اتر پردیش کے بہرائچ ضلع اسپتال میں ایک خاتون نے بچے کو وہاں کے فرش پر جنم دیا۔ الزام عائد کیا گیا ہے کہ خاتون کو اسپتال میں وقت پر علاج نہیں دیا گیا جس کی وجہ سے یہ نوبت آئی۔ دوسری طرف ڈاکٹروں کا کہنا ہے کہ خاتون کو اس کے گھر والے آخر وقت پر اسپتال لے کر آئے تھے اور جب تک اسے داخل کیا جاتا اس نے بچے کو فرش پر ہی جنم دے دیا۔
Published: 08 May 2019, 9:10 AM IST
نئی دہلی: دہلی اور شمال مغربی ہندوستان کے دیگر علاقوں میں بدھ اور جمعرات کو دھول بھری آندھی کا خدشہ ہے۔ محکمہ موسمیات نے بتایا کہ دہلی، راجستھان، مغربی اترپردیش اور ہریانہ میں آج شام دھول بھری آندھی چل سکتی ہے۔ جمعرات کو بھی ان ریاستو ں میں دھول بھری آندھی کا خدشہ ہے۔ اس کے علاوہ ودربھ اور مغربی راجستھان، مشرقی اترپردیش، بہار، چھتیس گڑھ، ساحلی آندھرا پردیش، تلنگانہ اور رائل سیما کے کچھ علاقوں میں دس مئی تک لوچلتے رہنے کا بھی خدشہ ہے۔ منگل کو ودربھ علاقہ کا برہم پوری ملک کا سب سے گرم مقام رہا۔ وہاں درجہ حرارت 46.2 ڈگری سینٹی گریڈ درج کیا گیا۔
Published: 08 May 2019, 9:10 AM IST
خبر رساں ایجنسی رائٹرس کی خبروں کے مطابق افغانستان کی راجدھانی کابل میں زبردست بم دھماکہ ہوا ہے۔ اس دھماکہ سے متعلق تفصیلات کا ابھی انتظار ہے لیکن رائٹرس کا کہنا ہے کہ دھماکہ کافی زوردار تھا۔
تازہ ترین اطلاعات کے مطابق اس دھماکہ میں 9 افراد زخمی ہو گئے ہیں اور ان میں کچھ کی حالت سنگین بتائی جا رہی ہے۔
Published: 08 May 2019, 9:10 AM IST
پاکستان کے لاہور میں صوفی درگاہ داتا دربار کے قریب جو دھماکہ ہوا ہے اسے خودکش دھماکہ قرار دیا جا رہا ہے اور پولس ذرائع سے مل رہی خبروں کے مطابق مہلوکین کی تعداد بڑھ کر 8 پہنچ گئی ہے۔ مہلوکین میں 5 پولس اہلکار شامل ہیں۔ زخمیوں کی تعداد بھی بڑھ کر 25 پہنچ گئی ہے اور کئی کی حالت نازک بتائی جا رہی ہے۔
خبروں کے مطابق خودکش دھماکہ پولس فورس کی گاڑی کو نشانہ بنا کر کیا گیا تھا اس لیے پولس اہلکاروں کو زیادہ نقصان پہنچا ہے۔ لاہور کے آئی جی نے 8 ہلاکتوں اور 25 لوگوں کے زخمی ہونے کی تصدیق کر دی ہے۔ اس پورے علاقے کی پولس نے گھیرا بندی کر دی ہے اور اعلیٰ افسران موقع پر پہنچ کر جانچ کر رہے ہیں۔
Published: 08 May 2019, 9:10 AM IST
پاکستان واقع لاہور کے مشہور صوفی درگاہ داتا دربار کے باہر زبردست بم دھماکہ سے افرا تفری کا ماحول پیدا ہو گیا ہے۔ میڈیا ذرائع کے مطابق اس دھماکہ میں 5 لوگ شہید ہو گئے جب کہ کم و بیش 24 لوگ زخمی ہو گئے جنھیں علاج کے لیے قریبی اسپتال میں داخل کرایا گیا ہے۔ ’جیو نیوز‘ کے مطابق راحت اور بچاؤ کام میں لگی ٹیم کا کہنا ہے کہ یہ دھماکہ پنجاب پولس کی ایلٹ فورس کی گاڑی کو نشانہ بنا کر کیا گیا۔ ذرائع کا کہنا ہے کہ شہید ہونے والوں میں 3 پولس افسر ہیں۔ زخمیوں میں چار کی حالت انتہائی سنگین بتائی جا رہی ہے۔
Published: 08 May 2019, 9:10 AM IST
چھتیس گڑھ کے دنتے واڑا میں سیکورٹی فورسز کے ساتھ تصادم میں دو نکسلی ہلاک ہو گئے۔ مارے گئے نکسلیوں کے پاس سے سیکورٹی فورسز نے اسلحے بھی برآمد کیے ہیں۔ سیکورٹی فورسز اور نکسلیوں کے درمیان یہ تصادم دنتے واڑا اور سکما بارڈر پر ہوا۔
Published: 08 May 2019, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 08 May 2019, 9:10 AM IST
تصویر سوشل میڈیا