دنیا کے سات عجوبوں میں شامل ’تاج محل‘ میں بم ہونے کی خبر موصول ہوئی، جس کے بعد ایک ہنگامہ برپا ہو گیا اور پولیس نے فوراً جانچ شروع کر دی۔ بعد میں یہ خبر افواہ ثابت ہوئی کیونکہ فون کرنے والا پولیس کی گرفت میں آ گیا ہے۔ پولیس نامعلوم شخص نے فون پر تاج محل میں دھماکہ خیز مادہ رکھنے کی اطلاع دی تھی جسے اب حراست میں لے لیا گیا ہے۔ پوچھ تاچھ کے دوران نوجوان نے بتایا کہ وہ ملازمت نہ ملنے سے پریشان تھا۔ جب پولیس کو تاج محل میں بم رکھے ہونے کی خبر ملی تو فوری طور پر اندر موجود سیاحوں کو باہر نکال دیا گیا تھا، لیکن اب تاج محل کے دروازے کھول دیے گئے ہیں۔
Published: 04 Mar 2021, 8:11 AM IST
ایک طرف جہاں محمد سراج نے خطرناک بلے باز انگلینڈ کے کپتان جو روٹ اور اچھی بلے بازی کر رہے جانی بیرسٹو کو ایل بی ڈبلیو کر کے پویلین بھیجا، وہیں جم کر کھیل رہے بین اسٹوکس کو واشنگٹن سندر نے 55 رن کے نجی اسکور پر آؤٹ کر دیا۔ اس طرح سے دونوں سلامی بلے بازوں کو آؤٹ کر کے اکشر پٹیل نے وکٹ گرانے کا جو سلسلہ شروع کیا تھا وہ جاری ہے اور انگلینڈ کی نصف ٹیم صرف 121 رن پر پویلین لوٹ گئی ہے۔
Published: 04 Mar 2021, 8:11 AM IST
بمراہ کی غیر موجودگی میں ہندوستانی تیز گیندباز محمد سراج نے انگلینڈ کے دو اہم وکٹ لے کر مہمان ٹیم کو پریشانی میں ڈال دیا ہے۔ پہلے محمد سراج نے کپتان جو روٹ کو محض 5 رن پر آؤٹ کیا، اور پھر اچھی بلے بازی کر رہے جانی بیرسٹو کو بھی 28 رن کے نجی اسکور پر پویلین بھیج دیا۔ تازہ ترین خبروں کے مطابق انگلینڈ نے 41 اوور میں 4 وکٹ کے نقصان پر 107 رن بنا لیے ہیں اور ہندوستان کی طرف سے دو وکٹ محمد سراج اور دو وکٹ اکشر پٹیل نے لیے ہیں۔
Published: 04 Mar 2021, 8:11 AM IST
انگلینڈ کے خلاف ٹیسٹ سیریز کے چوتھے اور آخری ٹیسٹ میچ میں ہندوستان نے اچھی شروعات کرتے ہوئے مخالف ٹیم کے تین بلے بازوں کو محض 75 رن پر آؤٹ کر دیا ہے۔ پہلے اکشر پٹیل نے دونوں سلامی بلے بازوں زیک کراؤلی اور ڈوم سبلی کو جلدی جلدی پویلین بھیج دیا، اور پھر اس کے بعد محمد سراج نے انگلینڈ کے کپتان جو روٹ کو محض 5 رن پر ایل بی ڈبلیو کر کے زبردست جھٹکا دے دیا۔ اس وقت جونی بیرسٹو اور بین اسٹوکس بلے بازی کر رہے ہیں۔
Published: 04 Mar 2021, 8:11 AM IST
راہل گاندھی نے کسان حامیوں کے یہاں انکم ٹیکس محکمہ اور ای ڈی کے چھاپوں پر محاوروں کے ذریعہ مودی حکومت کو تنقید کا نشانہ بنایا ہے۔ انھوں نے ان چھاپوں کے ذریعہ بے قصور لوگوں کو پریشان کیے جانے کا الزام عائد کرتے ہوئے ایک ٹوئٹ کیا ہے جس میں لکھا ہے’’کچھ محاورے: انگلیوں پر نچانا- مرکزی حکومت آئی ٹی ڈپارٹمنٹ، ای ڈی، سی بی آئی کے ساتھ یہ کرتی ہے۔ بھیگی بلی بننا- مرکزی حکومت کے سامنے میڈیا دوست۔ کھسیانی بلی کھمبا نوچے- جیسے مرکزی حکومت کسان حامیوں کے یہاں چھاپہ ماری کراتی ہے۔‘‘
Published: 04 Mar 2021, 8:11 AM IST
ویسٹ انڈیز اور سری لنکا کے درمیان تین ٹی-20 میچوں کی سیریز کھیلی جا رہی ہے جس کے پہلے میچ میں ویسٹ انڈیز کے کپتان کیرن پولارڈ نے ایک اوور میں 6 چھکّے لگا کر یوراج سنگھ کے ریکارڈ کی برابری کر لی۔ چھٹے چھکے کا ویڈیو آئی سی سی نے اپنے ٹوئٹر ہینڈل سے شیئر کیا ہے۔ ویڈیو نیچے دیا گیا ہے، آپ بھی دیکھیے۔
Published: 04 Mar 2021, 8:11 AM IST
اڈیشہ کے ’سملی پال نیشنل پارک‘ میں اب بھی آتشزدگی جاری ہے۔ ریاست کے وزیر اعلیٰ نوین پٹنایک نے حالات کا جائزہ لیا اور آگ پر قابو پانے کے لیے افسران کو ہر ممکن طریقہ اختیار کرنے کا مشورہ دیا۔
Published: 04 Mar 2021, 8:11 AM IST
عرب لیگ کے ممالک کے وزرائے خارجہ نے بدھ کے روز احمد ابوالغیط کو لیگ کا نیا جنرل سکریٹری مقرر کیا۔ مصری میڈیا نے یہ اطلاع دی ہے۔نیوز ایجنسی مینا نے سفارتی ذرائع کے حوالے سے بتایا ہے کہ وزرائے خارجہ نے متفقہ طور پر مصر کی نامزدگی کی حمایت کی ہے۔
احمد ابوالغیط 1945 سے قائم عرب لیگ کے آٹھویں جنرل سکریٹری ہیں۔ مارچ 2016 میں سیکریٹری جنرل کی حیثیت سے اپنی پہلی تقرری سے قبل، وہ اقوام متحدہ میں مصر کے سفیر اور وزیر خارجہ جیسے اعلی سفارتی عہدوں پر فائز رہے ہیں۔
Published: 04 Mar 2021, 8:11 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 04 Mar 2021, 8:11 AM IST
تصویر: پریس ریلیز
تصویر: محمد تسلیم