں کمیونٹی کے طور پر رہنا اور چیزوں کی مشترکہ ملکیت کی سوچ چلتی ہے۔ "یہاں لوگ بس اپنی من مانی کرتے ہیں۔"
Published: undefined
کوئی پچاس سال قبل چھ دوستوں نے ایک سابقہ فوجی بیرک پر قبضہ کر لیا اور اسے 'فری اسٹیٹ‘ قرار دے دیا۔ دیکھتے ہی دیکھتے یہ مقام ہپیز کا گڑھ بن گیا۔ وقت کے ساتھ اپنے منفرد طرز تعمیر، کھلے ماحول، چرس کے استعمال اور آزاد خیال لوگوں کی وجہ سے اس علاقے کی اپنی ہی ایک شناخت و ثقافت بن گئی۔
Published: undefined
حکام کے ساتھ چار دہائیوں تک قانونی چارہ جوئی کے بعد سن 2012 میں کرسچیانیا کی قسمت کا فیصلہ ہوا۔ ڈینش حکومت نے چوراسی ایکڑ کی یہ پوری زمین ایک فاونڈیشن کو ساڑھے تیرہ ملین ڈالر میں فروخت کر دی۔ مذکورہ فاونڈیشن کرسچیانیا کے رہائیشیوں ہی کی قائم کردہ ہے۔
Published: undefined
کوپن ہیگن کے اس 'نیم خود مختار‘ علاقے میں سات سو بالغ اور ڈیڑھ سو بچے رہائش پذیر ہیں۔ فاونڈیشن نے تمام مکانات کمیونٹی کے لوگوں کو کرائے پر دے رکھے ہیں۔
Published: undefined
گو کہ اب وہاں بظاہر منشیات پر پابندی ہے اور علاقے میں ڈچ قوانین لاگو ہوتے ہیں، کرسچیانیا کے رہائشی اس کی منفرد ثقافت کی بقا اور تسلسل کے خواہش مند ہیں۔
Published: undefined
آج ڈنمارک کے دارالحکومت کوپن ہیگن کے دل میں واقع کرسچیانیا دنیا بھر کے سیاحوں کی توجہ کا مرکز ہے۔ رہائشی مناسب قیمت کے عوض سیاحوں کو خصوصی ٹورز بھی کراتے ہیں۔ ریستوران، کیفے، کانسرٹ ہال اور مارکیٹیں، اب اس علاقے کی زینت ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined