کولکاتا: شارداچٹ فنڈ گھوٹالہ میں ترنمول کانگریس کے سابق ممبر پارلیمنٹ کنال گھوش سے انفورسمنٹ ڈائریکٹور یٹ نے پوچھ تاچھ کی ہے۔
ای ڈی کے سینئر آفیسر نے کہا کہ کنال گھوش سے انسدادمنی لانڈرنگ ایکٹ کے تحت پوچھ تاچھ کی گئی ہے۔ای ڈی کی جانب سے جاری بیان میں کہا گیا ہے کہ شاردا گروپ اور کنال گھوش کے درمیا ن مالی لین سے متعلق پوچھ تاچھ کی گئی ہے۔
خیال رہے کہ ای ڈی نے اس معاملے میں پوچھ تاچھ کرنے کیلئے ترنمول کانگریس کی ممبر پارلیمنٹ شتابدی رائے، ایسٹ بنگال فٹ بال کلب کے عہدیدار دیبرتا سرکار، بزنس مین سجن اگروال، سندھیر اگروال اورشاردا گروپ کے چیرمین ارندم داس کو سمن جاری کیا گیا ہے۔ شاردا چٹ فنڈ گھوٹالہ اپریل 2013میں میں منظر عام پر آیا تھا۔یہ گھوٹالہ 10,000ہزار روپے کا گھوٹالہ ہے۔
Published: 17 Jul 2019, 9:10 AM IST
نئی دہلی: ہندوستانی شہری کلبھوشن جادھو سے متعلق معاملہ میں عالمی عدالت برائے انصاف (آئی سی جے) نے بدھ کے روز اپنا فیصلہ سنا دیا ہے۔ ہیگ میں واقع عدالت نے جادھو کی پھانسی کی سزا پر روک لگاتے ہوئے پاکستان سے اس کی سزا کا جائزہ لینے کو کہا گیا ہے۔ عدالت نے جادھو کو کونسلر ایکسس بھی فراہم کرنے کو کہا ہے۔
واضح رہے کہ پاکستان کی ایک فوجی عدالت کی طرف سے کلبھوشن جادھو کو پھانسی کی سزا سنائے جانے کے بعد ہندوستان نے فیصلہ کلو عالمی عدالت میں چیلنج کیا تھا۔ پاکستانی عدالت نے اپریل 2017 کو بند کمرے میں سماعت کے بعد جاسوسی اور دہشت گردی کے الزام میں ہندوستانی بحریہ کے سبکدوش افسر جادھو (48) کو موت کی سزا سنائی تھی۔ ہندوستان نے سزائے موت پر سخت رد عمل ظاہر کیا تھا۔
Published: 17 Jul 2019, 9:10 AM IST
کرکٹ عالمی کپ ختم ہونے کے بعد پاکستانی کرکٹ ٹیم کے چیف سلیکٹر انضمام الحق نے اپنے استعفیٰ کا اعلان کر دیا ہے۔ حالانکہ پاکستانی ٹیم سیمی فائنل سے پہلے ہی ٹورنامنٹ سے باہر ہو گئی تھی لیکن انضمام الحق نے اپنے استعفیٰ کا اعلان اب تک نہیں کیا تھا۔ بدھ کے روز ایک پریس کانفرنس کے دوران انھوں نے کہا کہ 30 جولائی تک بطور چیف سلیکٹر مجھے پاکستان کرکٹ بورڈ میں رہنا ہے اور اس کے بعد میں نے بورڈ سے کہہ دیا ہے کہ مجھے اس ذمہ داری سے سبکدوش کیا جائے اور معاہدہ آگے نہ بڑھایا جائے۔ پریس کانفرنس سے خطاب کرتے ہوئے انضمام الحق نے یہ بھی کہا کہ پاکستانی ٹیم کو بہترین کھلاڑی دینے کے لیے میں جو کچھ کر سکتا تھا، میں نے کیا، اور اللہ کا شکر ادا کرتا ہوں کہ مجھے اس میں ہر طرح کی آسانی ملی۔
پریس کانفرنس میں انضمام الحق نے حالانکہ ایک صحافی کے سوال کا جواب دیتے ہوئے یہ واضح کیا کہ وہ چیف سلیکٹر کے علاوہ اور کوئی ذمہ داری نبھانے کے لیے تیار ہیں اگر پاکستان کرکٹ بورڈ ایسا چاہے۔
Published: 17 Jul 2019, 9:10 AM IST
شملہ کے ایک اسپتال میں لگی آگ، فائر بریگیڈ کی ٹیم موقع پر پہنچی
Published: 17 Jul 2019, 9:10 AM IST
ہماچل پردیش کے شملہ میں اندرا گاندھی میڈیکل کالج اینڈ ہاسپیٹل کے پیتھالوجی لیب میں آگ لگ گئی۔ تقریباً ایک گھنٹے کے اندر فائر بریگیڈ کی ٹیم نے آگ پر قابو پا لیا۔ اس حادثہ میں کسی کے بھی زخمی ہونے کی خبر ابھی موصول نہیں ہوئی ہے۔
Published: 17 Jul 2019, 9:10 AM IST
پاکستان واقع لاہور میں دہشت گرد حافظ سعید کی گرفتاری کی خبریں موصول ہو رہی ہیں۔ میڈیا ذرائع کے مطابق جماعت الدعوۃ سربراہ حافظ سعید لاہور سے گجرانوالہ جاتے وقت گرفتار کر لیے گئے۔ گرفتاری کے بعد انھیں عدالتی حراست میں بھیج دیا گیا ہے۔ قابل ذکر ہے کہ دہشت گرد تنظیم جماعت الدعوۃ کے سرغنہ حافظ سعید ممبئی میں ہوئے 26/11 حملے کا ماسٹر مائنڈ ہے۔ اس کے علاوہ پلوامہ اور اُری حملے کی سازش میں بھی اس کا ہاتھ بتایا جا رہا ہے۔
Published: 17 Jul 2019, 9:10 AM IST
بین الاقوامی عدالت آج ہندوستان کے سابق بحریہ افسر کلبھوشن جادھو کے تعلق سے اپنا فیصلہ سنانے والی ہے۔ اس کے پیش نظر کلبھوشن کے دوست و احباب دعاء کر رہے ہیں کہ پاکستانی عدالت کے ذریعہ دی گئی سزائے موت ختم ہو جائے اور اس کی ہندوستان واپسی ہو۔ دعاء کی ایک تقریب میں شامل کلبھوشن کے دوستوں نے اپنے ٹی شرٹ پر لکھ رکھا ہے کہ ’ہندوستان کلبھوشن جادھو کے ساتھ‘۔ اب دیکھنے والی بات یہ ہے کہ بین الاقوامی عدالت کیا فیصلہ سناتی ہے۔
Published: 17 Jul 2019, 9:10 AM IST
سپریم کورٹ نے باغی اراکین اسمبلی کی عرضی پر فیصلہ سنا دیا ہے۔ عدالت نے کہا کہ اسپیکر ایک مناسب وقت کے اندر 15 اراکین اسمبلی کے استعفیٰ پر فیصلہ لیں۔ عدالت نے ساتھ ہی یہ بھی کہا کہ 15 اراکین اسمبلی کو اسمبلی کی کارروائی میں حصہ لینے کے لیے اس وقت تک مجبور نہیں کیا جا سکتا جب تک اسپیکر فیصلہ نہ لے لیں۔
Published: 17 Jul 2019, 9:10 AM IST
پریاگ راج میں زور آور لیڈر اور سابق سماجوادی پارٹی رکن پارلیمنٹ عتیق احمد کے گھر پر سی بی آئی نے چھاپہ ماری کی ہے۔ عتیق احمد کے وکیل کا کہنا ہے کہ ’’صبح 7.30 بجے سے سی بی آئی کی ٹیم عتیق احمد کے گھر پر موجود ہے۔ سیکورٹی فورسز نے رہائش کو پوری طرح سے گھیر رکھا ہے۔ گھر کے اندر کسی کو جانے کی اجازت نہیں دی جا رہی ہے۔‘‘
Published: 17 Jul 2019, 9:10 AM IST
ممبئی واقع ڈونگری علاقہ میں منگل کے روز چار منزلہ عمارت منہدم ہونے کے واقعہ میں آج دوسرے دن بھی بچاؤ کام جاری ہے اور اب تک 13 لاشیں ملبہ سے نکالی جا چکی ہیں۔ امکان ظاہر کیا جا رہا ہے کہ اب بھی کئی لاشیں ملبہ میں دبی ہوئی ہیں۔
Published: 17 Jul 2019, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 17 Jul 2019, 9:10 AM IST