کانگریس نے مرکزی وزیر داخلہ امت شاہ کو تنقید کا نشانہ بنایا ہے۔ کانگریس نے ٹوئٹ کر کہا ہے کہ ’’امت شاہ جی، زبان کا تنوع ہمارے عظیم ملک کی سب سے بڑی طاقت رہی ہے۔ خود ہندی نے بھی اپنی رواداری اور تنوع کے سبب ہی دیگر زبانوں کے الفاظ قبول کیے ہیں اور خود کو خوشحال بنایا ہے۔ ہندوستان تو اتحاد کے مالا میں بندھا ہوا ہے۔ آپ کے نظریات سے ہی اسے خطرہ ہے، زبانوں سے نہیں۔‘‘
Published: 14 Sep 2019, 9:09 AM IST
ایفورڈیبل، مڈل انکم ہاؤسنگ کے لیے حکومت نے 10 ہزار کروڑ کے فنڈ کا اعلان کیا ہے۔ مرکزی وزیر مالیات سیتارمن نے یہ اعلان کیا اور کہا کہ اس کے لیے خصوصی وِنڈو بنایا جائے گا۔
Published: 14 Sep 2019, 9:09 AM IST
مرکزی وزیر مالیات نرملا سیتارمن اس وقت میڈیا سے براہ راست مخاطب ہیں۔ پریس کانفرنس کے دوران انھوں نے کہا کہ ہندوستان میں اس وقت مہنگائی قابو میں ہے اور اس سے صاف ظاہر ہے کہ انڈسٹریل پروڈکشن ایک بار پھر بہتری کی راہ پر ہموار ہوگا۔
Published: 14 Sep 2019, 9:09 AM IST
جموں و کشمیر کے گونر ستیہ پال ملک نے کٹھوعہ میں کہا کہ ملک کی نظر میں گونر ایک ایسا شخص ہوتا ہے جو گولف کھیلتا ہے، عوام کے لئے کچھ نہیں کرتا اور اپنی مدت کار کے دوران صرف آرام کرتا ہے یا کرتی ہے لیکن جتنا کام ہم نے گزشتہ ایک سال میں کیا ہے، مجھے نہیں لگتا کہ اتنا کوئی منتخب حکومت بھی کر پاتی۔‘‘
Published: 14 Sep 2019, 9:09 AM IST
پاکستان سرحد پر لگاتار گولی باری کر رہا ہے۔ جموں و کشمیر کے حاجی پور سیکٹر میں پاکستان کی طرف سے زبردست گولی باری کی گئی۔ اس گولی باری کا ہندوستانی فوج نے منھ توڑ جواب دیا۔ جوابی کارروائی میں دو پاکستانی فوجی مارے گئے۔ اس کے بعد اپنے فوجیوں کی لاش کو لے جانے کے لیے پاکستانی فوجیوں کو سفید جھنڈا دکھانا پڑا۔
Published: 14 Sep 2019, 9:09 AM IST
کانگریس جنرل سکریٹری پرینکا گاندھی نے 13 ستمبر کی رات جالون میں مہاتما گاندھی کی مورتی توڑے جانے کی سخت الفاظ میں مذمت کی اور ایسا کرنے والا کو بزدل ٹھہرایا۔ انھوں نے اس سلسلے میں ایک ٹوئٹ کیا ہے جس میں لکھا ہے کہ ’’کچھ دنوں پہلے اتر پردیش میں بابا صاحب امبیڈکر جی کی مورتی کو غیر سماجی عناصر نے توڑا۔ اب جالون میں مہاتما گاندھی جی کی مورتی کو توڑا گیا۔‘‘ وہ مزید لکھتی ہیں کہ ’’مورتی توڑنے والے بزدلوں، زندگی میں یہی تمہاری حصولیابی ہے کہ رات کی تاریکی میں چھپ کر تم ملک کی عظیم ہستیوں کی بے عزتی کرنے کی کوشش کرتے ہو؟ مورتیوں پر حملہ کر کے ان عظیم ہستیوں کی عظمت کا ایک ذرہ بھی تم ہلا-ڈلا نہیں سکتے۔‘‘
Published: 14 Sep 2019, 9:09 AM IST
سنٹرل دہلی کے منڈی ہاؤس علاقے میں بابر روڈ کا ایک سائن بورڈ لگا ہے جس پر سیاہی لگا دینے کا معاملہ منظر عام پر آیا ہے۔ اس حرکت کا الزام ہندوتوا ذہنیت رکھنے والی تنظیم ’ہندو سینا‘ پر عائد کیا جا رہا ہے۔ بتایا جا رہا ہے کہ اس تنظیم سے جڑے لوگوں نے ہی سیاہی لگائی ہے۔ واضح رہے کہ منڈی ہاؤس سے بنگالی مارکیٹ کو جوڑنے والی سڑک کو بابر روڈ کے نام سے جانا جاتا رہا ہے۔
Published: 14 Sep 2019, 9:09 AM IST
مرکزی وزیر رام داس اٹھاولے نے جمعہ کے روز پاک مقبوضہ کشمیر سے متعلق ایک بیان دیا ہے جس سے پاکستان میں شور برپا ہونا لازمی ہے۔ انھوں نے کہا کہ پاکستان کے مفاد میں ہے کہ وہ اپنے قبضے والا کشمیر ہندوستان کے حوالے کر دے، کیونکہ کئی خبروں میں یہ سامنے آیا ہے کہ وہاں کے لوگ پاکستان سے ناخوش ہیں اور وہ ہندوستان کا حصہ بننا چاہتے ہیں۔
Published: 14 Sep 2019, 9:09 AM IST
اتر پردیش کے جالون میں انٹر کالج واقع مہاتما گاندھی کے مجسمے کو کچھ شر پسند عناصر نے توڑ دیا ہے۔ واقعہ 13 ستمبر کا ہے اور پولس نے ایف آئی آر درج کر تفتیش شروع کر دی ہے۔ ایڈیشنل ایس پی اودھیش سنگھ کا کہنا ہے کہ ’’مجسمہ دوبارہ نصب کیا جائے گا۔ ایف آئی آر درج کر لی گئی ہے اور جلد ہی قصورواروں کے خلاف کارروائی کی جائے گی۔‘‘
Published: 14 Sep 2019, 9:09 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 14 Sep 2019, 9:09 AM IST