لاہور: پاکستان کے سابق وزیراعظم اور پاکستان مسلم لیگ (نواز) کے لیڈر نواز شریف کی حالت تشویشناک ہے۔ سابق وزیراعظم کے نجی ڈاکٹر عدنان خان نے منگل کو کئی ٹوئٹ کرکے نواز شریف کی صحت کے بارے میں اطلاع دی۔ انہوں نے کہا کہ ’’خون میں پلیٹ لیٹس کی کمی اور دل کے دورے سے سابق وزیراعظم کا گردے صحیح طریقے سے کام نہیں کر رہے ہیں۔ اس سے ان کی صحت مزید خراب ہوگئی ہے۔‘‘
Published: undefined
ڈاکٹر عدنان خان نے کہا ہے کہ نواز شریف کے خون میں گلوکوز کی مقدار کم ہوگئی ہے اور بلڈپریشر بھی صحیح نہیں ہے۔ شریف میڈیکل سٹی کے چیف ایکزیکیٹیو نے کہا کہ ڈاکٹروں کو نواز شریف کی صحیح بیماری کے بارے میں بھی پتہ لگانے میں دشواری ہو رہی ہے اور اس کی وجہ سے سابق وزیراعظم کی صحت کے خطرے میں مزید اضافہ ہوگیا ہے۔
Published: undefined
اس درمیان اسپتال کے ذرائع نے بتایا کہ نواز شریف کا وزن سات کلو کم ہوگیا ہے۔ انہوں نے بتایا کہ اسپتال میں داخل کیے جانے سے پہلے ان کا وزن 107 کلوگرام تھا جو اب 100 کلوگرام رہ گیا ہے۔ واضح رہے کہ سابق وزیراعظم کی صحت خراب ہونے کی وجہ سے طبی جانچ اور علاج کے لئے گزشتہ ہفتہ جیل سے لاہور کے سروسیز اسپتال میں لایا گیا تھا۔ پلیٹ لیٹس کی تعداد اچانک کم ہوجانے کی وجہ سے ان کی صحت کافی خراب ہوگئی تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined