فرانسیسی صدر ایمانوئل ماکروں کے پینشن اصلاحات کے خلاف منگل کے روز بھی لاکھوں افراد احتجاج کے لیے سڑکوں پر اتر آئے۔
Published: undefined
مظاہرین اور پولیس کے درمیان متعدد مقامات پر پرتشدد جھڑپیں ہوئیں۔ مظاہرین نے ٹرین کی پٹریوں اور شاہراہوں کو بلاک کر دیا۔ انہوں نے پولیس پر ضرورت سے زیادہ طاقت کا استعمال کرنے کا الزام بھی لگایا۔
Published: undefined
مظاہروں کی وجہ سے دارالحکومت میں پبلک ٹرانسپورٹ میں خلل پڑا اور میٹرو اور مضافاتی ٹرینیں بھی متاثر ہوئیں۔ سڑکیں بلاک ہونے کی وجہ سے آئفل ٹاور اور لوور میوزیم جیسے اہم اور سیاحتی مقامات کو بند کرنا پڑا۔ گارے ڈی لیون ریلوے اسٹیشن پر مظاہرین ہاتھوں میں مشعل لے کر پٹریوں پر چل پڑے جس کی وجہ سے ٹرینوں کو روکنا پڑا۔
Published: undefined
دیگر مقامات میں مغربی شہر نانت کی سڑکوں پر پولیس اور مظاہرین کے درمیان جھڑپیں ہوئیں۔ خبر رساں ایجنسی اے ایف پی کے مطابق پولیس پر آتشیں گولے پھینکے گئے جس کے جواب میں پولیس نے آنسو گیس کے شیل داغے۔ ایک بینک کی شاخ اور کوڑے کے ڈبوں کو بھی آگ لگا دینے کی اطلاعات ہیں۔
Published: undefined
جنوب مشرقی شہر لیون میں مظاہرین پر واٹر کینن اور آنسو گیس کے شیل داغے گئے جب کہ شمالی شہر للی میں توڑ پھوڑ کے واقعات کی خبریں ہیں۔ یہ مظاہرے ماکروں کی جانب سے ایک خصوصی اختیار کا استعمال کرکے پارلیمنٹ کے ذریعہ ایک نئے پینشن قانون کو آگے بڑھانے کے اقدام کے تقریباً دو ہفتے بعد ہو رہے ہیں۔
Published: undefined
قبل ازیں حکومت نے پینشن بل کو معطل کرنے اور اس پر نظر ثانی کرنے کے یونینوں کے مطالبات کو مسترد کر دیا۔ ابھی ریٹائرمنٹ کی عمر 62 برس ہے، جو حکومت دو سال بڑھا کر 64 کر دینا چاہتی ہے۔ ماکرو ں کا کہنا ہے کہ یہ تبدیلی ملک کے مالی حالات کو قابو میں رکھنے کے لیے ضروری ہو گئی ہے۔
Published: undefined
سی ایف ڈی ٹی یونین کے اعتدال پسند سربراہ لاراں برجرنے ایک ثالث کی تقرری پر زور دیا ہے تاکہ "معاملے کو ٹھنڈا اور صورت حال سے باہر نکلنے کا راستہ تلاش کیا جاسکے۔" برجر نے پیرس میں ایک ریلی کے آغاز پر نامہ نگاروں سے بات چیت کرتے ہوئے بتایا،" ہم نے ایک راستہ تجویز کیا ہے...اور یہ ناقابل برداشت ہے کہ ہمارے لیے راستے مسدود کرنے کی کوشش کی جارہی ہے۔"
Published: undefined
وزیر داخلہ جیرالڈ ڈرمینین نے بتایا کہ منگل کو 13000 سکیورٹی اہلکار تعینات کیے گئے تھے۔ ان میں سے 5500 صرف پیرس میں ہی تعینات کیے گئے۔ انہوں نے مزید بتایا کہ تصادم میں 175پولیس اہلکار زخمی ہوئے ہیں۔ ڈرمینین نے ایک ٹوئٹ میں بتایا کہ ابتدائی اعداد و شمار کے مطابق 201 افراد کو گرفتار کیا گیا ہے۔
Published: undefined
دریں اثنا سی جی ٹی یونین نے پیرس میں کچرا جمع کرنے والوں کی تین ہفتوں سے زیادہ عرصے سے جاری ہڑتال کو ختم کرنے کا اعلان کیا ہے۔ ہڑتال کی وجہ سے 7000ٹن سے زیادہ کچرے کا انبار سڑکوں پر پڑا ہوا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined