ملک بھر میں ای وی ایم کے ساتھ چھیڑ چھاڑ کی خبروں پر سابق صدر جمہوریہ پرنب مکھرجی نے اپنا رد عمل ظاہر کیا ہے۔ انھوں نے بیان جاری کر کہا ہے کہ ای وی ایم کے ساتھ چھیڑ چھاڑ کی خبروں سے میں فکرمند ہوں۔ ای وی ایم کی سیکورٹی الیکشن کمیشن کی ذمہ داری ہے۔ کمیشن کو کچھ ایسا کرنا چاہیے جس سے اس طرح کے قیاس پر روک لگے۔
Published: 21 May 2019, 9:10 AM IST
دہلی میں این ڈی اے کی میٹنگ میں شامل ہونے پہنچے وزیر اعلیٰ نتیش کمار نے کہا کہ دفعہ 370 کو ہٹانے اور کامن سول کوڈ تھوپنے کی بات نہیں ہونی چاہیے۔ انھوں نے کہا کہ ایودھیا مسئلہ کا حل آپسی اتفاق یا عدالت کے فیصلے سے ہونا چاہیے۔ خاص بات یہ ہے کہ نتیش کمار کے برعکس بی جے پی کشمیر سے دفعہ 370 ہٹانے کے حق میں ہے۔
لوک سبھا انتخابی تشہیر کے دوران جھارکھنڈ میں ایک انتخابی جلسہ کو خطاب کرتے ہوئے بی جے پی صدر امت شاہ نے کہا تھا کہ ایک بار پھر مودی کو پی ایم بنائیے، ہم کشمیر سے دفعہ 370 ہٹا دیں گے۔
Published: 21 May 2019, 9:10 AM IST
دہلی کے کانسٹی ٹیوشن کلب میں اپوزیشن کی ایک انتہائی اہم میٹنگ شروع ہوئی ہے۔ میٹنگ میں کانگریس لیڈر غلام نبی آزاد اور سماجوادی پارٹی کے لیڈر رام گوپال یادو، سی پی ایم جنرل سکریٹری سیتارام یچوری، ترنمول کانگریس لیڈر ڈیرک او برائن اور آر جے ڈی لیڈر منوج جھا سمیت کئی لیڈر موجود ہیں۔ یہ میٹنگ آندھرا پردیش کے وزیر اعلیٰ چندرا بابو نائیڈو کی قیادت میں ہو رہی ہے۔ میٹنگ سے پہلے رام گوپال یادو نے کہا کہ اپوزیشن ڈرا ہوا نہیں ہے، جو ڈرے ہوئے ہیں وہ غار میں بیٹھ رہے ہیں۔
Published: 21 May 2019, 9:10 AM IST
اتر پردیش کے مرزا پور سے کانگریس امیدوار للتیش پتی ترپاٹھی نے لوک سبھا پارلیمانی حلقہ کے آبزرور کو خط لکھ کر دوسری پارٹیوں کے امیدواروں اور ان کے نمائندوں کے سامنے ووٹ شماری مرکز پر رکھے گئے اضافی ای وی ایم کو ہٹانے کی گزارش کی ہے۔
Published: 21 May 2019, 9:10 AM IST
19 مئی کو لوک سبھا الیکشن کے لیے ووٹنگ ختم ہونے کے بعد سے لگاتار دو دن سے پٹرول اور ڈیزل کی قیمتوں میں تیزی دیکھی جا رہی ہے۔ آج تیل کمپنیوں نے نئی دہلی میں پٹرول پر پانچ پیسے اور ڈیزل پر 9 پیسے کا اضافہ کیا۔ اسی کے ساتھ قومی راجدھانی میں ڈیزل کی قیمت 66 روپے 20 پیسے فی لیٹر کی شرح پر پہنچ گئی۔ پٹرول کی بات کریں تو آج 71 روپے 17 پیسے فی لیٹر کی شرح سے پٹرول فروخت ہو رہا ہے۔پیر کے روز ایک لیٹر ڈیزل کی قیمت 66 روپے 11 یپسے اور پٹرول کی قیمت 71 روپے 12 پیسے فی لیٹر تھی۔ کموڈیٹی بازار کے جانکار بتاتے ہیں کہ بین الاقوامی بازار میں خام تیل میں آئی حالیہ تیزی کے بعد اب پٹرول اور ڈیزل کی قیمت میں فی الحال راحت ملنے کی گنجائش نہیں ہے۔
Published: 21 May 2019, 9:10 AM IST
سابق وزیر اعظم آنجہانی راجیو گاندھی کا آج یوم شہادت ہے۔ اس موقع پر یو پی اے چیئرپرسن سونیا گاندھی، کانگریس صدر راہل گاندھی اور پارٹی جنرل سکریٹری پرینکا گاندھی سمیت کئی ہستیوں نے دہلی واقع ویر بھومی پہنچ کر ان کی قربانی کو یاد کیا اور انھیں خراج عقیدت پیش کیا۔ راجیو گاندھی کی شہادت کو یاد کرتے ہوئے سابق صدر جمہوریہ پرنب مکھرجی، سابق وزیر اعظم منموہن سنگھ، سابق نائب صدر جمہوریہ حامد انصاری، کانگریس کے سینئر لیڈران غلام نبی آزاد، اے کے انٹونی، بی ایس ہوڈا، شیلا دیکشت، کے سی وینو گوپال اور آنند شرما نے بھی گلپوشی کی۔
Published: 21 May 2019, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 21 May 2019, 9:10 AM IST