کانگریس سنٹرل الیکشن کمیٹی کے چیئرمین مدھوسودن مستری نے صحافیوں سے بات چیت میں بتایا کہ جن تین امیدواروں نے صدر عہدہ کے لیے نامزدگی کا پرچہ داخل کیا ہے، ان میں ملکارجن کھڑگے، ششی تھرور اور جھارکھنڈ کے کانگریس لیڈر کے این ترپاٹھی شامل ہیں۔ انھوں نے بتایا کہ ملکارجن کھڑگے کی طرف سے نامزدگی کے 14 پرچے داخل کیے گئے ہیں۔ علاوہ ازیں ششی تھرور کی طرف سے 5 اور کے این ترپاٹھی کی طرف سے 1 نامزدگی کے پرچے داخل کیے گئے ہیں۔
Published: 30 Sep 2022, 8:50 AM IST
کرناٹک کی راجدھانی بنگلورو میں گاندھی جینتی کے موقع پر مویشیوں کے ذبیحہ پر پابندی عائد کی گئی ہے۔ بی بی ایم پی (برہت بنگلورو مہانگر پالیکے) کی جانب سے جاری کردہ حکم کے مطابق شہر میں 2 اکتوبر کے موقع پر مویشیوں کو ذبح نہیں کیا جائے گا اور گوشت کی فروخت پر پابندی رہے گی۔
Published: 30 Sep 2022, 8:50 AM IST
گجرات کے شہر وڈودرا میں ایک مدرسہ پر پی ایف آئی سے تعلقات ہونے کی بنا پر سیل لگا دی گئی ہے۔ اس مدرسہ کے خلاف وڈودرا پولیس اور گجرات اے ڈی ایس نے مشترکہ طور پر کارروائی کی۔ اے سی پی کرائم نے بتایا کہ پی ایف آئی سے وابستہ آل انڈیا امام کونس (اے آئی آئی سی) کو بین کر دیا گیا ہے۔ ہم نے مدرسہ میں تلاشی لی، جہاں اے آئی سی سی کا اجلاس منعقد ہوا تھا، اس کے بعد یہاں سیل لگا دی گئی۔ ٹرسٹیوں سے پوچھ گچھ کی جا رہی ہے۔
Published: 30 Sep 2022, 8:50 AM IST
اے آئی ایم آئی ایم کے قومی صدر اسد الدین اویسی نے اپنے حملہ آوروں کی ضمانت کے خلاف الہ آباد ہائی کورٹ کے فیصلے کو سپریم کورٹ میں چیلنج کیا ہے۔ سپریم کورٹ نے اویسی کی عرضی پر ملزمان کو نوٹس جاری کرتے ہوئے ان سے جواب طلب کیا ہے۔ خیال رہے کہ اس معاملے کے ملزم سچن شرما اور شوبھم گوجر کو الہ آباد ہائی کورٹ نے ضمانت دے دی تھی۔ سپریم کورٹ نے اس معاملہ میں یوپی حکومت کو بھی نوٹس جاری کر کے جواب طلب کیا ہے۔
Published: 30 Sep 2022, 8:50 AM IST
جامعہ ملیہ اسلامیہ میں مبینہ اشتعال انگیز بیان دینے والے شرجیل امام کی درخواست ضمانت دہلی کی ساکیت عدالت سے منظور کر لی گئی ہے۔ شرجیل امام پر 2019 میں سی اے اے/این آر سی کے خلاف ہونے والے مظاہروں کے دوران اشتعال انگیز بیان دینے کا الزام ہے۔
Published: 30 Sep 2022, 8:50 AM IST
افغانستان کے دارالحکومت کابل کے مغربی علاقے دشت برچی میں واقع تعلیمی ادارے کے قریب خود کش دھماکہ ہوا، جس میں 19 افراد جاں بحق ہو گئے، جبکہ 27 افراد زخمی ہوئے ہیں۔ جس وقت حملہ ہوا طلبا یونیورسٹی کے پریکٹس امتحان میں بیٹھے تھے، اس علاقے میں رہنے والوں میں سے بہت سے ہزارہ اقلیت سے تعلق رکھتے ہیں، جنہیں ماضی کے حملوں میں نشانہ بنایا جا چکا ہے۔ خودکش دھماکہ کی ذمہ داری تاحال کسی گروپ نے قبول نہیں کی ہے۔
Published: 30 Sep 2022, 8:50 AM IST
ریزرو بینک آف انڈیا (آر بی آئی) کے گورنر نے اعلان کیا ہے کہ آر بی آئی نے فوری اثر سے پالیسی ریپو ریٹ میں 50 بیسس پوائنٹس کا اضافہ کر دیا ہے۔ جس کے بعد ریپو ریٹ 5.9 فیصد ہو گیا ہے۔ خیال رہے کہ آر بی آئی کے اس فیصلہ کے بعد بینک سے قرض حاصل کرنا مہنگا ہوگا اور عام لوگوں کے قرض کی قسطیں مزید مہنگی ہو جائیں گی۔
Published: 30 Sep 2022, 8:50 AM IST
ہندوستان میں کورونا وائرس کے 3947 نئے کیسز کی تصدیق کی گئی ہے۔ ملک بھر میں اب کورونا کے فعال کیسز کی تعداد 40 ہزار سے کم ہو کر 39583 ہو گئی ہے۔
Published: 30 Sep 2022, 8:50 AM IST
کانگریس پارٹی کی بھارت جوڑو یاترا گزشتہ روز کیرالہ سے نکل کر تمل ناڈو میں داخل ہوئی اور آج وہ کرناٹک میں داخل ہونے جا رہی ہے۔ راہل گاندھی سمیت پارٹی سے وابستہ متعدد لیڈران اب تک 532 کلومیٹر کی یاترا مکمل کر چکے ہیں۔ آج یاترا چامراج نگر میں اوٹی-کالیکٹ جنکشن سے شروع ہوئی۔ اب یاترا کے 3038 کلومیٹر باقی رہ گئے ہیں۔
Published: 30 Sep 2022, 8:50 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 30 Sep 2022, 8:50 AM IST
تصویر: پریس ریلیز