شمالی کوریائی لیڈر کم جونگ اُن نے اپنے پہاڑی شہر سامجیون کی تزئین نو کا سلسلہ مکمل ہونے کے بعد اس کا باضابطہ افتتاح کر دیا ہے۔ اس شہر کو شمالی کوریا کی حکومتی اشرافیہ نے 'جنت‘ سے تعبیر کیا ہے۔ سامجیون مقدس سمجھے جانے والے پہاڑی سلسلے پائیٹکو کے دامن میں واقع ہے۔
Published: undefined
اس پہاڑ کو مقدس قرار دینے کی ایک وجہ یہاں سوشلسٹ حکومت کے موجودہ لیڈر کم جونگ اُن کے والد کم جونگ اِل کا مقامِ پیدائش ہے۔ کمیونسٹ حکومت سامجیون کو جدید اور ترقی یافتہ تہذیب کا ایک نشان قرار دے رہی ہے۔ اس شہر کے افتتاح کی تقریب پیر دو دسمبر کی شام منعقد ہوئی۔
Published: undefined
افتتاحی تقریب کے موقع پر شاندار آتش بازی کا مظاہرہ بھی کیا گیا۔ شمالی کوریائی حکمران ورکرز پارٹی کے با اختیار پولٹ بیورو کے ایک رکن کا کہنا ہے کہ سامجیون کو مزید وسعت دے کر لوگوں کے لیے ایک جنت نما شہر بنایا جائے گا۔
Published: undefined
شمالی کوریائی سرکاری نیوز ایجنسی نے اس شہر کے بارے میں چند تفصیلات جاری کی ہیں۔ ان کے مطابق اس میں تقریباً چار ہزار خاندانوں کو رہائشی سہولت فراہم کی گئی ہے۔ سامجیون میں ایک بڑا ہسپتال، ثقافتی سرگرمیوں کا مکمل انتظام ہونے کے ساتھ ساتھ اسکیینگ کا مقام بھی بنایا گیا ہے۔ سامجیون کو پہاڑوں میں ایک جدید شہر لیکن سوشلسٹ چھتری تلے قائم کیا گیا ہے۔
Published: undefined
دوسری جانب جنوبی کوریا میں شمالی کوریائی مہاجرین کے انٹرنیٹ اخبار دی ڈیلی این کے میں شائع رپورٹ میں بتایا گیا کہ کمیونسٹ حکومت نے سامجیون میں جدیدیت کا رنگ پیدا کرنے کے لیے وہاں کے رہائشیوں کو جبری بیدخل کر دیا تھا۔ اسی شہر کے کئی لوگوں سے نئی تعمیر کے لیے جبری مشقت بھی لی گئی۔ اس کے علاوہ کئی دوسرے علاقوں سے بھی مزدوروں کو تعمیراتی کام کے لیے زبردستی لایا گیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز