امریکی ریاست فلوریڈا میں طیارہ گر کر تباہ، نو افراد ہلاک ہو گئے

امریکی ریاست فلوریڈا میں اتوار کو ایک کاروباری طیارہ گر کر تباہ ہو گیا۔ حادثے میں جہاز میں سوار تمام نو افراد ہلاک ہو گئے۔ امریکی ٹرانسپورٹیشن سیکرٹری شان ڈفی نے اس کی تصدیق کی۔اطلاعات کے مطابق 60 لیئر جیٹ آسٹن، ٹیکساس سے بہاماس جا رہا تھا۔شان  ڈفی نے کہا کہ فیڈرل ایوی ایشن ایڈمنسٹریشن (ایف اے اے) نیشنل ٹرانسپورٹیشن سیفٹی بورڈ کی مدد کے لیے ایک ٹیم بھیج رہی ہے، جو حادثے کی وجہ کی تحقیقات کر رہی ہے۔

یہ طیارہ، جس میں نو افراد سوار تھے، اتوار کو براہ راست جنوبی فلوریڈا کے علاقے میں گر کر تباہ ہوا۔ ٹکرانے پر طیارہ زوردار دھماکے سے پھٹ گیا۔یہ طیارہ ایک مصروف سڑک کے قریب گرا۔ حادثے کی وجہ سے آگ لگ گئی اور سڑک پر ایک بڑا گڑھا بن گیا۔فیڈرل ایوی ایشن ایڈمنسٹریشن کے مطابق طیارہ ٹیکساس کے آسٹن برگسٹروم انٹرنیشنل ایئرپورٹ سے بہاماس کے لیے روانہ ہوا۔ تاہم ابھی تک حادثے کی وجہ اور جہاز میں سوار افراد کی شناخت سامنے نہیں آئی ہے۔

کار میں سوار لوگوں نے حادثے کی فلم بنائی ۔ ویڈیو میں واضح طور پر دکھایا گیا ہے کہ طیارہ آسمان سے تیزی سے گرتا ہے اور پھر سڑک سے ٹکراتے ہی پھٹتا ہے۔ اس کے اثر سے سڑک میں ایک بڑا گڑھا پڑ گیا، جس کے چاروں طرف آگ کے شعلے اٹھ رہے تھے۔ طیارہ گھروں سے چند فٹ کے فاصلے پر اترا۔