جموں و کشمیر کے تعلق سے ہندوستانی حکومت نے جو فیصلہ لیا ہے اس کے بعد پڑوسی ملک پاکستان بہت بری طرح سے پریشان ہے۔ پاکستانی حکومت کے سمجھ میں نہیں آ رہا ہے کہ وہ اپنے عوام سے کیا کہے، کیونکہ کشمیر کے نام پر اس نے خوب سیاست کی ہے اور اب اس کی حیثیت کچھ کرنے کی ہے بھی نہیں۔
Published: undefined
اب پاکستانی وزیر اعظم عمران خان نے ایسا بیان دیا ہے جس سے لگتا ہے کہ وہ ہندوستان کے ساتھ مذاکرات کرنے کے موڈ میں نہیں ہیں۔ امریکی اخبار نیویارک ٹائمز کو دیئے گئے ایک انٹرویو میں وزیر اعظم عمران خان نے کہا ہے کہ ’’اب ہندوستان سے بات کرنے کا کوئی فائدہ نہیں، میں نے بہت بات کرلی ہے۔ بدقسمتی سے اب جب میں مڑ کر دیکھتا ہوں تو لگتا ہے کہ میں امن اور مذاکرات کے لیے جو بھی کوششیں کر رہا تھا وہ سب بیکار ثابت ہوئیں، ہم اس سے زیادہ کچھ نہیں کر سکتے‘‘۔
Published: undefined
کشمیر کی خصوصی آئینی حیثیت کے خاتمے کے بعد پاکستان نے ہندوستان کے خلاف سفارتی کوششیں بڑھا دی ہیں اور اسی کوشش میں اس نے چین کے ذریعہ کشمیر کا معاملہ اقوام متحدہ کی سلامتی کونسل میں اٹھوایا تھا لیکن وہاں بھی پاکستانی کوششوں کو کامیابی نہیں ملی تھی۔ ہندوستان کا موقف واضح رہا ہے کہ کشمیر ہندوستان کا اندرونی معاملہ ہے اور کشمیر پر کسی تیسرے فریق کی مداخلت کی کوئی گنجائش نہیں ہے۔ ہندوستان نے یہ بھی واضح کر دیا ہے کہ پاکستان سے کسی بھی طرح کی بات چیت جب ہی ممکن ہے جب پاکستان سرحد پار سے ہندوستان مخالف دہشت گردی کو فروغ دینا بند کر دے گا۔
Published: undefined
عمران خان نے اپنے انٹرویو میں دھمکی دی ہے کہ ’’ہندوستان پاکستان کے خلاف عسکری جارحیت کے لیے کشمیر میں جعلی کارروائی کا ڈرامہ کرسکتا ہے اور پاکستان کو اس کا جواب دینا مجبوری ہوگا‘‘۔ عمران خان نے اپنے انٹرویو میں مزید کہا کہ ’’پھر آپ جوہری ہتھیاروں سے لیس دو ممالک کو آنکھوں میں آنکھیں ڈالے کھڑا دیکھ رہے ہوں گے اور پھر کچھ بھی ہو سکتا ہے‘‘۔ انہوں نے کہا جس چیز کی ہمیں فکر ہے اس کی فکر دنیا کو بھی ہونی چاہیے۔ یہ انٹرویو ایسے وقت آیا ہے جب امریکی صدر ڈونالڈ ٹرمپ نے بھی حالات پر تشویش کا اظہار کیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز