جنوبی جرمن صوبے باویریا کے دارالحکومت میونخ میں مقامی پولیس نے ایک ایسے شخص کو حراست میں لیا ہے، جو اسٹیشن پر نصب ٹکٹ مشینوں کو زبان سے چاٹ کر کورونا وائرس کے پھیلاؤ کی خواہش رکھتا تھا۔ اُس نے پولیس کو دیے گئے اعترافی بیان میں یہی موقف بیان کیا۔
Published: undefined
اس شخص نے ایسا کرنے کی اپنی ویڈیوز بھی شیئر کی ہیں۔ میونخ پولیس نے نیوز ایجنسی اے ایف پی کو بتایا کہ مبینہ شخص نے ریل گاڑیوں کے دروازوں کے ہینڈل چاٹنے سے بھی گریز نہیں کیا۔
Published: undefined
گرفتاری کے بعد اس شخص پر کسی دوسرے انسان کو شدید نقصان پہچانے کے جرم میں ملوث ہونی کی فردِ جرم عائد کر دی ہے۔ میونخ پولیس کی خاتون ترجمان کے مطابق ابھی یہ واضح نہیں کیا کہ آیا گرفتار کیا گیا شخص کورونا وائرس کی بیماری کووڈ انیس میں مبتلا ہے۔
Published: undefined
پولیس نے تفتیشی عمل شروع کر دیا ہے۔ تفتیشی اہلکاروں نے اِس پہلُو پر بھی غور کرنے کا سلسلہ شروع کر دیا ہے کہ ریل گاڑیوں کے ہینڈل اور ٹکٹ مشینوں کو چاٹنے والا صرف ایک شخص ہے یا کوئی گروپ بھی اس عمل میں ملوث ہے۔ پولیس نے گرفتار کیے گئے شخص کا نام جرمن پرائیویسی قانون کے تحت مخفی رکھا ہے۔
Published: undefined
جنوبی ریاست باویریا کو کورونا وائرس کی نئی قسم کی وبا پھیلنے کے بعد شدید صورت حال کا سامنا ہے۔ اس ریاست میں اِس وبا کا پھیلاؤ ستائیس جنوری سے شروع ہے۔ باویریا میں اِس مرض میں مبتلا مریضوں کی تعداد چھ ہزار سے زائد ہو چکی ہے۔
Published: undefined
جرمنی کی سبھی ریاستوں میں وائرس کی وبا پھیل گئی ہے اور مریضوں کی تعداد تیس ہزار سے تجاوز کر چکی ہے۔ اس وبا سے پھیلنے والی بیماری سے ہونے والی ہلاکتیں ایک سو بتیس ہو گئی ہیں۔ سب سے زیادہ متاثرہ ریاست نارتھ رائن ویسٹ فیلیا ہے۔ اس میں بیمار افراد کی تعدا ساڑھے آٹھ ہزار سے زائد ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا