وزیراعظم نریندر مودی نے سنیچر کو کہا ہے کہ اداکارہ شبانہ اعظمی کی سڑک حادثے میں زخمی ہونے کی خبر پریشان کرنے والی ہے۔ مودی نے ٹوئٹ کیا کہ ’’سڑک حادثے میں شبانہ اعظمی کے زخمی ہونے کی خبر پریشان کرنے والی ہے۔ میں ان کے جلد صحت یاب ہونے کی آرزو کرتا ہوں۔‘‘
اس درمیان دہلی کے وزیراعلی اروند کیجری وال نےبھی اداکارہ کے حادثے میں زخمی ہونے پر اپنے دکھ کا اظہار کیا ہے کہ وہ ان کے (شبانہ اعظمی) کے فوری صحت مند ہونے اور اچھی صحت کے لئے دعا کرتے ہیں۔‘‘
واضح رہے کہ شبانہ اعظمی کی کار سنیچر کو مہاراشٹر میں کھالاپور ٹول پلازہ کے نزدیک پونے۔ممبئی ایکسپریس وے پر ایک ٹرک سے ٹکرا گئی۔ اس کے فورا بعد اداکارہ کو ایک اسپتال میں داخل کرایا گیا۔
Published: 18 Jan 2020, 9:17 AM IST
کار حادثہ میں بالی ووڈ کی معروف اداکارہ شبانہ اعظمی کے زخمی ہونے کی خبریں موصول ہو رہی ہیں۔ میڈیا ذرائع سے موصول ہو رہی اطلاعات کے مطابق یہ حادثہ کاہل پور کے نزدیک ممبئی-پونے ایکسپریس وے پر ہوا۔ اس حادثہ میں شبانہ اعظمی کی کار کا اگلا حصہ بری طرح تباہ ہو گیا ہے اور شبانہ اعظمی کو بھی شدید چوٹ آئی ہے۔ جو تصویریں سامنے آ رہی ہیں اس میں شبانہ اعظمی کے چہرے پر خون لگا ہوا نظر آ رہا ہے۔ بتایا جاتا ہے کہ جاوید اختر بھی کار میں سوار تھے لیکن وہ محفوظ ہیں اور انھیں کوئی شدید چوٹ نہیں پہنچی ہے۔
Published: 18 Jan 2020, 9:17 AM IST
کرناٹک پولس کے بیلگام ائیر پورٹ پر پہنچنے کے بعد شیوسینا رکن پارلیمنٹ سنجے راؤت کا بڑا بیان سامنے آیا ہے۔ انھوں نے کہا کہ بیلگام ائیر پورٹ سے پولس انھیں نامعلوم جگہ پر لے جا رہی ہے۔ اس سے پہلے بیلگام جانے سے خود کو روکنے پر سنجے راؤت نے ریاست کی بی جے پی حکومت کو تنقید کا نشانہ بنایا تھا۔ غور طلب ہے کہ بیلگام میں سنجے راؤت کو ایک تقریب میں حصہ لینا تھا، لیکن انھیں پولس نے وہاں جانے کی اجازت نہیں دی۔
Published: 18 Jan 2020, 9:17 AM IST
مغربی بنگال بی جے پی لیڈر مکل رائے سے کولکاتا پولس نے حوالہ کیس میں اہم پوچھ تاچھ کی۔ میڈیا ذرائع کے مطابق یہ پوچھ تاچھ کالی گھاٹ پولس اسٹیشن میں ہوئی۔ ایک عدالت نے اس سے قبل پولس کو حکم دیا تھا کہ اس کیس میں ایک ایف آئی آر درج ہو۔ کولکاتا پولس نے اس ایف آئی آر میں ان کا نام شامل کیا۔ پوچھ تاچھ فی الحال جاری ہے۔
Published: 18 Jan 2020, 9:17 AM IST
کرناٹک کے ہبلی میں شہریت ترمیمی قانون اور این آر سی کے خلاف مظاہرہ کر رہے ایس ڈی پی آئی کے 11 کارکنان کو پولس نے حراست میں لے لیا ہے۔ بڑی تعداد میں ایس ڈی پی آئی کارکنان سڑک پر اترے ہیں۔ تمل ناڈو میں بھی ایس ڈی پی آئی کارکنان سڑک پر اتر کر مظاہرہ کر رہے ہیں۔
Published: 18 Jan 2020, 9:17 AM IST
ہریانہ سے تعلق رکھنے والے سینئر صحافی اور بی جے پی کے سابق رکن پارلیمنٹ اشونی کمار چوپڑا کا آج گروگرام میں انتقال ہو گیا۔ وہ کینسر کے مرض میں مبتلا تھے۔
Published: 18 Jan 2020, 9:17 AM IST
ہندوستانی ٹینس اسٹار ثانیہ مرزا نے ماں بننے کے بعد ٹینس کورٹ پر شاندار واپسی کی ہے۔ انھوں نے یوکرین کی نادیہ کچنوک کے ساتھ مل کر ہوبارٹ انٹرنیشنل ویمن ڈبلس کا خطاب جیت لیا ہے۔
Published: 18 Jan 2020, 9:17 AM IST
مغربی بنگال بی جے پی کے صدر دلیپ گھوش نے جمعہ کے روز شہریت قانون کے خلاف مظاہرہ کر رہے لوگوں کی تنقید کرتے ہوئے ایک بار پھر متنازعہ بیان دے دیا۔ انھوں نے ہاؤڑہ میں منعقد ایک تقریب سے خطاب کرتے ہوئے کہا کہ ’’جو دانشور حضرات شہریت قانون کے خلاف مظاہرہ کر رہے ہیں وہ شیطان اور کیڑے کی طرح ہیں۔‘‘
Published: 18 Jan 2020, 9:17 AM IST
اتر پردیش کے کانپور میں دل دہلا دینے والا ایک واقعہ سامنے آیا ہے۔ یہاں پر نابالغ سے چھیڑ چھاڑ کے ملزمین نے متاثرہ کی ماں کو پیٹ پیٹ کر موت کے گھاٹ اتار دیا ہے۔ واقعہ میں پانچ ملزمین کے شامل ہونے کی بات سامنے آئی ہے۔ پولس نے چار ملزمین کو گرفتار کر لیا ہے۔
نابالغ سے چھیڑ چھاڑ کا معاملہ 2018 کا ہے۔ اس معاملے میں پولس نے کیس درج کر 6 ملزمین کو گرفتار کیا تھا۔ حال ہی میں ملزمین کو ضمانت مل گئی تھی۔ پولس نے بتایا کہ ضمانت پر آزاد ہونے کے بعد ملزمین متاثرہ کے گھر میں گھسے اور دھمکی دیتے ہوئے کیس واپس لینے کو کہا۔ اس معاملے میں متاثرہ کی ماں اہم گواہ تھیں۔ متاثرہ کنبہ نے کیس واپس لینے سے انکار کیا تو ملزمین نے انھیں بری طرح پیٹا۔
Published: 18 Jan 2020, 9:17 AM IST
اتر پردیش کے متھرا میں نابالغ لڑکی سے اجتماعی عصمت دری کا معاملہ سامنے آیا ہے۔ متاثرہ کے والد کی شکایت پر کیس درج کر پولس پورے معاملے کی جانچ کر رہی ہے۔
Published: 18 Jan 2020, 9:17 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 18 Jan 2020, 9:17 AM IST