افغانستان کے کابل واقع وزیر محمد اکبر خان گرانڈ مسجد کے قریب دھماکہ کی آواز سنائی دی ہے۔ یہ اطلاع افغانستان کی ’ٹولو نیوز‘ کے حوالے سے سامنے آئی ہے۔ دھماکہ میں ہوئے نقصان سے متعلق کوئی خبر ہنوز نہیں ملی ہے۔
Published: 23 Sep 2022, 9:58 AM IST
بمبئی ہائی کورٹ نے شیو سینا کے ٹھاکرے دھڑے کو شیواجی پارک میں دسہرہ ریلی منعقد کرنے کی اجازت فراہم کر دی ہے۔ عرضی پر فیصلہ سناتے ہوئے ہائی کورٹ نے مشاہدہ کیا کہ بی ایم سی نے دسہرہ ریلی کو اجازت نہ دے کر اپنی طاقت کا بیجا استعمال کیا۔ ہائی کورٹ کے فیصلہ کے بعد ریلی کے انعقاد کے لئے شیواجی پارک کا میدان 2 سے 6 اکتوبر تک شیو سینا کو دیا جائے گا۔
Published: 23 Sep 2022, 9:58 AM IST
بمبئی ہائی کورٹ میں شیوسینا کے ٹھاکرے دھڑے کی اس عرضی سماعت کی گئی، جس میں شیواجی پارک میں بی ایم سی کی جانب سے دسہرہ ریلی کو اجازت نہ دینے کے فیصلہ کو چیلنج کیا گیا ہے۔ دریں اثنا، شندے دھڑے کی طرف سے رکن اسمبلی سدا سورنکار نے بھی اس معاملہ میں مداخلت کی درخواست پیش کی، جسے ہائی کورٹ نے مسترد کر دیا۔
Published: 23 Sep 2022, 9:58 AM IST
افغانستان کے دارالحکومت کابل میں واقع جامع مسجد وزیر محمد اکبر خان میں دھماکہ کی اطلاع موصول ہوئی ہے۔ طلوع نیوز کے مطابق دھماکہ اس وقت ہوا جب نمازی مسجد سے باہر نکل رہے تھے۔ دھماکہ سے ہونے والے جانی و مالی نقصان کی فی الحال کوئی اطلاع نہیں ہے۔
Published: 23 Sep 2022, 9:58 AM IST
بہار کے پرنیہ میں منعقدہ ریلی سے خطاب کرتے ہوئے وزیر داخلہ امت شاہ نے کہا ’’2024 میں آپ (وزیر اعلیٰ بہار نتیش کمار) صرف دو لوک سبھا سیٹیں جیت پائیں گے ’نہ گھر کے رہے، نہ گھاٹ کے۔‘ 2024 کے انتخابات آنے دو، بہار کے عوام لال-نتیش کی جوڑی کو اکھاڑ پھینکیں گے۔ ہم مکمل یہاں (بہار میں) بھی 2025 میں مکمل اکثریت کے ساتھ اقتدار میں آئیں گے۔‘‘
انہوں نے مزید کہا کہ ’’بہار کے عوام نے آپ کو طویل وقت تک ’بینیفٹ آف ڈاؤٹ‘ دیا۔ اب وہ جانتے ہیں کہ نہ تو لالو کی اور نہ ہی آپ کی جماعت واپسی کرے گی، بہار میں صرف پی ایم مودی کا کمل کھلے گا۔‘‘
Published: 23 Sep 2022, 9:58 AM IST
آر ایس ایس سربراہ موہن بھاگوت کی مولانا عمیر الیاسی سے ملاقات پر مایاوتی نے طنز کیا ہے۔ انہوں نے سوال کیا ’’موہن بھاگت کی جانب سے دہلی میں واقعہ مسجد اور مدرسہ میں جا کر علما سے ملاقات کرنے اور پھر ان سے اپنے آپ کو ’راشٹر پِتا‘ اور ’راشٹر رشی‘ کہلوانے کے بعد کیا بی جے پی اور ان کی حکومتوں کی مسلم طبقہ اور ان کے مدارس و مساجد کے تئیں منفی ذہنیت تبدیل ہوگی؟‘‘
Published: 23 Sep 2022, 9:58 AM IST
سپریم کورٹ آرٹیکل 370 کی منسوخی اور جموں و کشمیر کو مرکز کے زیر انتظام دو علاقوں میں تقسیم کے خلاف دائر کی گئی عرضی پر سماعت کے لئے تیار ہو گیا ہے۔ عرضی کا جلد سماعت کے لئے ذکر کئے جانے کے بعد سپریم کورٹ نے کہا کہ دسہرہ کی تعطیل کے بعد سماعت کی جائے گی۔
Published: 23 Sep 2022, 9:58 AM IST
مہاراشٹر حکومت کا کہنا ہے کہ مسلمانوں کو اقتصادی اور تعلیمی ترقی کے مرکزی دھارے میں لانے کے لئے ان کی ریاست میں صورت حال کا جائزہ لیا جائے گا۔ جائزہ لینے کی ذمہ داری ٹاٹا انسٹی ٹیوٹ آف سوشل سائنسز کو سونپی گئی ہے۔ ریاستی حکومت نے کہا کہ ٹاٹا ریسرچ کونسل، ممبئی نے مہاراشٹر میں 6 مقامی محصولات کمشنروں سمیت 56 کارکنوں کو شمار کیا ہے۔ انٹریوز اور طبقہ کے سروے کا جائزہ لے کر رپورٹ پیش کرنے کو کہا گیا ہے۔
Published: 23 Sep 2022, 9:58 AM IST
مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 5383 نئے کیسز کی تصدیق کی گئی ہے۔ اسی کے ساتھ ملک بھر میں کورونا کے فعال کیسز کی تعداد 45281 ہو گئی ہے۔
Published: 23 Sep 2022, 9:58 AM IST
ہندوستانی کرنسی میں گراوٹ کا سلسلہ لگاتار جاری ہے۔ ڈالر کی قیمت کل جہاں 80.96 روپے تھی، وہیں آج روپے میں 25 پیسے کی مزید گراوٹ درج کی گئی، جس کے بعد ڈالر 81.09 رپے تک پہنچ گیا۔
Published: 23 Sep 2022, 9:58 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 23 Sep 2022, 9:58 AM IST
تصویر: پریس ریلیز