وومنس ٹی-20 عالمی کپ کا سیمی فائنل میچ آج ہندوستان اور آسٹریلیا کے درمیان کھیلا گیا۔ اس دلچسپ مقابلے میں 5 رنوں سے جیت حاصل کر آسٹریلیا فائنل میں پہنچ گئی ہے۔ ایک وقت ہندوستان جیت کی طرف قدم بڑھاتا ہوا دکھائی دے رہا تھا، لیکن کپتان ہرمن پریت کور (52 رن) کے رَن آؤٹ ہونے کے بعد حالات کافی بدل گئے اور آخر میں 5 رنوں سے ہندوستانی ٹیم کو شکست ملی۔ ٹاس جیت کر پہلے بلے بازی کرتے ہوئے آسٹریلیائی خاتون ٹیم نے 20 اوور میں 4 وکٹ کے نقصان پر 172 رن بنائے۔ 173 رنوں کے ہدف کا پیچھا کرنے اتری ہندوستانی ٹیم کے 3 کھلاڑی حالانکہ جلدی جلدی آؤٹ ہو گئے تھے، لیکن رَن ریٹ اچھا رہا اور کپتان ہرمن پریت کے ساتھ جیما روڈرگز نے 24 گیندوں پر تیز طرار 43 رن بنا کر حالات ہندوستان کے حق میں کر دیے تھے۔ آخری اوور میں ہندوستان کو جیت کے لیے 16 رن بنانے تھے لیکن 10 رن ہی بن سکے۔ 20 اوور میں ہندوستانی خاتون ٹیم نے 8 وکٹ کے نقصان پر 167 رن بنائے۔
Published: 23 Feb 2023, 12:53 PM IST
مغربی بنگال میں جمعرات کو ایک بڑا ریل حادثہ ہوتے ہوتے ٹل گیا۔ ہوڑہ-امتا لوکل ٹرین کے 3 ڈبے ماجو ریلوے ہالٹ کے پاس پٹری سے اتر گئے۔ واقعہ کے بعد سنتراگاچھی سے راحتی ٹرین کے ساتھ جنوب شمالی ریلوے کے افسران جائے حادثہ پر پہنچے۔ اچھی بات یہ ہے کہ اس حادثہ میں کسی بھی ہلاکت کی خبر سامنے نہیں آئی ہے۔
Published: 23 Feb 2023, 12:53 PM IST
کناگریس جنرل سکریٹری جئے رام رمیش نے رائے پور میں ایک پریس کانفرنس کے دوران پون کھیڑا معاملے پر کہا کہ ملک میں بولنے کی آزاد ہے ہی نہیں، بلکہ بولنے کے بعد کی آزادی بھی خطرے میں ہے۔ انھوں نے کہا کہ مودی حکومت کانگریس کنونشن کو ناکام بنانے کی بے کار کوشش کر رہی ہے۔ جئے رام رمیش کا کہنا ہے کہ ’’پہلے کانگریس لیڈروں کے گھر پر چھاپہ ماری کی جاتی ہے اور آج پون کھیڑا کے ساتھ جو ہوا اس سے صاف ہے کہ مودی حکومت ہر قیمت پر کانگریس کنونشن کو ناکام بنانا چاہتی ہے۔‘‘
Published: 23 Feb 2023, 12:53 PM IST
شیوسینا کے ادھو ٹھاکرے دھڑے کے رکن پارلیمنٹ سنجے راوت نے کہا ’’وہ بڑی خبر بنانا چاہتے تھے، اس لیے انہوں نے پون کھیڑا کو گرفتار کر لیا۔ اس کے علاوہ چھتیس گڑھ میں کانگریس کے اجلاس سے 24 گھنٹے پہلے، سی ایم کے قریبی ساتھیوں اور کانگریس لیڈروں پر ای ڈی اور سی بی آئی نے چھاپے مارے۔ وہ اپوزیشن جماعتوں کا گلا گھونٹ رہے ہیں۔ یہ صرف ایمرجنسی ہے۔‘‘
Published: 23 Feb 2023, 12:53 PM IST
کانگریس ترجمان پون کھیڑا کو سپریم کورٹ سے راحت دی گئی ہے۔ سپریم کورٹ نے آئندہ منگل تک ان کی گرفتاری پر روک لگاتے ہوئے ان کے خلاف درج کی گئی تمام ایف آئی آرز کو یکجا کرنے کے معاملہ پر آسام پولیس اور یوپی پولیس کو نوٹس جاری کیا ہے۔
Published: 23 Feb 2023, 12:53 PM IST
کانگریس لیڈر آر ایس سرجے والا نے کہا ’’ہیمنت بسوا سرما خود کو وفادار ثابت کرنے کی کوشش کر رہے ہیں۔ پون کھیڑا کے خلاف فرضی ایف آئی آر درج کی گئی ہے۔ انہوں نے کیا جرم کیا ہے؟ ہم سچائی کے لئے لڑیں گے اور وہ ہمیں خاموش نہیں کر پائیں گے۔ ہم اسے قانونی طور پر لڑیں گے۔‘‘
Published: 23 Feb 2023, 12:53 PM IST
سپریم کورٹ نے کانگریس لیڈر پون کھیڑا کی گرفتاری سے متعلق عرضی پر سماعت شروع کر دی ہے۔ سینئر ایڈوکیٹ ابھیشیک منو سنگھوی نے کھیڑا کے لئے عبوری راحت اور ملک بھر میں ان کے خلاف درج کرائی گئی ایف آئی آرز کو یکجا کرنے کا مطالبہ کیا۔
ادھر، آسام پولیس کی جانب سے پیش ہونے والے وکیل نے سپریم کورٹ میں کہا کہ انہیں گرفتار کیا گیا ہے اور ٹرانزٹ ریمانڈ کے لئے عدالت میں پیش کیا جائے گا۔
Published: 23 Feb 2023, 12:53 PM IST
کانگریس ترجمان پون کھیڑا کی گرفتار کے خلاف سپریم کورٹ میں عرضی داخل کی گئی ہے۔ اے این آئی نے خبر دی ہے کہ سپریم کورٹ نے اس معاملہ پر سماعت کے لئے رضامندی ظاہر کر دی ہے۔ سپریم کورٹ آج سہ پہر 3 بجے معاملہ پر سماعت کرے گا۔
دریں اثنا، پون کھیڑا نے اپنی گرفتار کے بعد کہا ’’یہ ایک لمبی لڑائی ہے اور میں لڑنے کے لئے تیار ہوں۔‘‘
Published: 23 Feb 2023, 12:53 PM IST
آسام پولیس کی طرف سے کانگریس لیڈر پون کھیڑا کو گرفتار کئے جانے کے بعد دہلی کی عدالت میں پیش کیا جائے گا، جہاں سے ٹرانزٹ ریمانڈ حاصل کی جائے گی۔ اس کے بعد انہیں آسام لے جایا جائے گا۔
Published: 23 Feb 2023, 12:53 PM IST
کانگریس لیڈر پون کھیڑا کو دہلی ایئرپورٹ پر پرواز میں سوار ہونے سے روکے جانے اور انہیں گرفتار کئے جانے پر چھتیس گڑھ کے وزیر اعلیٰ بھوپیش بگھیل نے کہا کہ ایک طرف مرکزی حکومت ریاست میں ہمیں پریشان کر رہی ہے کہ ہم کنونشن کا انعقاد صحیح طرح سے نہ کر پائیں اور اس کے لیے چھاپے مارے جا رہے ہیں۔ ہمارے کارکنوں کے گھروں پر چھاپہ ماری کی گئی۔ کل پھر 3 دفاتر پر چھاپہ مارا گیا۔ دوسری طرف کانگریس کے ہمارے لیڈروں کو یہاں آنے سے روکا جا رہا ہے۔ پون کھیڑا کو طیارے سے اتارنے کا مطلب ہے کہ بی جے پی کانگریس کے کنونشن سے خوفزدہ ہے۔‘‘
Published: 23 Feb 2023, 12:53 PM IST
کانگریس کنونشن میں شرکت کے لئے رائے پور جا رہے پارٹی ترجمان پون کھیڑا کو دہلی پولیس کی جانب سے پرواز سے اتارے جانے کے بعد ان کی گرفتار کی تصدیق کر دی گئی ہے۔ آسام پولیس کا کہنا ہے کہ اس کی درخواست پر دہلی پولیس نے اس کارروائی کو انجام دیا ہے۔ آسام پولیس کے ترجمان نے کہا کہ پون کھیڑا کے خلاف آسام کے ہاف لونگ پولیس تھانہ میں مقدمہ درج کیا گیا اسی سلسلہ میں انہیں گرفتار کیا گیا ہے۔
Published: 23 Feb 2023, 12:53 PM IST
کانگریس کے جنرل سکریٹری شعبہ مواصلات جے رام رمیش نے کہا ’’پہلے ای ڈی ھے رائے پور میں چھاپہ ماری کی، اب پون کھیڑا کو دہلی پولیس کی جانب سے رائے پور کے طیارے سے اتارا گیا ہے۔ تاناشاہی کا دوسرا نام ’امت شاہی’ ہے! مودی حکومت ہمارے قومی کنونشن میں رخنہ ڈالنا چاہتی ہے۔ ہم ڈرنے والے نہیں ہیں، ملک کے باشندگان کے لئے جدوجہد کرتے رہیں گے۔‘‘
Published: 23 Feb 2023, 12:53 PM IST
کانگریس لیڈر پون کھیڑا نے کہا ’’مجھے بتایا گیا کہ آپ کے سامان میں کچھ مسئلہ ہے، جبکہ میرے پاس صرف ایک ہینڈ بیگ ہے۔ فلائٹ سے اترے تو بتایا گیا کہ آپ نہیں جا سکتے۔ پھر کہا گیا- ڈی سی پی آپ سے ملیں گے۔ میں کافی عرصے سے انتظار کر رہا ہوں۔ اصولوں، قوانین اور وجوہات کا کوئی سراغ نہیں!‘‘
Published: 23 Feb 2023, 12:53 PM IST
کانگریس کنونشن میں شرکت کے لئے جا رہے پارٹی کے ترجمان پون کھیڑا کو طیارے سے نیچے اتارے جارنے پر کانگریس نے سخت رد عمل ظاہر کیا ہے۔ پارٹی لیڈڑ رندیپ سرجے والا نے کہا ’’کانگریس کے ساتھیوں کے ساتھ ہم سب جنرل اسمبلی کے لیے انڈیگو کی فلائٹ سے رائے پور جا رہے تھے، ہمارے ساتھی پون کھیڑا کو طیارے سے اتار دیا گیا اور اب آسام پولیس آ گئی ہے۔ یہ کیسی آمریت ہے؟ امن و امان کے نام پر کسی ایک آدمی کی من مانی قابل قبول نہیں۔ ہم سب سچ کے سپاہی ہیں، حق کے لیے لڑیں گے۔‘‘
Published: 23 Feb 2023, 12:53 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 23 Feb 2023, 12:53 PM IST