کانگریس نے اس بات کا اندیشہ ظاہر کیا ہے کہ سی اے جی رافیل معاہدہ میں مرکز کی مودی حکومت کو کلین چٹ دے سکتی ہے۔ کانگریس کا کہنا ہے کہ جس طرح سے رافیل معاہدہ سے متعلق چنندہ جانکاریاں میڈیا میں آ رہی ہیں اس سے یہ اندیشہ پختہ ہوتا ہے۔ اس سلسلے میں کانگریس لیڈروں نے 4 اکتوبر کو دہلی میں سی اے جی سے ملاقات کر اپنی شکایت کے ساتھ ہی سبھی ثبوتوں اور دستاویزوں کا فورنسک آڈٹ کرانے کا مطالبہ کیا ہے۔
Published: 04 Oct 2018, 10:07 PM IST
کانگریس لیڈروں کے نمائندہ وفد نے کہا کہ چنندہ جانکاریاں افشا ہونے سے بدعنوانی اور جرائم پر پردہ ڈالنے کی کوشش کی جا رہی ہے۔ کانگریس نمائندہ وفد میں احمد پٹیل، آنند شرما، جے رام رمیش، رندیپ سنگھ سرجے والا، آر پی این سنگھ اور وویک تنخا شامل تھے۔
Published: 04 Oct 2018, 10:07 PM IST
سی اے جی سے ملاقات کے بعد صحافیوں سے بات چیت میں لیڈروں نے کہا کہ ’’حکومت کے بیان اور سرکاری ذرائع کے حوالے سے میڈیا میں آ رہی خبریں سی اے جی جیسے آئینی ادارہ کے کام کو متاثر کرنے کی کوشش ہے جس سے اس کی آزادی اور غیر جانبداری پر فرق پڑتا ہے۔‘‘ کانگریس نے رافیل معاہدہ میں مشترکہ پارلیمانی کمیٹی سے جانچ کرانے کا مطالبہ دہراتے ہوئے کہا کہ رافیل معاہدہ میں بدعنوانی اور سازش کا انکشاف صرف اسی جانچ سے ہو سکتا ہے۔
Published: 04 Oct 2018, 10:07 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 04 Oct 2018, 10:07 PM IST
تصویر: محمد تسلیم