'امریکہ کو شام کی جنگ میں نہیں پڑنا چاہیے'، ٹرمپ نےشام میں افراتفری کی صورتحال پر کہا

شام میں تیزی سے پیش قدمی کرنے والی باغی افواج کا کہنا ہے کہ انھوں نے دارالحکومت دمشق کو گھیرے میں لینا شروع کر دیا ہے۔ اس معاملے پر، امریکہ کے نو منتخب صدر ڈونلڈ ٹرمپ نے کہا کہ امریکہ کو شام کی صورت حال میں "ملوث نہیں ہونا چاہیے"۔

ڈونالڈ ٹرمپ نے ایکس پر لکھا کہ ’’شام میں حزب اختلاف کے جنگجوؤں نے، ایک بے مثال اقدام میں، ایک انتہائی مربوط کارروائی میں، متعدد شہروں کو مکمل طور پر اپنے قبضے میں لے لیا ہے، اور اب وہ دمشق کے مضافات میں ہیں، ظاہر ہے کہ اسد کو اقتدار سے ہٹانے کے لیے ایک بہت بڑا اقدام کرنے کی تیاری کر رہے ہیں۔‘‘

ٹرمپ نے وضاحت کی کہ ’’ روس، کیونکہ یوکرین میں پھنسا ہوا ہے، وہاں 600,000 سے زیادہ فوجیوں کے نقصان کے ساتھ ، شام کے راستے اس لفظی مارچ کو روکنے سے قاصر ہے، ایک ایسا ملک جس کی انہوں نے برسوں سے حفاظت کی ہے۔‘‘

ٹرمپ ن اوباما پر حملہ کرتے ہوئے کہا کہ’’ روس کے لیے شام میں کبھی زیادہ فائدہ نہیں ہوا، سوائے اس کے کہ اوباما واقعی احمق نظر آئے۔ کسی بھی صورت میں، شام ایک گڑبڑ ہے، لیکن وہ ہمارا دوست نہیں ہے، اور ریاست امریکہ کو اس سے کوئی لینا دینا نہیں ہے۔ یہ ہماری لڑائی نہیں ہے۔ اسے چلنے دو۔ ملوث نہ ہوں!‘‘