چار ریاستوں اور ایک مرکز کے زیر انتظام علاقہ میں انتخابات کے تحت اچھی پولنگ درج کی گئی ہے۔ شام 5.30 بجے تک آسام میں 78.94 فیصد، کیرالہ میں 69.95 فیصد، پدوچیری میں 77.90 فیصد، تمل ناڈو میں 63.47 فیصد اور مغربی بنگال میں 77.68 فیصد پولنگ درج کئی گئی۔
Published: 06 Apr 2021, 8:01 AM IST
یوپی پولیس کی ایک ٹیم پنجاب کی روپ نگر جیل سے مختار انصاری کو لے کر باندہ کے لئے روانہ ہو گئی ہے۔ سپریم کورٹ نے 26 مارچ کو حکم دیا تھا کہ بی ایس پی کے رکن اسمبلی مختار انصاری کو مقدمہ کا سامنا کرنے کے لئے پنجاب سے یوپی کی جیل میں ٹرانسفر کر دیا جائے۔
Published: 06 Apr 2021, 8:01 AM IST
مغربی بنگال کے آرام باغ میں ٹی ایم سی امیدوار سوجاتا منڈل پر حملہ ہوا ہے۔ ٹی ایم سی کا الزام ہے کہ ان پر اینٹوں سے حملہ کیا گیا ہے۔ سوجاتا منڈل کا کہنا کہ کچھ افراد ماسک میں آئے اور مجھ پر حملہ کیا۔
Published: 06 Apr 2021, 8:01 AM IST
مغربی بنگال کے آرم باغ سے ٹی ایم سی امیدوار سوجتا منڈل کا کہنا ہے کہ "کئی مقامات پر صورتحال ٹھیک ہے، لیکن جہاں ہم مضبوط ہیں، وہاں ٹھیک نہیں ہے۔ بوتھ نمبر 45 پر لوگوں نے ٹی ایم سی کو ووٹ دیا، لیکن ووٹ بی جے پی کو جا رہا ہے۔ ہمارے کارکنوں کو ارنڈی- II میں مارا پیٹا گیا۔ مرکزی فورس بھی غیرجانبدار نہیں ہیں۔ وہ لوگوں سے بی جے پی کو ووٹ دینے کے لئے کہہ رہے ہیں۔ "
نئی دہلی: وزیر اعظم نریندر مودی نے عوام، خاص طور پر نوجوانوں سے اپیل کی ہے کہ وہ منگل کو ریاست تمل ناڈو، کیرالہ، بنگال، آسام اور پڈوچیری میں ہونے والے اسمبلی انتخابات کے لئے ریکارڈ تعداد میں ووٹ کرنے کی اپیل کی۔ پی ایم مودی نے اپنے ٹوئٹ پیغام میں کہا کہ ’’آسام، کیرالہ، پڈوچیری، تمل ناڈو اور مغربی بنگال میں آج انتخابات ہو رہے ہیں۔ میں ان ریاستوں کے لوگوں خصوصاً نوجوان ووٹروں سے ریکارڈ ووٹ کرنے کی اپیل کرتا ہوں‘‘۔ خیال رہے سخت حفاظتی انتظامات کے درمیان آج صبح تمل ناڈو، مغربی بنگال، آسام، کیرالہ اور پڈوچیری میں پولنگ شروع ہوچکی ہے۔
Published: 06 Apr 2021, 8:01 AM IST
آسام میں آخری مرحلہ ، مغربی بنگال میں تیسرے مرحلہ جبکہ تمل ناڈو، کیرالہ اور پڈوچری میں پہلےاور آخری مرحلہ کے لئےلوگوں نےووٹ ڈالنےشروع کر دئے ہیں۔واضح رہے تمل ناڈو میں 234، کیرالہ میں 140 اورپڈو چری میں 30 سیٹوں کےلئےووٹنگ ہو رہی ہے۔ آسام میں پہلے دو مرحلوں کے لئے پولنگ ہو چکی ہےاور آ ج آخری مرحلہ کےلئےووٹنگ ہو رہی ہے۔کیرالہ کےکوزیکوڈعلاقہ میں لوگوں میں زبردست جوش دیکھا جا رہا ہے۔
Published: 06 Apr 2021, 8:01 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 06 Apr 2021, 8:01 AM IST