سابق وزیراعظم عمران خان نے فیلڈ مارشل عاصم منیر کو  ذہنی مریض قرار دیا

پاکستان کے جیل میں بند سابق وزیراعظم عمران خان نے فیلڈ مارشل عاصم منیر کو کڑی تنقید کا نشانہ بنایا۔ انہوں نے کہا کہ پاکستان اس وقت مافیا کی زد میں ہے اور عوام مافیا کے غلام ہیں۔ عمران خان نے کہا کہ عاصم منیر ذہنی طور پر غیر مستحکم ہیں۔

عمران خان نے اڈیالہ جیل کے اندر سے بیان دیا کہ عاصم منیر ملک بھر میں پولیٹیکل انجینئرنگ میں مصروف ہیں۔ "میری اہلیہ  اور میرے خاندان کو ذہنی تشدد کا نشانہ بنایا جا رہا ہے اور سزا دی جا رہی ہے۔ میری اہلیہ اور میرے خاندان کو محض اس لیے نشانہ بنایا جا رہا ہے کہ میں ان کے سامنے جھکنے کو تیار نہیں ہوں۔ پاکستان اب قانون کی حکمرانی کے بجائے مافیا کی حکمرانی میں چل رہا ہے۔ یہ مافیا نظام کسی بھی اختلافی آواز کو کچلنے کی کوشش کرتا ہے۔ یہاں نہ آئین ہے اور نہ ہی قانون۔"

عمران خان نے اپنے سوشل میڈیا اکاؤنٹ پر پوسٹ کرتے ہوئے کہا کہ مجھے ایک سیل میں مکمل طور پر الگ تھلگ کر دیا گیا ہے، چار ہفتوں سے کسی ایک شخص کو دیکھنے کی اجازت نہیں دی گئی، میری بیوی بچے بھی مجھے  نہیں دیکھ سکتے، اور وہ تمام سہولیات سے محروم ہے، جب تک لوگ خود کو آزاد نہیں کر لیتے یہ مافیا اس قوم کو غلام بناتا رہے گا، پاکستان تحریک انصاف کے حامی  سابق فوجیوں اور ڈاکٹروں کے خلاف آپریشن ہر ایک پر حملہ ہے۔ ہمارے اپنے لوگ ہی دہشت گردی کو ہوا دیتے ہیں، یہ پالیسیاں اس ملک کے لیے تباہ کن ہیں۔"

عمران خان کا کہنا تھا کہ 'ہائی کورٹ کے حکم کے باوجود پہلے میری سیاسی اتحادیوں سے ملاقاتیں روک دی گئیں، اور اب مجھے اپنے وکیل اور اہل خانہ سے ملنے کی بھی اجازت نہیں دی گئی، میری بہن نورین نیازی کو صرف اس لیے سڑک پر گھسیٹا گیا کہ وہ مجھ سے ملنے کا جائز مطالبہ کر رہی تھی، عاصم منیر جیسا کوئی شخص ہی ایسی حرکت کر سکتا ہے۔ عاصم نے کینسر سے بچ جانے والی بزرگ ڈاکٹر یاسمین راشد کو سیاسی انتقام کی بنا پر قید کر رکھا ہے۔ میری بیوی بشریٰ بیگم کو بھی مجھ پر دباؤ ڈالنے کے لیے قید کیا گیا ہے۔‘

مراسلہ میں کہا گیا کہ جیل سے عمران خان نے پاکستان کی مرکزی اپوزیشن جماعت پی ٹی آئی کی اعلیٰ سیاسی کمیٹی کو تحلیل کر دیا ہے۔ یہ اقدام اپوزیشن کی حکمت عملی میں ایک بڑی تبدیلی کا اشارہ دیتا ہے۔