میگسیسے ایوارڈ یافتہ اور کمیونٹی ایجوکیشن کے اپنے منفرد ماڈل کے لیے دنیا بھر میں مشہور سماجی اور ماحولیاتی کارکن سونم وانگ چک کی پانچ روزہ بھوک ہڑتال پیر کے روز ختم ہوگئی۔ وہ "گلیشئروں، پہاڑوں، دھرتی اور انسانوں" کی حفاظت کے لیے انتہائی ضروری اقدامات کے خاطر حکومت پر زور دینے کے لیے بھوک ہڑتال پر تھے۔
Published: undefined
سونم وانگ چک حالانکہ کھلے آسمان تلے بھوک ہڑتال پر بیٹھنا چاہتے تھے لیکن مقامی انتظامیہ نے اس کی اجازت نہیں دی اور انہیں گھر میں "نظر بند" کر دیا گیا۔ وانگ چک نے ایک ٹویٹ کرکے کہا تھا کہ "یہ نظر بندی حقیقی نظربندی سے زیادہ تکلیف دہ ہے۔"
Published: undefined
وانگ چک نے وزیر اعظم مودی کو ٹیگ کی گئی ٹویٹ میں کہا ہے کہ انہیں ایک قرارنامے پر دستخط کرنے کے لیے مجبور کیا گیا جس کے مطابق "وہ کوئی بیان نہیں دیں گے، تبصرے نہیں کریں گے، تقریر نہیں کریں گے اور لیہہ ضلعے میں کسی تقریب میں شرکت نہیں کریں گے۔"
Published: undefined
مرکز کے زیر انتظام لداخ کے لیہہ ضلع کی اعلیٰ پولیس اہلکار نے تاہم اس کی تردید کرتے ہوئے کہا کہ انہیں کھلے میں اس لیے بھوک ہڑتال کی اجازت نہیں دی گئی کیونکہ وہاں کا درجہ حرارت منفی 40 ڈگری تک گر جاتا ہے اور اس سے وانگ چک کو نقصان پہنچ سکتا تھا۔
Published: undefined
خیال رہے کہ خطہ لداخ سابقہ ریاست جموں و کشمیر کا حصہ تھا۔ لیکن مودی حکومت نے سن 2019 میں اسے دو حصوں جموں و کشمیر اور لداخ میں تقسیم کرکے مرکز کے زیر انتظام علاقہ کر دیا۔ سونم وانگ چک بھارتی آئین کی دفعہ 370 کو ختم کرنے کے لیے آواز بلند کرنے والے اہم افراد میں سے ایک تھے۔ انہوں نے نریندر مودی کے اس اقدام کی اس وقت کافی تعریف کی تھی اور کہا تھا کہ اس سے لداخ میں ترقی کی نئی راہیں کھلیں گی۔
Published: undefined
لیکن وہ جلد ہی مودی حکومت کے رویے سے مایوس ہو گئے اور اب وزیراعظم کے سخت ناقدین میں سے ایک ہیں۔
Published: undefined
وانگ چک نے ایک ویڈیو پیغام جاری کرکے کہا کہ "میرے اسکول کے تین بے گناہ ٹیچروں کو تھانے لے جایا گیا تاکہ قرارنامے پر دستخط کرنے کے لیے مجھ پر دباو ڈالا جاسکے۔ لفٹننٹ گورنر صاحب یہ حربے اپنا رہے ہیں۔"
Published: undefined
وانگ چک کاکہنا تھا، "میں ان سے یہ کہنا چاہوں گا کہ آپ پرامن لداخ میں عسکریت پسندی کا بیج بونے کے لیے سخت محنت کر رہے ہیں۔ نوجوانوں کو بے روزگار رکھا جارہا ہے۔ ان کے ساتھ زیادتیاں ہورہی ہیں۔ لیکن یاد رکھیں ہم ایسا ہونے نہیں دیں گے۔"
Published: undefined
سونم وانگ چک نے کہا، "وہ (حکومت) شاید یہ سوچتے ہوں گے کہ میں ایسا نہیں کہہ سکتا لیکن حقیقت یہ ہے کہ ہم جموں و کشمیر کے ساتھ آج کے مرکز کے زیر انتظام علاقے کے مقابلے بہت زیادہ بہتر حالت میں تھے۔ "
Published: undefined
بالی ووڈ اداکار عامر خان نے سن 2009 میں سونم وانگ چک کے کارناموں سے متاثر ہوکر اپنی فلم 'تھری ایڈیٹس' بنائی تھی۔ انہوں نے اس فلم میں خود ہی پھنسک وانگڑو کا کردار ادا کیا تھا جو دراصل سونم وانگ چک سے متاثر تھا۔
Published: undefined
پیشے سے انجینئر اور منفرد اختراعات کے لیے مشہور سونم وانگ چک ماحولیات کے تحفظ کے لیے سرگرم ہیں۔ انہیں ان کے منفرد انداز کے تعلیمی ماڈل نیز ماحولیات کے تحفظ میں ان کے خدمات کے لیے سن 2018 میں میگسیسے ایوارڈ سے نوازا گیا تھا۔
Published: undefined
سونم وانگ چک کا کہنا ہے کہ ہمالیہ کو بچانے کے لیے لداخ کو خصوصی درجہ دینے کی ضرورت ہے۔ وہ اسے بھارتی آئین کے چٹھے شیڈول میں شامل کرنے کا مطالبہ کر رہے ہیں۔ بھارتی آئین کے چھٹے شیڈول میں قبائلی علاقوں میں خود مختار ضلعی کاونسل اور علاقائی کاونسلوں کو اپنے اپنے علاقوں کے لیے قانون سازی کا حق دیا گیا ہے۔ فی الوقت بھارت کی چار ریاستیں میگھالیہ، آسام، میزورم اور تریپورا کے دس اضلاع اس شیڈولڈ کا حصہ ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined