جموں و کشمیر کی اونتی پورہ پولس نے کہا ہے کہ نیٹ 2020 کا فارم بھرنے کے لیے طلبا کو انٹرنیٹ کی سہولت دی گئی ہے۔ دراصل جموں و کشمیر میں انٹرنیٹ کی سہولت ابھی تک پوری طرح سے مہیا نہیں ہو پائی ہے جس کی وجہ سے کافی پریشانی کا سامنا کرنا پڑ رہا ہے۔ طلبا نیٹ 2020 کے فارم کو بھرنے کے لیے پریشان ہو رہے تھے جس کے پیش نظر اونتی پورہ پولس نے واضح کیا کہ اسٹوڈنٹس کو انٹرنیٹ کی سہولت دی جا رہی ہے۔
Published: 06 Jan 2020, 9:12 AM IST
چیف الیکشن کمشنر سنیل اروڑا نے آج دہلی اسمبلی انتخاب کی تاریخ کا اعلان کر دیا۔ پریس کانفرنس کے دوران سنیل اروڑا نے کہا کہ دہلی میں سبھی 70 سیٹوں کے لیے ایک ہی مرحلہ میں انتخاب ہوگا اور عوام اپنے حق رائے دہی کا استعمال 8 فروری کو کر سکین گے۔ ساتھ ہی چیف الیکشن کمشنر سنیل اروڑا نے یہ بھی اعلان کیا کہ ووٹوں کی گنتی 11 فروری کو ہوگی۔
Published: 06 Jan 2020, 9:12 AM IST
شیئر بازار میں پیر کے روز زبردست گراوٹ کا ماحول دیکھنے کو مل رہا ہے۔ صبح شیئر بازار کھلنے کے بعد سے ہی زبردست گراوٹ دیکھی گئی اور دوپہر ہوتے ہوتے سنسیکس 40701.11 پر پہنچ گیا۔ اس طرح اب تک سنسیکس میں گراوٹ 763.50 درج کی گئی ہے۔
Published: 06 Jan 2020, 9:12 AM IST
دہلی پولس نے میڈیا کو بتایا ہے کہ 34 سالہ ایک شخص کو جامعہ ملیہ اسلامیہ میٹرو اسٹیشن کے فرسکنگ پوائنٹ پر سی آئی ایس ایف نے پستول اور 5 راؤنڈ گولیوں کے ساتھ پکڑا ہے۔ بتایا جاتا ہے کہ اس شخص کا نام امیر حمزہ خان ہے اور وہ دہلی کے ذاکر نگر علاقہ میں رہتا ہے۔ بنیادی طور پر وہ اتر پردیش کے میرٹھ کا رہنے والا ہے۔ پولس اس سلسلے میں امیر حمزہ سے پوچھ تاچھ کر رہی ہے۔
Published: 06 Jan 2020, 9:12 AM IST
دہلی اسمبلی انتخاب کے سلسلے میں تاریخوں کا اعلان آج ہو جائے گا۔ انتخابی کمیشن آج دوپہر 3.30 بجے پریس کانفرنس کرنے جا رہا ہے جس کے پیش نظر سرگرمیاں کافی تیز ہو گئی ہیں۔
Published: 06 Jan 2020, 9:12 AM IST
علی گڑھ مسلم یونیورسٹی میں سرمائی تعطیل آج ختم ہو رہی تھی لیکن یونیورسٹی انتظامیہ نے فی الحال تعطیل میں توسیع کا اعلان کر دیا ہے۔ اے ایم یو کے پی آر او عمر سلیم پیرزادہ نے میڈیا کو بتایا کہ یونیورسٹی میں موجودہ حالات کے پیش نظر ایک جائزہ میٹنگ کی گئی جس کے بعد فیصلہ لیا گیا ہے کہ چھٹی میں اضافہ کیا جائے گا اور آج یونیورسٹی نہیں کھلے گی۔ ساتھ ہی پیرزادہ نے یہ بھی بتایا کہ یونیورسٹی اب دھیرے دھیرے کئی مراحل میں کھلے گی تاکہ حالات بے قابو نہ ہوں۔
Published: 06 Jan 2020, 9:12 AM IST
ایمس ٹراما سنٹر کے سربراہ ڈاکٹر راجیش ملہوترا نے میڈیا کو بتایا کہ اسپتال میں بغرض داخل ان سبھی 34 جے این یو طالب علموں کو چھٹی مل گئی ہے جنھیں اتوار کو یونیورسٹی کیمپس میں کچھ نقاب پوش غنڈوں نے لاٹھی ڈنڈوں سے پیٹ کر زخمی کر دیا تھا۔
Published: 06 Jan 2020, 9:12 AM IST
امریکی صدر ڈونالڈ ٹرمپ نے ایک بار پھر تہران اور بغداد کو دھمکی دی ہے۔ ٹرمپ کہا ہے کہ اگر ایرانی فوجی کمانڈر قاسم سلیمانی کے قتل کا بدلہ لینے کے لیے تہرا نے حملے شروع کیے تو ہم بھی بدلہ لیں گے۔ ایک دوسرے بیان میں ٹرمپ نے کہا کہ اگر عراق اپنے پارلیمنٹ میں امریکی فوجیوں کے خلاف قرارداد کو پاس کرتا ہے تو ہم عراق پر بہت سخت پابندیاں لگائیں گے۔
ٹرمپ کا کہنا ہے کہ انھوں نے ایران میں 52 مقامات نشان زد کیے ہیں اور اگر ایران نے اپنے کمانڈر قاسم سلیمانی کی موت کا بدلہ لینے کی کوشش کی تو ہم ان ٹھکانوں پر بہت تیز اور بہت خطرناک جواب دیں گے۔ واضح رہے کہ سلیمانی کو مارنے کا حکم ٹرمپ نے ہی دیا تھا۔
Published: 06 Jan 2020, 9:12 AM IST
آج کل کرکٹ میں 4 دنوں کا ٹیسٹ میچ شروع کرنے کی بات زوروں پر ہے، لیکن اس تعلق سے پاکستان کے عظیم تیز گیندباز شعیب اختر نے اپنا رد عمل ظاہر کرتے ہوئے اسے انتہائی بکواس آئیڈیا قرار دیا ہے۔ ان کا کہنا ہے کہ 4 دنوں کا ٹیسٹ میچ شروع کیا جانا کسی بھی طرح سے مناسب نہیں اور ٹیسٹ میچ 5 دنوں کا ہی ہونا چاہیے۔
Published: 06 Jan 2020, 9:12 AM IST
پاکستان کے ننکانہ صاحب گرودوارہ میں تشدد کی دھمکی دینے والے شخص کو پولس نے گرفتار کر لیا ہے۔ گرفتار شخص کا نام عمران چشتی ہے۔ عمران چشتی ننکانہ صاحب میں رہنے والے سکھوں کو تشدد کی دھمکی دے رہا تھا۔ واضح رہے کہ ہندوستان نے ننکانہ صاحب گرودوارہ پر گزشتہ دنوں ہوئے تشدد کی سخت الفاظ میں مذمت کی تھی۔ ہندوستانی وزارت داخلہ نے کہا تھا کہ پاکستان میں اقلیتوں پر حملہ کرنے کی دھمکی دینے والے شخص کو پاکستان حکومت فوراً گرفتار کرے۔
Published: 06 Jan 2020, 9:12 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 06 Jan 2020, 9:12 AM IST