افغانستان کی راجدھانی کبل میں بدھ کے روز یکے بعد دیگرے کئی دھماکوں کی آوازیں سنائی دیں۔ دھماکے کی آواز اتنی تیز تھی کہ اسے دور تک سنا جا سکتا تھا۔ حالانکہ دھماکوں کے پیچھے کی وجہ ابھی تک سامنے نہیں آئی ہے۔ ساتھ ہی یہ بھی پتہ نہیں چل سکا ہے کہ ان دھماکوں میں کوئی ہلاکت ہوئی ہے یا نہیں۔ کابل کے سیکورٹی افسران نے بھی ان دھماکوں سے متعلق ابھی تک کوئی جانکاری نہیں دی ہے۔
Published: 04 Jan 2023, 12:01 PM IST
ایئر انڈیا نے نیویارک-دہلی فلائٹ میں نشے کی حالت میں ایک خاتون پر پیشاب کرنے والے مسافر کے خلاف سخت کارروائی کرنے کا اعلان کیا ہے۔ غیر اخلاقی عمل کرنے والے اس مسافر پر 30 دنوں کے لیے ہوائی سفر پر پابندی لگانے کا فیصلہ کیا گیا ہے۔ ایئر انڈیا کے ایک ترجمان نے بدھ کے روز بتایا کہ ’’ایئر انڈیا نے اس واقعہ کو بہت سنجیدگی سے لیا ہے، جہاں ایک مسافر نے نیویارک-دہلی پرواز پر ناقابل قبول غیر اخلاقی سلوک کیا جس سے ایک ساتھی مسافر کو بے حد پریشانی ہوئی۔‘‘
Published: 04 Jan 2023, 12:01 PM IST
سپریم کورٹ نے الہ آباد ہائی کورٹ کے اس حکم پر روک لگا دی ہے، جس میں اتر پردیش حکومت کو او بی سی کو ریزرویشن دیے بغیر جنوری تک ریاست میں بلدیہ انتخابات کرانے کی ہدایت دی گئی ہے۔
Published: 04 Jan 2023, 12:01 PM IST
کنجھاولا موت معاملہ میں فرانزک ٹیم نے دہلی کے سلطان پوری پولیس اسٹیشن میں پہنچ کر پولیس کی ٹیم کے ساتھ اس کار کا معائنہ کیا، جس کی ٹکر لگنے کے بعد کئی کلومیٹر گھسٹنے سے متاثرہ لڑکی موت واقع ہوئی۔
Published: 04 Jan 2023, 12:01 PM IST
راجدھانی دہلی میں کڑاکے کی سردی جاری ہے اور آج یہاں موجودہ موسم سرما کا سرد ترین دن ریکارڈ کیا گیا ہے۔ محکمہ موسمیات (آئی ایم ڈی) کے مطابق آج صدرجنگ اور آئی این اے میں کم از کم درجہ حرارت 4.4 ڈگری سیلسیس ریکارڈ کیا گیا۔
Published: 04 Jan 2023, 12:01 PM IST
دہلی کے نائب وزیر اعلیٰ منیش سسودیا نے آج کنجھاولا میں ہولناک سڑک حادثہ میں ہلاک ہونے والی متاثرہ کے گھر کا دورہ کیا۔
Published: 04 Jan 2023, 12:01 PM IST
سماج وادی پارٹی کے سینئر لیڈر اعظم خان اور ان کے ایم ایل اے بیٹے عبداللہ اعظم کو سپریم کورٹ سے بڑا جھٹکا لگا ہے۔ عدالت نے ان کی درخواست پر سماعت کرنے سے انکار کر دیا ہے۔ اس میں یوپی میں درج مقدمات کو ریاست سے باہر منتقل کرنے کا مطالبہ کیا گیا۔ بدھ کو عدالت میں اس معاملے کی سماعت ہوئی جس کے بعد عدالت نے اسے سننے سے انکار کر دیا۔
Published: 04 Jan 2023, 12:01 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 04 Jan 2023, 12:01 PM IST