اس پراپرٹی رجسٹر کے ممکنہ قیام کا مقصد منی لانڈرنگ اور بدعنوانی سمیت کئی طرح کے مالیاتی جرائم کی روک تھام ہو گا۔ فی الحال کمیشن نے اس بارے میں ایک تفصیلی مطالعاتی جائزہ لیے جانے کا فیصلہ کیا ہے کہ آیا یونین کی سطح پر یورپی پراپرٹی رجسٹر کے طور پر ایسا کوئی مشترکہ ڈیٹا بینک قائم کیا جانا چاہیے۔
Published: undefined
یورپی کمیشن کے ایک ترجمان نے جرمن خبر رساں ادارے ڈی پی اے کی طرف سے استفسار پر کل بدھ پچیس اگست کے روز بتایا کہ پورے یورپی بلاک کے ایسے کسی مشترکہ پراپرٹی رجسٹر کی مدد سے پیدا ہونے والی شفافیت کے ذریعے مالیاتی نوعیت کے طرح طرح کے جرائم کا قلع قمع کرنے میں مدد ملے گی۔
Published: undefined
یورپی کمیشن کے ترجمان نے ڈی پی اے کو بتایا کہ مستقبل کے اس ممکنہ نظام کے تحت یونین کی رکن ریاستوں میں عام شہریوں کی ملکیت اثاثوں کے قومی سطح پر قائم کردہ پراپرٹی رجسٹرز یکجا کیے جا سکیں گے۔
Published: undefined
اس طرح اس نظام کی مدد سے منی لانڈرنگ کو روکنا، کرپشن کا پتہ چلانا اور دہشت گردی کے لیے مالی وسائل کی فراہمی کی چھان بین کا عمل خاص طور پر باہم مربوط اور آسان ہو جائیں گے۔
Published: undefined
یورپی کمیشن کے مطابق یورپی پراپرٹی رجسٹر کے قیام کے لیے ٹھوس منصوبہ بندی ابھی شروع نہیں ہوئی تاہم اس بارے میں ابتدائی تخمینے لگائے جا رہے ہیں۔ اس کے علاوہ ایک ایسا تفصیلی جائزہ مکمل کرنے کے لیے بھی پیش رفت ہو رہی ہے کہ ایسے کسی یورپی نظام کے ممکنہ عملی فوائد کیا کیا ہوں گے اور وہ کتنا موزوں ہو گا۔
Published: undefined
جرمنی میں دائیں بازو کی اسلام اور تارکین وطن کی مخالفت کرنے والی جماعت 'متبادل برائے جرمنی‘ یا اے ایف ڈی نے یورپی یونین کی طرف سے اس مشترکہ پراپرٹی رجسٹر کے قیام کے امکانات کا جائزہ لیے جانے پر تنقید کی ہے۔
Published: undefined
جرمن صوبے باویریا کی پارلیمان میں اے ایف ڈی کے پارلیمانی حزب کے ترجمان مارٹن بوئہم نے کہا ہے کہ ایسے کسی یورپی پراپرٹی رجسٹر کے قیام سے یورپی یونین اور اس کی نوکر شاہی کو یورپی شہریوں کے اثاثوں سے متعلق ڈیٹا پر اور زیادہ کنٹرول حاصل ہو جائے گا۔ انہوں نے کہا کہ جرمنی یورپی یونین کا سب سے زیادہ آبادی والا ملک ہے اور اس ممکنہ نظام سے سب سے زیادہ جرمن شہری ہی متاثر ہوں گے۔
Published: undefined
گزشتہ ماہ جولائی میں یورپی کمیشن نے اس بلاک کے لیے مالیاتی حوالے سے جو دیگر تجاویز پیش کی تھیں، ان میں ایک اینٹی منی لانڈرنگ اتھارٹی کا قیام بھی شامل ہے۔ اس کے علاوہ ایک تجویز یہ بھی تھی کہ پوری یونین میں نقد رقوم کی صورت میں مالی ادائیگیوں کے لیے زیادہ سے زیادہ حد دس ہزار یورو مقرر کر دی جائے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined