ہندوستانی وزیر خارجہ سشما سوراج نے اپنے پاکستانی ہم منصب شاہ محمود قریشی کا دعوت نامہ کا شکریہ ادا کرتے ہوئے کہا ہے کہ وہ اپنے پہلے سے طے پرگرام کی وجہ سے سنگ بنیاد کی تقریب میں شرکت نہیں کع پایں گی لیکن ان کے دو وزرأ اس تقریب میں شرکت کریں گے۔
Published: 25 Nov 2018, 8:08 AM IST
ادھر کل وزیر خارجہ شاہ محمود قریشی نے اپنے ٹوئٹر پیغام میں کہا تھا کہ وہ پاکستان کی جانب سے ہندوستانی وزیر خارجہ سشما سوراج کو اس خصوصی راہداری کو کھولنے کی تقریب میں شرکت کی دعوت دیتے ہیں۔ ذرائع کے مطابق وزیر خارجہ شاہ محمود قریشی کی طرف سے اٹھائیس نومبر کی تقریب کا دعوت نامہ دہلی حکومت کو ارسال کردیا گیا ہے۔
Published: 25 Nov 2018, 8:08 AM IST
پاکستانی وزیر خارجہ شاہ محمود قریشی نے اپنے ٹوئٹر پیغام میں سشما سوراج کے ساتھ ساتھ بھارتی پنجاب کے وزیراعلیٰ کیپٹن امرندر سنگھ اور سابق بھارتی کرکٹر نوَجوت سنگھ سدھو کو بھی تقریب میں شرکت کی دعوت دی۔
Published: 25 Nov 2018, 8:08 AM IST
قبل ازیں بھارت نے اپنی ریاست پنجاب کی سرحد کے قریب پاکستانی علاقے میں واقع گرودوارہ دربار صاحب تک سکھ یاتریوں کو رسائی دینے کے لیے ایک خصوصی راہداری قائم کرنے کی منظوری دی تھی۔ پاکستان کی جانب سے اس بھارتی فیصلے کا خیرمقدم کیا گیا۔ سرحد پر پاکستانی حدود میں وزیراعظم عمران خان آئندہ ہفتے خصوصی راہ داری گیٹ کا سنگ بنیاد رکھیں گے۔
Published: 25 Nov 2018, 8:08 AM IST
نوَجوت سنگھ سدھو نے پاکستانی کی جانب سے کرتار پور راہداری کھولنے کے اعلان پر اپنے ٹوئٹر پیغام میں پاکستانی وزیراعظم عمران خان کا شکریہ ادا کرتے ہوئے کہا تھا، ’’اس مثبت اقدام کا ہم خیر مقدم کرتے ہیں، ہمارے لیے یہ بہت اہمیت کا حامل ہے۔۔۔ یہ انسانیت کے لیے ایک بڑی خدمت ہے۔‘‘ واضح رہے سدھو نے پاکستانی دعوت نامہ کو بھی قبول کر لیا ہے۔
Published: 25 Nov 2018, 8:08 AM IST
واضح رہے سکھ برادری پاکستان کو اپنے مذہب کی جائے پیدائش سمجھتے ہیں۔ سکھ مذہب کے بانی بابا گرو نانک سن 1469ء میں لاہور کے قریب واقع ننکانہ صاحب میں پیدا ہوئے تھے۔
Published: 25 Nov 2018, 8:08 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 25 Nov 2018, 8:08 AM IST