پاکستان کے سابق وزیر اعظم عمران خان پریشانی میں مبتلا، ایک آنکھ کی روشنی ختم، ایک رپورٹ سے انکشاف

اڈیالہ جیل میں بند سابق وزیر اعظم عمران خان اس وقت پریشانی میں مبتلا ہیں۔ اس کی وجہ یہ ہے کہ ان کی ایک آنکھ کی روشنی تقریباً ختم ہو چکی ہے۔ اس سلسلے میں پاکستان کی سپریم کورٹ میں ایک رپورٹ سونپی گئی ہے۔ رپورٹ میں دعویٰ کیا گیا ہے کہ عمران خان کی ایک آنکھ ایسی ہے جس کی بینائی محض 15 فیصد تک بچی ہے، جس کی وجہ سے وہ دیکھ نہیں پا رہے ہیں۔ رپورٹ میں انھیں فوراً علاج کی ضرورت پر بھی زور دیا گیا ہے۔ کہا گیا ہے کہ اگر جلد از جلد ان کا علاج نہیں کرایا جاتا ہے تو وہ اپنی دونوں ہی آنکھیں سے پوری طرح محروم ہو جائیں گے۔

نیوز پورٹل ’بی بی سی اُردو‘ پر شائع خبر کے مطابق پاکستانی سپریم کورٹ نے اس معاملہ میں سخت قدم اٹھاتے ہوئے حکومت سے کہا ہے کہ وہ 16 فروری سے قبل ملک کے ماہر ڈاکٹروں کی ایک ٹیم بھیج کر عمران خان کا علاج کرائے۔ عمران خان کی خراب طبیعت سے متعلق پہلے ہی اندیشے ظاہر کیے جا رہے تھے، جس کو پیش نظر رکھتے ہوئے کچھ دنوں قبل سپریم کورٹ نے سینئر وکیل سلمان صفدر کو عمران خان سے ملاقات کے لیے بھیجا تھا۔ صفدر نے ہی عمران سے ملاقات کے بعد ایک رپورٹ تیار کی ہے، جس میں جانکاری دی گئی ہے کہ وہ اپنی حفاظت سے متعلق مطمئن ہیں، لیکن انھیں گھر والوں سے ملنے نہیں دیا جا رہا ہے۔

صفدر نے اپنی رپورٹ میں کئی باتیں لکھی ہیں، جس نے عمران خان سے متعلق موجودہ حالات کو سامنے لایا ہے۔ اس رپورٹ میں بتایا گیا ہے کہ اکتوبر 2025 تک عمران خان ٹھیک تھے، لیکن اس کے بعد ان کی دائیں آنکھ کی روشنی اچانک چلی گئی۔ صفدر نے سپریم کورٹ سے کہا کہ ’’وہ صحت مند ہیں، لیکن وہ دیکھ نہیں پا رہے ہیں۔ انھیں علاج کی ضرورت ہے۔‘‘ رپورٹ میں یہ عدالت عظمیٰ سے یہ گزارش بھی کی گئی ہے کہ عمران کو اپنے بیٹوں سے بات کروانے کا انتظام کیا جانا چاہیے۔ اس بات پر حکومت کے وکیل نے حامی بھری ہے۔ عدالت نے عمران کو ان کے بیٹوں سے فون پر بات کرانے کا حکم جاری کر دیا ہے۔

بتایا جا رہا ہے کہ پاکستانِ تحریک انصاف (پی ٹی آئی) کے بانی عمران خان کی دائیں آنکھ میں سنٹرل ریٹینل وین آکلوزن ہو گیا ہے، جس کی وجہ سے ان کی آنکھ کی نسوں میں ایک ’خطرناک رکاوٹ‘ پیدا ہو گئی ہے۔ پاکستان حکومت کا کہنا ہے کہ ان کا علاج کیا جا چکا ہے۔ حالاکہ پی ٹی آئی اس سے مطمئن نہیں ہے۔ نیشنل ہیلتھ فاؤنڈیشن کا کہنا ہے کہ اس بیماری میں آنکھ کی نسوں میں خون کا تھکّا بن جاتا ہے، جس سے بینائی کو نقصان پہنچتا ہے۔