مودی حکومت میں خراب کھانے پر سوال اٹھانے والے بی ایس ایف جوان تیج بہادر یادو کے بیٹے روہت نے جمعرات کی شب خودکشی کر لی ہے۔ پولس ذرائع کے مطابق ہریانہ کے ریواڑی واقع اپنے مکان میں روہت نے خود کو گولی مار لی۔ بتایا جا رہا ہے کہ جس وقت یہ واقعہ پیش آیا اس وقت گھر پر کوئی موجود نہیں تھا۔ والد تیج بہادر اس وقت پریاگ راج میں چل رہے کمبھ میلے میں گئے ہوئے ہیں۔ واقعہ کی اطلاع ملنے کے بعد مقامی پولس اور ایف ایس ایل کی ٹیم موقع پر پہنچی اور معاملے کی جانچ شروع کر دی ہے۔
Published: undefined
خبروں کے مطابق تیج بہادر یادو کا بیٹا روہت کمار دہلی یونیورسٹی میں بی ایس سی کے سیکنڈ ائیر کا طالب علم تھا۔ وہیں ہریانہ پولس کا کہنا ہے کہ شروعاتی جانچ میں یہ خودکشی کا معاملہ لگ رہا ہے۔ پولس نے معاملے کی جانکاری دیتے ہوئے بتایا کہ واقعہ کی جانکاری کے بعد ہم موقع پر پہنچے تو دیکھا کہ کمرہ اندر سے بند ہے۔ اندر جانے پر ہمیں بیڈ پر پڑی ہوئی لاش برآمد ہوئی۔ اس کے ہاتھ میں ایک پستول بھی تھی۔ پولس گھر والوں سے جانکاری لے رہی ہے کہ کیا روہت کسی طرح کے دباؤ میں تھا یا پھر کوئی دیگر معاملہ ہے۔
Published: undefined
واضح رہے کہ بی ایس ایف جوان تیج بہادر اس وقت موضوع بحث بنے تھے جب انھوں نے جنوری 2017 میں غیر معیاری کھانے کو لے کر سوشل میڈیا پر ویڈیو ڈالا تھا۔ ان کا ڈالا ہوا ویڈیو کافی وائرل ہوا تھا۔ اس کے بعد اپریل 2017 میں بی ایس ایف نے ان کو ڈسپلن شکنی کا قصوروار مانتے ہوئے برخاست کر دیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم