'عظیم الجثہ‘ حلوہ کدو اگانے کا یہ مقابلہ دراصل شمالی جرمن صوبے لوئر سیکسنی کی 'جائنٹ پمپکن چیمپئن شپ‘ تھی، جو ہفتہ تین اکتوبر کو جرمنی کے یوم اتحاد کی سالگرہ کے موقع پر 16 ویں مرتبہ منعقد کی گئی تھی۔ یہ صوبائی چیمپئن شپ ایک 26 سالہ پیشہ ور مالی کیون راتاژ نے جیتی۔
Published: undefined
راتاژ کے اگائے ہوئے کدو کو جب تولا گیا، تو اس کا وزن 702 کلوگرام سے بھی زیادہ نکلا، جو اس جرمن صوبے میں زیادہ سے زیادہ وزن والا حلوہ کدو اگانے کا نیا ریکارڈ ثابت ہوا۔
Published: undefined
اس سے قبل لوئر سیکسنی کی ایسی گزشتہ اسٹیٹ چیمپئن شپ بھی اسی جرمن شہری نے جیتی تھی اور اس مرتبہ وہ اپنے اعزاز کا دفاع کر رہا تھا۔
Published: undefined
پچھلی مرتبہ کیون راتاژ 568 کلوگرام وزنی حلوہ کدو اگا کر اس مقابلے کا فاتح رہا تھا۔ اس مرتبہ لیکن اس نے اپنے ریکارڈ کو 134 کلوگرام سے بھی زیادہ کے فرق کے ساتھ بہتر بنایا اور ساتھ ہی نیا صوبائی ریکارڈ بھی قائم کر دیا۔
Published: undefined
یہ مقابلہ جیتنے کے بعد اس جرمن باشندے نے بتایا کہ اس نے یہ 'وسیع و عریض‘ سبزی اپنے نجی باغ میں اگائی۔ وہ اس باغ میں اگائے جانے والے کدوؤں کی بہتر نشو و نما کے لیے مائع کھاد استعمال کرنے کے علاوہ انہیں ہر ہفتے 400 لٹر سے لے کر 500 لٹر تک پانی بھی دیتا تھا۔
Published: undefined
لوئر سیکنسی میں اوسنابروک کے نواح میں اِپَین بُرگ (Ippenburg) کے قلعے میں منعقد ہونے والے اس سالانہ مقابلے کو جیتنے کے بعد کیون راتاژ نے بتایا، ''حلوہ کدو ایک ایسی سبزی ہے، جس کی نشو و نما میں موسم، پانی اور کھاد سبھی عوامل اہم کردار ادا کرتے ہیں۔ لیکن اس کے لیے سورج کی دھوپ بھی بہت اہم ہوتی ہے۔ اپنی نشو ونما کے دوران جتنا زیادہ کوئی حلوہ کدو دھوپ میں رہے گا، اتنا ہی وہ بڑا اور وزنی ہوتا جائے گا۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز