کینیڈا کے وزیر اعظم جسٹن ٹروڈو نے جمعرات کے روز ایک ٹوئٹ کرکے ملکی سپریم کورٹ میں پہلے کسی سیاہ فام شخص کو جج کے طور پر نامزد کیے جانے کی اطلاع دی۔ محمود جمال کو سپریم کورٹ کا جج نامزد کیا گیا ہے، جو اس عہدے پر فائزکیے جانے ہونے والے پہلے مسلم بھی ہوں گے۔
Published: undefined
کینیڈ کی 146سالہ تاریخ میں یہ پہلا موقع ہے جب کسی سیاہ فام شخص یا کسی مسلم کو ملک کی عدالت عظمی کا جج نامزد کیا گیا ہے۔ یہ ایک نئی تبدیلی کی علامت ہے کیونکہ اب تک سپریم کورٹ کے لیے صرف سفید فام جج ہی مقرر کیے جاتے رہے ہیں۔
Published: undefined
گوکہ ان کی نامزگی کو ابھی ایوان نمائندگان کی جسٹس کمیٹی سے توثیق کی ضرورت ہوگی تاہم اسے محض ایک رسمی خانہ پری قرار دیا جا رہا ہے۔ رکن پارلیمان جولی ڈیزیروز نے کہا کہ ایک ماہر قانون داں کے طورپر محمود جمال کا کیریئر نہایت شاندار رہا ہے۔
Published: undefined
ٹروڈو نے محمود جمال کی تقرری کا اعلان ایک ٹوئٹ کر کے کیا۔ انہوں نے لکھا”وہ سپریم کورٹ کے لیے ایک قیمتی اثاثہ ثابت ہوں گے... اور اسی لیے میں آج اپنے ملک کی اعلی ترین عدالت کے لیے ان کی تاریخی نامزدگی کا اعلان کر رہا ہوں۔"
Published: undefined
تین کروڑ اسی لاکھ آبادی والے ایک ایسے ملک میں جہاں ہر چار میں سے ایک شخص اقلیتی فرقے سے تعلق رکھتا ہے۔ وزیر اعظم ٹروڈو کینیڈا میں نسل پرستی کو ختم کرنے کے شدید خواہاں ہیں۔ انہوں نے گزشتہ برس کہا تھا”یہ مسئلہ پورے ملک میں ہے۔ یہ مسئلہ ہمارے اداروں میں بھی موجود ہے۔"
Published: undefined
محمود جمال اونٹاریو کی اپیل کورٹ میں سن 2019 سے جج کے عہدے پر فائز ہیں۔ اس سے قبل انہوں نے کینیڈا کے چوٹی کے دو لاء کالجوں میں استاذ کے فرائض انجام دیے اور تقریباً ایک دہائی تک وکیل کے طور پر بھی کام کیا۔ وہ سپریم کورٹ میں 35 مقدمات کی سماعت میں حاضر ہوئے۔
Published: undefined
جمال 1967میں کینیا کے نیروبی میں ایک بھارتی نژاد خاندان میں پیدا ہوئے۔ 1981میں کینیڈا منتقل ہونے سے قبل ان کی پرورش و پرداخت برطانیہ میں ہوئی۔
Published: undefined
ایوان نمائندگان کی توثیق کے بعد وہ یکم جولائی سے سپریم کورٹ کے جج کے عہدے کا چارج سنبھالیں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز