کانگریس جنرل سکریٹری پرینکا گاندھی نے نوجوانوں سے بات چیت کے دوران کہا کہ نوجوانوں کو ملازمت دینا حکومت کی ذمہ داری ہے۔ لیکن نوجوانوں پر ظلم کیا جا رہا ہے، پریشان کیا جا رہا ہے، آپ کے سال بگڑ رہے ہیں، کیریر تباہ ہو رہا ہے۔ انھوں نے کہا کہ بی جے پی حکومت نوجوانوں کے خوابوں کو چوٹ پہنچا رہی ہے۔
Published: 28 Jan 2022, 8:59 AM IST
کیرالہ میں گزشتہ کچھ دنوں سے روزانہ 50 ہزار سے زائد کورونا کے نئے کیسز سامنے آ رہے ہیں۔ گزشتہ 24 گھنٹوں میں ایک بار پھر کورونا وائرس نے اپنی تباہناکی کا اثر دکھایا ہے۔ میڈیا رپورٹس کے مطابق 54537 نئے معاملے درج کیے گئے ہیں اور 13 افراد اس وائرس کی وجہ سے جاں بحق بھی ہو گئے۔ اس درمیان 30225 مریض کے ٹھیک ہونے کی اطلاع موصول ہوئی ہے۔ اس وقت کیرالہ میں سرگرم کیسز کی تعداد 3 لاکھ 33 ہزار 447 پہنچ گئی ہے جب کہ اموات کی مجموعی تعداد 52 ہزار 786 ہو گئی ہے۔
Published: 28 Jan 2022, 8:59 AM IST
اکھلیش یادو نے مرکزی حکومت پر الزام عائد کیا ہے کہ ان کے ہیلی کاپٹر کو دہلی سے مظفرنگر کے لئے پرواز بھرنے کی اجازت نہیں دی گئی۔ انہیں ایک بجے کے قریب مظفرنگر میں پریس کانفرنس میں شامل ہونا تھا لیکن وہ قریب ڈھائی بجے تک بھی دہلی میں ہی تھے۔ بعد میں انہوں نے مظفرنگر کے لئے پرواز بھر لی۔
Published: 28 Jan 2022, 8:59 AM IST
امت شاہ کی طرف سے اتحاد کے لئے مدعو کئے جانے پر آر ایل ڈی کے سربراہ جینت چودھری نے کہا کہ وہ ان کی دعوت کو سنجیدگی سے نہیں لیتے۔
جینت چودھری نے الزام عائد کیا کہ امت شاہ عوام کے اصل مسائل پر بات نہیں کرتے بلکہ 80 بمقابلہ 20 فیصد، جناح اور اورنگزیب پر بات کرتے ہیں۔
Published: 28 Jan 2022, 8:59 AM IST
ڈرگ کنٹرولر جنرل آف انڈیا نے بھارت بائیوٹیک کی انٹرانیزل یعنی ناک سے دی جانے والی ویکسین کی بوسٹر کے ٹرائل کے لئے منظوری فراہم کر دی ہے۔ یہ بوسٹر ڈوز انہیں لوگوں کو دی جانی ہے جنہیں پہلے کوویکسین یا کویشیلڈ ویکسین لگائی جا چکی ہے۔ ٹرائل کا آغاز 9 مختلف مقامات پر کیا جائے گا۔
Published: 28 Jan 2022, 8:59 AM IST
پارلیمنٹ کے بجٹ سیشن کے آغاز سے قبل آج کانگریس پارلیمانی حکمت عملی گروپ کی ایک میٹنگ منعقد ہوئی۔ ویڈیو کانفرنسنگ کے ذریعے منعقد ہونے والی اس میٹنگ کی صدارت کانگریس کی صدر سونیا گاندھی نے کی۔
Published: 28 Jan 2022, 8:59 AM IST
کانگریس کے سابق صدر راہل گاندھی نے اروناچل کے لاپتہ نوجان میرام تارون کو چین کی طرف سے واپس لوٹائے جانے تبصرہ کرتے ہوئے کہا ہے کہ ہندوستان کی زمین واپس کب ملے گی۔ انہوں نے کہا، ’’میرام تارون کو چین نے واپس لوٹا دیا ہے یہ جان کر تسلی ہوئی۔ جس ہندوستان کی سرزمین پر چین نے قبضہ کیا ہے وہ کب واپس ملے گی وزیر اعظم جی؟‘‘
Published: 28 Jan 2022, 8:59 AM IST
مہاراشٹر اسمبلی سے بی جے پی کے 12 ارکان اسمبلی کو سال بھر کے لئے معطل کرنے کے معاملہ میں سپریم کورٹ نے جمعہ کے روز اہم فیصلہ سناتے ہوئے معطلی کو منسوخ کر دیا۔ سپریم کورت نے کارروائی کو منمانا قرار دیا۔
Published: 28 Jan 2022, 8:59 AM IST
ریلوے کے آر آر بی این ٹی پی سی امتحان کے نتائج میں دھاندلی کے الزام پر آج بہار میں مختلف سیاسی جماعتوں اور طلبا تنظیموں کی جانب سے بند کا اعلان کیا گیا ہے۔ بند کے دوران کئی مقامات پر سڑکوں کو مسدود کر کے احتجاج کیا جا رہا ہے۔ سڑکوں پر طلبا نے ٹائر جلائے ہوئے ہیں اور ہاتھوں میں بینر تھام کر نعرے بازی کر رہے ہیں۔
Published: 28 Jan 2022, 8:59 AM IST
مرکزی وزارت صحت کے تازہ اعدادوشمار کے مطابق ہندوستان میں گزشتہ 24 گھنٹوں کے دوران کورونا وائرس کے 2 لاکھ 51 ہزار 209 نئے معاملے درج کئے گئے۔ اس دوران 627 افراد کی جان چلی گئی، جبکہ 3 لاکھ 47 ہزار 443 مریضوں نے شفایابی حاصل کر لی۔
فی الحال ملک بھر میں کورونا کے فعال کیسز کی تعداد 21 لاکھ 05 ہزار 611 ہے جو کہ مجموعی کیسز کا 5.18 فیصد ہے۔ جبکہ یومیہ پازیٹوٹی کی شرح 15.88 فیصد ہو گئی ہے۔ ملک بھر میں کورونا ویکسین کی ایک ارب 64 کروڑ 44 لاکھ سے زیادہ خوراکیں لگائی جا چکی ہیں۔
Published: 28 Jan 2022, 8:59 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 28 Jan 2022, 8:59 AM IST
تصویر: پریس ریلیز