مسلم خواتین کو نشانہ بنانے والے بلی بائی ایپ کے معاملہ میں ممبئی کی باندرا کورٹ نے تین ملزمان وشال کمار جھا، شویتا سنگھ اور مینک راوت کی درخواست ضمانت نامنظور کر دی ہے۔ تینوں ملزمان فی الحال 14 روزہ علالتی تحویل میں ہیں۔
Published: 20 Jan 2022, 9:44 AM IST
اتراکھنڈ اسمبلی انتخابات کے لئے بی جے پی نے اپنی پہلی فہرست جاری کر دی ہے۔ اس فہرست کے ذریعے پارٹی نے کل 70 سیٹوں میں سے 59 سیٹوں پر امیدواروں کا اعلان کر دیا ہے۔ وزیر اعلیٰ پشکر سنگھ دھامی کھٹیما سے انتخاب لڑیں گے۔
Published: 20 Jan 2022, 9:44 AM IST
سال 2020 میں شمال مشرقی دہلی میں ہونے والے فسادات سے متعلق ایک معاملہ میں عدالت نے پہلے شخص کو قصوروار قرار دیا ہے۔ ملزم دنیش یادو کو عدالت سے 5 سال قید کی سزا سنائی گئی ہے۔
Published: 20 Jan 2022, 9:44 AM IST
لیکشن کمیشن نے بلندشہر سٹی حلقہ سے پارٹی امیدوار کے سوشل میڈیا اکاؤنٹ پر اپ لوڈ کیے گئے ایک قابل اعتراض پوسٹر کے سلسلے میں بی جے پی کی مہم اور اشتہارات کے سربراہ آنند چودھری کو نوٹس جاری کیا ہے۔ چودھری کو دو دن میں نوٹس کا جواب دینے کو کہا گیا ہے۔
بی جے پی کے پوسٹر پر لکھا گیا تھا، ’’چھوٹا پائے جامہ، کرتا لمبا، چاہئے شانتی یا پھر دنگا۔ شانتی اور وکاس کے لئے بی جے پی کو ووٹ کریں۔‘‘
Published: 20 Jan 2022, 9:44 AM IST
ہندوستان میں کورونا کے معاملوں میں زبردست اچھال درج کیا گیا ہے اور نئے کیسز کی تعداد تین لاکھ سے تجاوز کر گئی ہے۔ مرکزی وزارت صحت کے مطابق گزشتہ 24 گھنٹوں کے دوران کورونا وائرس کے 3 لاکھ 17 ہزار 532 نئے کیسز درج کئے گئے۔ اس دوران 491 لوگوں کی موت واقع ہو گئی جبکہ 2 لاکھ 23 ہزار 990 افراد نے شفایابی حاصل کر لی۔
ملک میں فعال کیسز کی تعداد 19 لاکھ سے تجاوز کر چکی ہے۔ جبکہ پازیٹوٹی شرح 16.41 تک بڑھ چکی ہے۔ اسی کے ساتھ ملک بھر میں نئے ویرینٹ اومیکرون کے معاملوں کی تعداد 9 ہزار سے تجاوز کر گئی۔ گزشتہ روز اومیکرون کے معاملوں میں 3.63 فیصد کا اضافہ درج کیا گیا ہے۔
Published: 20 Jan 2022, 9:44 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 Jan 2022, 9:44 AM IST