شاہین باغ مظاہرین کی طرف سے کل 16 فرورو کو 2 بجے ملاقات کرنے کا اعلان کیا گیا ہے۔ اس پر وزارت داخلہ کے ذرائع کا کہنا ہے کہ امت شاہ کے ساتھ مظاہرین کی کل کوئی ملاقات طے نہیں ہے۔‘‘
Published: 15 Feb 2020, 8:52 AM IST
چنئی میں شہریت ترمیمی قانون کے خلاف مظاہرہ کر رہے لوگوں پر پولس لاٹھی چارج کے خلاف آج جامعہ کے طلبا نے دہلی واقع تمل ناڈو بھون کا گھیراؤ کرنے پہنچی، لیکن وہاں موجود پولس نے انھیں حراست میں لے لیا۔ جامعہ طلبا کو مندر مارگ تھانہ میں رکھا گیا ہے جہاں سبھی طلبا سی اے اے اور دہلی پولس کے خلاف نعرے بازی کر رہے ہیں۔ مندر مارگ تھانہ میں جامعہ طلبا کی نعرہ بازی کا ویڈیو سامنے آیا ہے جس میں وہ چنئی میں پولس لاٹھی چارج کے ساتھ ساتھ دہلی پولس کے خلاف بھی نعرے بازی کر رہے ہیں۔
Published: 15 Feb 2020, 8:52 AM IST
میڈیا ذرائع سے موصول ہو رہی خبروں کے مطابق شاہین باغ کی دادیاں دیگر کچھ مظاہرین کے ساتھ کل یعنی 16 فروری کو مرکزی وزیر داخلہ امت شاہ سے بوقت دوپہر ملاقات کریں گی۔ امکان ظاہر کیا جا رہا ہے کہ یہ ملاقات مظاہروں کی وجہ سے پیدا مشکل صورت حال کا حل نکالنے کے لیے ہوگی۔
Published: 15 Feb 2020, 8:52 AM IST
چنئی میں شہریت ترمیمی قانون کے خلاف ہو رہے مظاہرہ پر پولس لاٹھی چارج کے خلاف آج جامعہ کو آرڈنیشن کمیٹی نے دہلی واقع تمل ناڈو بھون کا گھیراؤ کرنے کا فیصلہ لیا تھا۔ تمل ناڈو بھون گھیراؤ کرنے پہنچے جامعہ کے طلبا کو پولس نے حراست میں لے لیا ہے اور موصولہ اطلاعات کے مطابق انھیں نامعلوم مقام پر لے جایا جا رہا ہے۔
Published: 15 Feb 2020, 8:52 AM IST
کرناٹک کے بیدر بغاوت معاملہ میں ریاستی حکومت پر پولس کے غلط استعمال کا الزام عائد کرتے ہوئے وزیر اعلیٰ بی ایس یدی یورپا کے دفتر تک مارچ نکال رہے کرناٹک کے سینئر کانگریس لیڈروں سدارمیا، دنیش گنڈو راؤ، رضوان ارشد اور کے. سریش کو پولس نے حراست میں لے لیا ہے۔
Published: 15 Feb 2020, 8:52 AM IST
مرکزی وزیر گری راج سنگھ نے گزشتہ دنوں کئی نفرت انگیز اور متنازعہ بیان دیے جنھیں اپوزیشن پارٹی لیڈران نے تنقید کا نشانہ بنایا۔ ان متنازعہ بیانات کی وجہ سے بی جے پی کو کافی شرمندگی کا بھی سامنا کرنا پڑا۔ اب پارٹی قومی صدر جے پی نڈّا نے گری راج سنگھ کو طلب کیا ہے۔ امید کی جا رہی ہے کہ جلد گری راج سنگھ ان سے ملاقات کریں گے۔
Published: 15 Feb 2020, 8:52 AM IST
لکھنؤ کورٹ میں دیسی بم سے حملہ کرنے کے الزام میں لکھنؤ بار ایسو سی ایشن کے جنرل سکریٹری کو پولس نے گرفتار کر لیا ہے۔ اس حملے میں 2 وکیل زخمی ہوئے تھے۔
Published: 15 Feb 2020, 8:52 AM IST
سابق آئی اے ایس اور جموں و کشمیر پیپلز موومنٹ کے سربراہ شاہ فیصل کے خلاف پی ایس اے کے تحت معاملہ درج کیا گیا ہے۔ اس سے قبل جموں و کشمیر کے سابق وزیر اعلیٰ عمر عبداللہ اور محبوبہ مفتی پر پی ایس اے لگایا گیا تھا۔ دونوں لیڈروں کو حراست میں رکھا گیا ہے۔
Published: 15 Feb 2020, 8:52 AM IST
بی ایس ایف ذرائع نے خبر دی ہے کہ جموں و کشمیر کے ہیرا نگر سیکٹر میں آج صبح پاکستان کی جانب سے گولی باری کی گئی ہے۔ پاکستانی رینجرس نے آس پاس کے گاؤں کے رہائشی علاقوں کو نشانہ بنایا ہے۔ گولی باری میں کچھ گھر تباہ ہوئے ہیں۔ حالانکہ کسی کے ہلاک یا زخمی ہونے کی خبر موصول نہیں ہوئی ہے۔ ہندوستانی فوج کی جانب سے پاکستان کو منھ توڑ جواب دیا گیا ہے۔
Published: 15 Feb 2020, 8:52 AM IST
پورے ملک میں شہریت ترمیمی قانون، این آر سی و این پی آر کے خلاف احتجاجی مظاہرہ جاری ہے۔ راجستھان میں بھی کئی مقامات پر دھرنا و مظاہرہ ہو رہا ہے۔ اس درمیان جے پور کے شہید اسمارک پر بڑی تعداد میں لوگ ان سیاہ قوانین کے خلاف دھرنے پر بیٹھے ہوئے ہیں۔ ریاست کے وزیر اعلیٰ اشوک گہلوت نے بھی جمعہ کے روز اس دھرنا میں حصہ لیا اور لوگوں کے ساتھ سی اے اے کے خلاف آواز بلند کی۔
Published: 15 Feb 2020, 8:52 AM IST
اتر پردیش میں جرائم کے واقعات رکنے کا نام نہیں لے رہے ہیں۔ تازہ معاملہ ہاپوڑ کا ہے جہاں ایک ایم بی اے طالبہ کا کچھ غنڈوں نے اغوا کر لیا اور پھر اس کی مبینہ اجتماعی عصمت دری کی گئی۔ میڈیا ذرائع کے مطابق طالبہ کے والد نے بیٹی کے غائب ہونے پر پولس میں شکایت درج کروائی اور اس کا الزام چار لوگوں پر لگایا۔ پولس نے جب طالبہ کے موبائل لوکیشن سے تلاشی مہم شروع کی تو وہ زخمی حالت میں بلند شہر سے برآمد ہوئی۔ طالبہ کو اسپتال میں داخل کرا دیا گیا ہے اور پولس نے ملزمین کو ڈھونڈنا بھی شروع کر دیا ہے۔
Published: 15 Feb 2020, 8:52 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 15 Feb 2020, 8:52 AM IST