ہاتھرس معاملہ پر بنارس میں کانگریس کارکنان نے اسمرتی ایرانی کے قابلہ کو روک لیا اور جم کر نعرے بازی کی۔ مظاہرین نے ہاتھرس کی بیٹی کے لئے انصاف طلب کیا اور ’اسمرتی ایرانی گو بیک‘ اور ’اسمرتی ایرانی استعفیٰ دو‘ کے نعرے لگائے۔ کئی کانگریس کارکنان کو پولیس کی طرف سے گرفتار کئے جانے کی بھی اطلاع ہے۔
Published: 03 Oct 2020, 8:18 AM IST
راہل گاندھی نے ٹوئٹ کیا، ’’اس پیاری بچی اور اس کے کنبہ کے ساتھ یو پی حکومت اور اس کی پولیس کی طرف سے جو سلوک کیا جا رہا ہے وہ مجھے قبول نہیں۔ کسی بھی ہندوستانی کو یہ قبول نہیں کرنا چاہئے۔‘‘
Published: 03 Oct 2020, 8:18 AM IST
پرینکا گاندھی نے ٹوئٹ کیا، ’’یوپی حکومت اخلاقی طور پر بدعنوان ہے۔ متاثرہ کو علاج نہیں ملا، وقت پر شکایت نہیں لکھی گئی، لاش کو زبردستی جلایا، کنبہ قید میں ہے، انہیں دبایا جا رہا ہے - اب انہیں دھمکی دی جا رہی ہے کہ نارکو ٹیسٹ ہوگا۔ یہ رویہ ملک کو منظور نہیں۔ متاثرہ کے کنبہ کو دھمکانا بند کیجئے۔‘‘
Published: 03 Oct 2020, 8:18 AM IST
راہل گاندھی کی قیادت میں کانگریس ارکان پارلیمنٹ کا ایک وفد ہاتھرس میں جاکر متاثرہ کے اہل خانہ سے ملاقات کر سکتا ہے۔ کانگریس پارٹی کی طرف سے جاری ایک بیان میں کہا گیا ہے کہ آج دوپہر ہاتھرس کے لئے رونہ ہوں گے اور متاثرہ کنبہ ملاقات کریں گے۔
واضح رہے کہ جمعرات کے روز بھی راہل گاندھی، پرینکا گاندھی کے اہمراہ ہاتھرس کے لئے روانہ ہوئے تھے لیکن پولیس نے انہیں آگے نہیں جانے دیا تھا اور حراست میں لے لیا تھا۔ ایسے حالات میں آج بھی پولیس انتظامہ کی طرف سے انہیں ہاتھرس جانے کی اجازت مل پائے گی اس کے کم ہی امکانات ہیں۔
Published: 03 Oct 2020, 8:18 AM IST
اترپردیش میں ہاتھرس واقعہ کے بعد سیاست کے درمیان ایس آئی ٹی کی رپورٹ پر پولیس سپرنٹنڈنٹ سمیت پانچ پولیس اہلکاور وں کو معطل کر دیا ہے ۔ اب حکومت نے افسروں کے ساتھ متاثرہ کے کنبہ کے افراد کا بھی نارکو ٹیسٹ کرانے کا فیصلہ کیا ہے۔
مجاز ذرائع نے جمعہ کی رات بتایا کہ تین رکنی ایس آئی ٹی نے آج وزیراعلی کو اپنی پہلی رپورٹ پیش کی جس میں بادی النظر واقعہ کے بعد جانچ میں پولیس کی لاپرواہی سامنے آئی ہے جس پر فوری طورپر فیصلہ کرتے ہوئے حکومت نے پانچ پولیس اہلکاروں کو معطل کردیا ہے۔
Published: 03 Oct 2020, 8:18 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 03 Oct 2020, 8:18 AM IST
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم