کرناٹک کے دیوانگیر ضلع میں ایک خاتون کا بیچ سڑک پر لون ایجنسی کے منیجر کی جم کر پٹائی کرتے ہوئے ویڈیو سوشل میڈیا پر وائرل ہو رہا ہے۔ الزام ہے کہ منیجر نے لون پاس کرانے کے لیے خاتون سے ناجائز رشتہ قائم کرنے کا مطالبہ کیا تھا۔ خاتون نے منیجر پر جنسی استحصال کا الزام عائد کیا ہے اور اطلاعات کے مطابق ملزم منیجر کو گرفتار بھی کر لیا گیا ہے۔ ملزم کی پہچان دیویّا کے طور پر ہوئی ہے جو ڈی ایچ ایف ایل نامی ایک لون ایجنسی میں کام کرتا ہے۔ خاتون نے الزام عائد کیا ہے کہ اس نے دو لاکھ روپے کا لون پاس کرنے کے لیے اس سے جسمانی رشتہ قائم کرنے کا مطالبہ کیا۔
Published: undefined
موصولہ اطلاعات کے مطابق واقعہ دیوانگیر شہر کے نجالنگپا ایکسٹینشن کا ہے۔ ملزم منیجر نے لون کے کام کے بہانے خاتون کو ایک گھر پر بلایا تھا۔ جب وہاں خاتون پہنچی تو اس نے لون پاس کروانے کے بدلے رشتہ بنانے کا مطالبہ کر دیا۔ اس سے خاتون بہت ناراض ہوئی اور اسے کھینچ کر اس کے گھر سے نکالا اور پٹائی شروع کر دی۔ خاتون نے بیچ سڑک پر سبھی کے سامنے اس کی ڈنڈے، چپل اور ہاتھوں سے پٹائی کر دی۔
کافی دیر تک ملزم کی پٹائی کرنے کے بعد خاتون نے اسے پولس کے حوالے کر دیا۔ پولس نے معاملہ درج کر ملزم منیجر کو عدالت میں پیش کیا جہاں سے اسے جیل بھیج دیا گیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined