بہار کے سابق وزیر اعلیٰ اور آر جے ڈی صدر لالو پرساد یادو کے بڑے بیٹے تیج پرتاپ یادو کی گاڑی جمعہ کے روز حادثہ کا شکار ہو گئی۔ اس حادثے میں تیج پرتاپ یادو کو کافی چوٹیں آئی ہیں۔ انھیں علاج کے لیے اسپتال میں داخل کرایا گیا ہے۔ واقعہ راجدھانی پٹنہ کے ایکو پارک کا ہے۔ سڑک حادثہ میں تیج پرتاپ کی گاڑی بری طرح سے تباہ ہو گئی ہے۔
Published: 31 May 2019, 5:10 PM IST
بتایا جا رہا ہے کہ تیج پرتاپ یادو اپنے حامیوں کے ساتھ کہیں جا رہے تھے۔ ایکو پارک کے پاس سامنے سے آ رہی تیز رفتار کار سے ان کی گاڑی کی ٹکر ہو گئی۔ میڈیا ذرائع کا کہنا ہے کہ اس حادثے میں کئی لوگ زخمی ہو گئے ہیں جنھیں مختلف اسپتالوں میں داخل کرایا گیا ہے۔
Published: 31 May 2019, 5:10 PM IST
جائے وقوع پر موجود لوگوں کا کہنا ہے کہ دونوں گاڑیوں کی رفتار زیادہ تھی اس لیے ٹکر بھی زوردار ہوئی۔ واقعہ کی خبر ملتے ہی پولس اسکارٹ کی گاڑی جائے حادثہ پر پہنچی۔ زخمی ہوئے لوگوں کو پولس اسکارٹ گاڑی سے اسپتال لے گئی۔ اس واقعہ کے بعد رابڑی دیوی کے علاوہ تیجسوی یادو سمیت تمام لیڈران نے اسپتال پہنچ کر تیج پرتاپ کی خیریت دریافت کی۔
Published: 31 May 2019, 5:10 PM IST
واضح رہے کہ اس سے پہلے بھی تیج پرتاپ یادو سڑک حادثے کے شکار ہو چکے ہیں۔ پٹنہ میں گزشتہ سال 26 جولائی کی صبح سڑک پر سائیکل چلاتے ہوئے وہ اپنے ہی کارکیڈ کی گاڑی سے ٹکرا کر گر پڑے تھے۔
Published: 31 May 2019, 5:10 PM IST
غور طلب ہے کہ اس سے پہلے فروری مہینے میں مظفر پور میں بی جے پی کے سینئر لیڈر اور سابق مرکزی وزیر ڈاکٹر سی پی ٹھاکر کے قافلے میں بڑا سڑک حادثہ ہو گیا تھا۔ اس وقت سی پی ٹھاکر کے اسکارٹ میں شامل ایک گاڑی حادثہ زدہ ہو گئی تھی۔ حادثہ میں ایک داروغہ کی موت ہو گئی تھی جب کہ وہاں موجود تین دیگر سپاہی سنگین طور پر زخمی ہو گئے تھے۔
Published: 31 May 2019, 5:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 31 May 2019, 5:10 PM IST