نتیش کبھی پڑھائی، کمائی، سینچائی، دوائی جیسے اصل مسائل پر نہیں بولتے، تیجسوی

آر جے ڈی لیڈر تیجسوی یادو نے نتیش کمار پر حملہ بولتے ہوئے کہا کہ وہ کبھی پڑھائی، کمائی، سینچائی اور دوائی کے حقیقی مسائل پر بات نہیں کرتے اور ہمیشہ ماضی کا حوالہ دیتے رہنا چاہتے ہیں۔ تیجسوی یادو نے اس دوران بی جے پی پر بھی حملہ بولا اور کہا کہ وہ بی جے پی کے صدر جے پی نڈا سے کھلی بحث کے لئے تیار ہیں۔

کانگریس کی جنرل سکرٹری پرینکا گاندھی اپنی دادی اندرا گاندھی کو خراج عقیدت پیش کرنے ان کی سمادھی ’شکتی استھل‘ پہنچیں۔ اس دوران جناردن دیویدی سمیت کئی کانگریس کے لیڈران نے اندرا گاندھی کو خراج عقیدت پیش کیا۔

اہل گاندھی نئے اپنی دادی اندرا گاندھی کی برسی پر ایک سنسکرت کے شلوک کو ٹوئٹ کیا، انہوں نے لکھا، ’’استو ما سد گمے، تم سو ما جیوترگمے۔ جھوٹ سے سچائی کی طرف، اندھیرے سے روشنی کی طرف، موت سے زندگی کی طرف۔ شکریہ دادی، آپ نے مجھے ان الفاظ کے اصل معنی کو سمجھایا اور ان الفاظ کے ساتھ جینا سکھایا۔

وزیر اعظم نریندر مودی نے ہفتہ کے روز سابق وزیر اعظم اندرا گاندھی کی برسی پر انہیں خراج عقیدت پیش کیا۔ پی ایم مودی نے ٹویٹ کیا ’’ہماری سابق وزیر اعظم مسز اندرا گاندھی کی برسی پر انہیں خراج عقیدت‘‘ خیال رہے وزیر اعظم جمعہ کو دو روزہ دورے پر اپنی آبائی ریاست گجرات آئے ہوئے ہیں۔ ملک کی پہلی اوراب تک واحد خاتون وزیر اعظم اندرا پریہ درشنی گاندھی کو ان کے محافظوں نے 31 اکتوبر 1984 کو گولی مار کر ہلاک کر دیا تھا۔