گوا کے وزیر اعلیٰ پرمود ساونت نے دعویٰ کیا ہے کہ ریاست میں غیر قانونی کاروبار کرنے والے 20 بنگلہ دیشی شہریوں کو گرفتار کیا گیا ہے، جنہیں ان کے ملک واپس بھیجا جائے گا۔ پرمود سوانت نے کہا ’’گوا کے مختلف حصوں میں غیر قانونی کاروبار چلانے والے 20 سے زیادہ بنگلہ دیشی شہریوں کو گرفتار کیا گیا ہے۔ ان لوگوں کے پاس ہندوستانی ایڈریس پروف یا ووٹر شناختی کارڈ موجود نہیں ہیں۔ ایسے مزید لوگوں کو تلاش کیا جا رہا ہے۔ انہیں بنگلہ دیش واپس بھیجا جائے گا۔‘‘
Published: 25 Sep 2022, 9:15 AM IST
سابق وزیر خارجہ اور کرناٹک کے سابق وزیر اعلیٰ ایس ایم کرشنا کی طبیعت خراب ہو گئی ہے اور انہیں شہر کے منی پال اسپتال میں داخل کرایا گیا ہے۔ اسپتال کے مطابق بھارتیہ جنتا پارٹی کے سینئر رہنما ایس ایم کرشنا کو سانس میں شدید انفیکشن ہے، جس کی وجہ سے انہیں سانس لینے میں دشواری ہو رہی ہے۔ کرشنا کو ڈاکٹر ستیہ نارائن میسور اور سنیل کارنت کی نگرانی میں رکھا گیا ہے۔ اس کے علاوہ کرناٹک کے وزیر صحت ڈاکٹر کے سدھاکر بھی کرشنا کی صحت کی نگرانی کر رہے ہیں۔
Published: 25 Sep 2022, 9:15 AM IST
انکتا بھنڈاری قتل کے خلاف اتراکھنڈ میں لگاتار احتجاج کیا جا رہا ہے۔ سری نگر میں آج بازار بند کا اہتمام کیا جا رہا ہے۔ توقع کی جا رہی ہے کہ میت کی آخری رسومات آج ادا کی جائیں گی۔ خیال رہے کہ 19 سالہ خاتون کو مبینہ طور پر بی جے پی کے برطرف کئے جا چکے لیڈر ونود آریہ کے بیٹے پلکت آریہ نے قتل کیا ہے، جسے گزشتہ روز گرفتار کیا جا چکا ہے۔
Published: 25 Sep 2022, 9:15 AM IST
مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا کے 4777 نئے کیسز کی تصدیق کی گئی۔ اسی دوران 5196 مریضوں نے شفایابی حاصل کر لی۔ ملک بھر میں کورونا کے فعال کیسز کی تعداد 43994 ہو گئی ہے، یومیہ پازیٹوٹی کی شرح 1.58 فیصد ہو گئی ہے۔
Published: 25 Sep 2022, 9:15 AM IST
کانگریس کی بھارت جوڑو یاترا آج 18 روز میں داخل ہو گئی ہے۔ پد یاتری کیرالہ کے ترشور سے ہو کر گزر رہے ہیں اور اس میں بڑی تعداد میں لوگ شریک ہوئے۔ آج کی بھارت جوڑو یاترا صبح 10 بجے سینٹ فرانسس زیویئرز فارن چرچ میں رکے گی اور شام 5 بجے وڈکنچیری جنکشن سے دوبارہ شروع ہوکر شام 7 بجے ویٹیکٹیری پہنچے گی۔
راہل گاندھی نے ہفتہ کے روز کہا کہ یاترا کا مقصد ریاست میں جاری نفرت کی مخالفت کرنا، فرقہ وارانہ ایجنڈے سے لڑنا، معاشی غلطیوں پر سوال اٹھانا اور کسانوں اور نوجوانوں کی آواز بلند کرنا ہے۔ انہوں نے کہا، ’’تقسیم اور نفرت سے بھرا ہندوستان ہمارے مفاد میں نہیں ہے۔ کیرالہ کے لوگوں نے دکھایا ہے کہ وہ نفرت پر نہیں محبت میں یقین رکھتے ہیں۔ وہ تقسیم پر نہیں، اتحاد پر یقین رکھتے ہیں۔ مرکز کی حکومت نفرت، تکبر اور تقسیم کی تشہیر کرتی ہے۔‘‘
Published: 25 Sep 2022, 9:15 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 25 Sep 2022, 9:15 AM IST
تصویر: محمد تسلیم
تصویر: سوشل میڈیا