برطانوی بادشاہ چارلس سوم کی تاج پوشی کے چند ماہ بعد کوہ نور نامی انمول ہیرا واپس مشہور زمانہ لندن ٹاور کی عمارت میں عوامی نمائش کے لیے رکھ دیا گیا۔ بادشاہ چارلس کی تاج پوشی کے دنوں میں اسے عوامی منظر سے ہٹا دیا گیا تھا۔
Published: undefined
کوہ نور تاج برطانیہ میں جڑا ہوا ہے۔ بادشاہ چارلس سوم کی تاج پوشی کے دنوں میں جب اسے عوامی منظر سے ہٹا دیا گیا تھا، تو کچھ عرصے تک اس کا نمائش کے لیے دستیاب نہ رہنا بھی غیر معمولی طور پر محسوس کیا گیا تھا۔ تب اسے برطانیہ کے اپنے نوآبادیاتی ماضی کے ساتھ ناخوشگوار اور عجیب و غریب تعلقات کی یاد پر پردہ ڈالنے کی کوشش کے طور پر بھی دیکھا گیا تھا۔ اب لیکن اسے لندن ٹاور کی سیر کو جانے والے افراد دوبارہ دیکھ سکتے ہیں۔
Published: undefined
یہ بڑا ہیرا 150 سال سے زیادہ عرصے سے مختلف تقریبات اور رسمی مواقع پر عوامی سطح پر دیکھنے میں آتا رہا ہے۔ لیکن بادشاہ چارلس سوم کی اہلیہ کامیلا نے اسے اسی سال مئی کے مہینے میں چارلس سوم کی تاج پوشی کے موقع پر تاج کے ساتھ نہ پہننے کا انتخاب کیا تھا۔ اس کی اصل وجہ برطانیہ میں شاہی نوادرات اور اس انمول ہیرے کی واپسی کے معاملے پر بھارت میں جاری بحث تھی۔
Published: undefined
کوہ نور سے منسلک ایک عام روایت یہ ہے کہ 186 قیراط وزنی یہ ہیرا کم ا ز کم چودہویں صدی سےبھارت میں جنوبی سلطنتوں پر دہلی سلطنت کے حملے کے بعد سے اعلیٰ اختیار کی علامت سمجھا جاتا رہا ہے۔
Published: undefined
ریاست برطانیہ کی طرف سے تفویض کردہ ایسٹ انڈیا کمپنی نے دوسری اینگلو سکھ جنگ میں فتح حاصل کے بعد 1849ء میں پنجاب کی بادشاہی کا باضابطہ طور پر الحاق کر لیا تھا اور نتیجے میں ہونے والے امن معاہدے کے ایک حصے کے طور پر یہ ہیرا حاصل کیا گیا تھا، جسے بعد ازاں ملکہ وکٹوریہ کے حوالے کر دیا گیا تھا۔
Published: undefined
نئی دہلی میں بھارتی حکومت کئی مرتبہ اس ہیرے کی واپسی کے مطالبے کر چکی ہے۔ اسی ضمن میں بھارتی وزارت خارجہ کے ترجمان نے گزشتہ برس بھی کہا تھا، ''ہم وقتاً فوقتاً یہ معاملہ برطانوی حکومت کے ساتھ اٹھاتے رہے ہیں اور ہم اس معاملے کے تسلی بخش حل تک پہنچنے کے لیے ممکنہ طریقے اور ذرائع تلاش کرتے رہیں گے۔‘‘
Published: undefined
امریکہ میں قائم ایک فائن جیولری کمپنی کا نام 'لَوِیاں‘ ہے، جس کے سربراہ کا نام ایڈی لَوِیاں ہے۔ ان کے گاہکوں میں ریحانہ اور جینیفر لوپیز جیسی شو بزنس سے تعلق رکھنے والی بہت مشہور شخصیات بھی شامل ہیں۔ LeVian خاندان کا کئی نسلوں سے کوہ نور سے بھی تعلق رہا ہے۔ 18 ویں صدی میں جب کوہ نور ہیرا ایرانی بادشاہ کے خاندان کے پاس تھا، تب بھی ایڈی لَوِیاں کے اجداد اس ہیرے کی دیکھ بھال پر مامور تھے۔
Published: undefined
ایڈی لَوِیاں نے خبر رساں ادارے اے پی کے ساتھ اس بارے میں بات چیت کرتے ہوئے کہا، ''مجھے علم نہیں کہ کوہ نور کی بھارت کو ممکنہ واپسی کے لیے قانونی دلیل کیا ہو گی؟ اس لیے کہ اسے ملکہ وکٹوریہ کو ایسٹ انڈیا کمپنی نے تحفے میں دیا تھا اور انگریزوں نے یہ خود ہندوستان سے نہیں لیا تھا۔‘‘
Published: undefined
ایڈی لَوِیاں کا مزید کہنا تھا، ''یہ ہیرا ہندوستانی حکومت نے دریافت نہیں کیا تھا۔‘‘ ان کے بقول اس ہیرے کی دریافت کے وقت ہندوستان اپنا ایک خود مختار وجود رکھنے والی ریاست کے طور پر تو موجود ہی نہیں تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined