سپریم کورٹ نے مہاراشٹر حکومت سے کہا ہے کہ عدالت عظمیٰ کے حکم کے باوجود ہندو تنظیموں کی طرف سے نفرت انگیز تقاریر پر قابو پانے میں ناکام ہونے پر اس کے خلاف دائر توہین عدالت کی عرضی کے سلسلہ میں جواب داخل کرے۔ سپریم کورٹ نے اس معاملے کی سماعت کے لئے 28 اپریل کی تاریخ مقرر کی ہے۔
Published: 29 Mar 2023, 10:25 AM IST
جمہوریت کے لیے سربراہی اجلاس سے خطاب کرتے ہوئے وزیر اعظم نریندر مودی نے کہا ’’جمہوریت صرف ایک ڈھانچہ نہیں ہے، یہ روح بھی ہے۔ یہ اس عقیدے پر مبنی ہے کہ ہر انسان کی ضروریات اور خواہشات یکساں اہم ہیں۔ یہی وجہ ہے کہ ہندوستان میں ہمارا رہنما فلسفہ 'سب کا ساتھ، سب کا وکاس' ہے ، جس کا مطلب 'جامع ترقی کے لیے مل کر جدوجہد کرنا‘ ہے۔‘‘
Published: 29 Mar 2023, 10:25 AM IST
جموں و کشمیر کی سابق وزیر اعلیٰ اور پی ڈی پی سربراہ محبوبہ مفتی نے کہا ’’جمہوریت کے ستون ہل چکے ہیں۔ پہلے مسلم کمیونٹی کو ہدف بنایا گیا، پھر دلت آ گئے اور پھر دوسری برادریاں، اور آخر کار معاملہ ’بی جے پی بمقابلہ تمام‘ ہو جائے گا۔ اپوزیشن کا کانگریس کے ساتھ آنا خوش آئند اقدام ہے، کیونکہ جمہوریت کو بچانے کا یہی واحد راستہ ہے۔‘‘
Published: 29 Mar 2023, 10:25 AM IST
مالیگاؤں 2008 دھماکہ معاملہ میں میں ایک اور گواہ اپنے بیان سے منحرف ہو گیا ہے۔ یہ گواہ ایک مفرور ملزم کا رشتہ دار ہے۔ یہ اس معاملہ میں اب تک منحرف ہو جانے والا 31 واں گواہ ہے۔
قابل ذکر ہے کہ 29 ستمبر 2008 کو ممبئی سے تقریباً 200 کلومیٹر دور ناسک کے مالیگاؤں قصبے میں ایک مسجد کے قریب موٹر سائیکل میں نصب بارودی مواد پھٹنے سے 6 افراد ہلاک اور 100 سے زائد زخمی ہو گئے تھے۔ اس معاملہ کے ملزمان میں لیفٹیننٹ کرنل پرساد پروہت، لوک سبھا ممبر پرگیہ سنگھ ٹھاکر، میجر رمیش اپادھیائے (ریٹائرڈ)، اجے رہیرکر، سدھاکر دویدی، سدھاکر چترویدی اور سمیر کلکرنی شامل ہیں اور یہ سبھی ضمانت پر باہر ہیں۔
Published: 29 Mar 2023, 10:25 AM IST
مغربی بنگال کی وزیر اعلیٰ ممتا بنرجی 100 دن کے کام سمیت کئی اسکیموں کے لیے فنڈز کی منظوری نہ دینے پر مرکزی حکومت کے خلاف احتجاج کر رہی ہیں۔ وزیر اعلیٰ ممتا بنرجی دیگر پارٹی لیڈران کے ساتھ آج سے شروع ہونے والے دو روزہ دھرنے پر بیٹھ گئی ہیں۔
Published: 29 Mar 2023, 10:25 AM IST
کرناٹک اسمبلی انتخابات کی تاریخوں کے اعلان کے لیے الیکشن کمیشن کی پریس کانفرنس شروع ہو گئی ہے۔ پریس کانفرنس سے خطاب کرتے ہوئے چیف الیکشن کمشنر راجیو کمار نے کہا ’’کرناٹک میں 19-2018 کے مقابلہ پہلی بار ووٹروں کی تعداد میں 9.17 لاکھ کا اضافہ ہوا ہے۔ تمام نوجوان رائے دہندگان جو یکم اپریل تک 18 سال کے ہو جائیں گے، کرناٹک اسمبلی انتخابات میں ووٹ ڈال سکیں گے۔‘‘
Published: 29 Mar 2023, 10:25 AM IST
کانگریس صدر ملکارجن کھڑگے نے کہا ’’وہ (وزیر اعظم مودی) خود بدعنوان ہیں، وہ ان لوگوں کو کچھ نہیں کہہ رہے جنہوں نے ملک کو لوٹا، ان کے خلاف کوئی تحقیقات نہیں ہو رہی ہے، جے پی سی نہیں بن رہی ہے، تو کیا انہوں نے بدعنوان لوگوں سے ہاتھ ملا لیا ہے؟‘‘
Published: 29 Mar 2023, 10:25 AM IST
این سی پی کے لیڈر اور لکشدیپ کے ایم پی محمد فیضل کی لوک سبھا کی رکنیت بحال کر دی گئی ہے۔ لوک سبھا سکریٹریٹ کے ذریعہ ان کی رکنیت بحالی کا نوٹیفکیشن جاری کیا گیا ہے۔ خیال رہے کہ ہائی کورٹ نے ایک فوجداری معاملے میں ان کی سزا پر روک لگا دی تھی، جس کے بعد لوک سبھا سیکریٹ کی جانب سے یہ فیصلہ لیا گیا۔
Published: 29 Mar 2023, 10:25 AM IST
ہندوستان میں گزشتہ 24 گھنٹوں کے دوران کورونا کے 2151 معاملوں کی تصدیق کی گئی ہے۔ دریں اثنا، 1222 مریضوں نے شفایابی حاصل کر لی جبکہ فعال کیسز کی مجموعی تعداد 11903 ہو گئی ہے۔
Published: 29 Mar 2023, 10:25 AM IST
کرناٹک بی جے پی کے رکن اسمبلی مدل ویروپکشپا کو رشوت خوری کے معاملہ میں گرفتار کر لیا گیا۔ انہیں اس وقت گرفتار کیا گیا جب کرناٹک ہائی کورٹ کی جانب سے ان کی درخواست ضمانت نامنظور کر دی گئی۔ خصوصی عوامی نمائندگی عدالت نے رکن اسمبلی کو پانچ روزہ لوک آیوکت پولیس ریمانڈ پر بھیجا دیا ہے۔
Published: 29 Mar 2023, 10:25 AM IST
الیکشن کمیشن آف انڈیا آج کرناٹک اسمبلی انتخابات کی تاریخوں کا اعلان کرنے جا رہا ہے۔ اس کے لئے صبح 11.30 بجے ایک پریس کانفرنس کا انعقاد کیا جائے گا۔
Published: 29 Mar 2023, 10:25 AM IST
کانگریس پارٹی کی جانب سے لوک سبھا میں اڈانی معاملہ اور راہل گاندھی کو نااہل قرار دئے جانے پر بحث کرانے کے لئے تحریک التوا کے نوٹس پیش کئے۔ یہ نوٹس کانگریس کے رکن پارلیمنٹ مانیکم ٹیگور اور منیش تیواری کی جانب سے پیش کئے گئے۔
Published: 29 Mar 2023, 10:25 AM IST
انڈین نیشنل کانگریس کی جانب سے اپنے لوک سبھا اور راجیہ سبھا کے ارکان پارلیمنٹ کا اجلاس طلب کیا گیا ہے۔ یہ اجلاس پارلیمنٹ ہاؤس میں صبح 10.30 بجے کانگریس پارلیمانی پارٹی کے دفتر میں منعقد کیا جائے گا۔
Published: 29 Mar 2023, 10:25 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 29 Mar 2023, 10:25 AM IST