جنوبی افریقہ میں سب سے پہلے رپورٹ ہونے کے بعد ملک کے 25 سے زیادہ ممالک میں پھیل جانے والا کورونا کا نیا ویرینٹ اومیکرون ہندوستان میں بھی داخل ہو گیا ہے۔ وزارت صحت کے جوائنٹ سکریٹری لو اگروال نے اطلاع دی کہ ریاست کرناٹک میں اومیکرون کے دو معاملوں کی تصدیق کی گئی ہے۔ انہوں نے بتایا کہ اومیکرون اب تک 29 ممالک میں پہنچ چکا ہے اور اس کے کل 373 معاملوں کی تصدیق کی گئی ہے۔
Published: 02 Dec 2021, 9:40 AM IST
سماجوادی پارٹی کے سربراہ اور اترپردیش کے سابق وزیر اعلیٰ اکھلیش یادو نے للت پور میں منعقدہ اجلاس کے دوران ان پر عائد کئے جانے والے کنبہ پروری کے الزمات کا جواب دیتے ہوئے موجودہ وزیر اعلیٰ یوگی آدتیہ ناتھ پر طنز کیا۔ اکھلیش یادو نے کہا، ’’اقتدار میں موجود لوگ ہمیشہ کنبہ پروری کی سیاست کے نام پر مجھے بدنام کرتے ہیں۔ لیکن میں آپ کو ایک بات بتا دوں کہ ایک خاندان والا شخص ہی خاندان کے تمام افراد کے درد کو سمجھ سکتا ہے۔‘‘
Published: 02 Dec 2021, 9:40 AM IST
سپریم کورٹ نے قومی راجدھانی میں فضائی آلودگی کے معاملہ میں آج سماعت کے دوران دہلی حکومت پر برہمی کا اظہار کیا۔ عدالت عظمیٰ نے کہا، ’’ہم صنعتی اور گاڑیوں سے ہونے والی آلودگی پر سنجیدہ ہیں۔ آپ ہمارے کندھے پر رکھ کر بندوق نہیں چلا سکتے۔ اسکول کیوں کھل رہے ہیں؟‘‘
سپریم کورٹ نے مرکز اور دہلی حکومت کو 24 گھنٹوں کی ڈیڈ لائن دیتے ہوئے کہا کہ یا تو فضائی آلودگی کو قابو کرنے پر کوئی سنجیدہ منصوبہ پیش کریں نہیں تو سپریم کورٹ اپنی جانب سے کوئی فیصلہ لینے پر مجبور ہوگا۔‘‘
Published: 02 Dec 2021, 9:40 AM IST
پارلیمنٹ کے سرمائی اجلاس کا آج چوتھا دن ہے اور اپوزیشن لیڈران کی جانب سے حزب اختلاف کے 12 راجیہ سبھا کے ارکان کی معطلی کے خلاف آج بھی پارلیمنٹ کے احاطہ میں احتجاج کیا گیا۔ اپوزیشن لیڈران نے گاندھی کے مجسمہ پر کالی پٹی باندھ کر حکومت کے خلاف نعرے بازی کی اور معطلی واپس لینے کا مطالبہ کیا۔
Published: 02 Dec 2021, 9:40 AM IST
مرکزی وزیر صحت کے مطابق ہندوستان میں کورونا وائرس کے 9765 نئے معاملے رپورٹ ہوئے ہیں۔ اس دوران 477 لوگوں کی جان چلی گئی، جبکہ 8548 لوگوں نے شفایابی حاصل کر لی۔ ملک میں فی الحال فعال کیسز کی تعداد 99763 ہے۔
Published: 02 Dec 2021, 9:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 02 Dec 2021, 9:40 AM IST
تصویر: محمد تسلیم