اٹلی کی حکومت کی جانب سے ایک بیان میں کہا گیا ہے کہ افغانستان میں طالبان کے اقتدار میں آنے کے بعد شربت گلہ نے اٹلی کی حکومت سے پناہ کی درخواست کی تھی۔ اٹلی کے وزیر اعظم کے دفتر کی جانب سے جاری بیان کے مطابق، ''افغان شہری شربت گلہ روم پہنچ گئی ہیں۔‘‘
Published: undefined
اطالوی حکومت کی جانب سے گلہ کو اٹلی پہنچائے جانے کا عمل افغان شہریوں کو افغانستان سے باحفاظت اٹلی پہنچانے کے مشن کا حصہ ہے۔
Published: undefined
طالبان کے اقتدار میں آنے کے بعد سے ہزاروں افغان شہریوں کو بیرون ملک پہنچایا گیا ہے۔ عالمی برادری کے مطابق کئی شہریوں کے لیے افغانستان اب بھی غیر محفوظ ہے۔ کچھ رپورٹس کے مطابق طالبان کے اقتدار میں آنے کے بعد ایسے افراد کو قتل کیا جا رہا ہے جو طالبان مخالف تھے یا غیر ملکی افواج یا غیر سرکاری تنظیموں کے ساتھ وابستہ تھے۔ اس کے علاوہ بڑھتی غربت، خوراک کی کمی اور خشک سالی کے باعث بھی کئی افغان شہری ملک چھوڑنے پر مجبور ہیں۔
Published: undefined
شربت گلہ عالمی سطح پر اس وقت جانے جانی لگی تھیں جب سن 1985 میں نیشنل جیوگرافک کے سرورق پر ان کی تصویر شائع ہوئی تھی۔ اس وقت شربت گلہ بارہ سال کی تھیں اور وہ پاکستان کے ایک مہاجر کیمپ میں رہائش پذیر تھیں۔ شربت گلہ کی اس تصویر سے افغان مہاجرین کی حالت زار عالمی سطح پر سامنے آئے تھی۔ سن 1979ء میں سویت یونین کی افغانستان پر مداخلت کے بعد لاکھوں افغان شہریوں نے بطور مہاجرین پاکستان میں پناہ حاصل کی تھی۔ فوٹو گرافر مک کری کی لی گئی اس تصویر کے بعد شربت گلہ کو افغانستان کی 'مونا لیزا‘ بھی قرار دیا گیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined