خبر رساں ادارے اے ایف پی نے یورپی یونین کے ذرائع سے جمعرات کے دن بتایا ہے کہ جرمنی، فرانس اور برطانیہ نے ایران کو مالی ادائیگیوں کے لیے ایک نیا میکانزم تیار کر لیا ہے۔ اس کا مقصد ایران کے جوہری پروگرام پر عائد امریکی پابندیوں کو بائی پاس کرنا بتایا گیا ہے۔
Published: undefined
ایران کے ساتھ لین دین کی خاطر فرانس میں ایک نئی کمپنی رجسٹر کی گئی ہے، جس کا انتظام جرمن چلائیں گے جبکہ اس کے لیے مالی وسائل ان دونوں ممالک کے علاوہ برطانیہ بھی ادا کرے گا۔ یوں ایران اس کمپنی کے ذریعے یورپی یونین کی رکن ریاستوں کے ساتھ لین دین کر سکے گا۔
Published: undefined
اس نئی کمپنی کا نام ’انسٹرومنٹ ان اسپورٹ آف ٹریڈ ایکسچینز‘ INSTEX رکھا گیا ہے۔ اگرچہ یہ منصوبہ جرمنی، فرانس اور برطانیہ کی طرف سے تیار کیا گیا تھا لیکن اس کی توثیق یورپی یونین کے تمام یعنی اٹھائیس ممالک نے کی ہے۔ سفارتی ذرائع کے مطابق بخارسٹ میں ہونے والی یورپی یونین کے وزرائے خارجہ کی ملاقات کے موقع پر اس منصوبے پر عملدرآمد کے حوالے سے حتمی اعلان کیا جا سکتا ہے۔
Published: undefined
بتایا گیا ہے کہ INSTEX پراجیکٹ کے تحت یورپی کمپنیوں کو خود ہی فیصلہ کرنا ہو گا کہ وہ ایران کے ساتھ کاروبار کرنا چاہتی ہیں یا نہیں۔ یہ امر اہم ہے کہ ایران پر امریکی پابندیوں کی بحالی کے بعد متعدد یورپی کمپنیوں نے ایران کے ساتھ کاروبار کرنا بند کر دیا ہے۔ یہ ابھی واضح نہیں کہ کون سی کمپنیاں اس پراجیکٹ کے تحت ایران سے بزنس کریں گی۔
Published: undefined
اس یورپی اسکیم کا ابتدائی مقصد یہ تھا کہ یورپی ممالک بارٹر سسٹم کے تحت ایران سے تیل خرید سکیں۔ تاہم اب چونکہ یورپی ممالک ایران سے کم تیل خرید رہے ہیں اس لیے اس اسکیم کا اطلاق دیگر چھوٹی اور میڈیم سائز کمپنیوں پر بھی ہو سکے گا۔
Published: undefined
ایران اور عالمی طاقتوں کے مابین سن دو ہزار پندرہ میں طے پانے والی تاریخی جوہری ڈیل سے دستبرداری کے بعد امریکا نے یورپی یونین کو خبردار کیا ہے کہ وہ ایران پر بحال کی جانے والی پابندیوں کی خلاف ورزی نہ کرے۔ تاہم یورپی ممالک کے ساتھ ساتھ چین اور روس کا کہنا ہے کہ ایران نے اس ڈیل کی خلاف ورزی نہیں کی ہے اور اس لیے تہران کے ساتھ کاروبار ترک نہیں کرنا چاہیے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined