دہلی کے وزیر صحت ستیندر جین کی رپورٹ کورونا مثبت آئی ہے۔ دوسری جانب عام آدمی پارٹی کی رکن اسمبلی آتیشی مرلینا بھی کورونا پازیٹو پائی گئی ہیں۔ مسٹر جین کی بدھ کو دوبارہ کورونا کی جانچ کرائی گئی جس میں کورونا انفیکشن کی تصدیق ہوئی۔ انہیں طبیعت بگڑنے پر پیر کی رات راجیو گاندھی سپراسپیشلٹی ہسپتال میں داخل کرایا گیا تھا۔ منگل کو ہونے والی ان کے کورونا جانچ کی رپورٹ منفی آئی تھی۔
انہیں تیز بخار اور سانس لینے میں تکلیف ہونے پر پیر کی رات ہسپتال میں داخل کرایا گیا تھا۔وزیر صحت دہلی میں کورونا کے بگڑتے حالات پر مرکزی وزیر داخلہ امت شاہ کی اتوار کو بلائی اعلی سطحی میٹنگ میں شامل ہوئے تھے۔اجلاس میں مرکزی صحت اور خاندان بہبود کے وزیر ہرش وردھن، لیفٹیننٹ گورنر انل بیجل، مسٹر کیجریوال، نائب وزیر اعلی منیش سسودیا، آل انڈیا انسٹیٹیوٹ آف میڈیکل سائنسز(ایمس) ڈائریکٹر رندیپ گلیریا اور مرکز اور دہلی کے کئی سینئر افسران بھی موجود تھے۔
Published: 17 Jun 2020, 8:49 AM IST
دہلی میں کورونا جانچ فیس کم کرکے 2400 روپے کر دی گئی ہے۔نئی فیس آج یعنی 18 جون سے لاگو ہوگی۔ پہلے یہ 4500 روپے تھی۔
دہلی میں انڈین طبی تحقیقی کونسل (آئی سی ایم آر) منظور نئی ریپڈ اینٹجن طریقہ کار کے ذریعے ٹیسٹ کیا جائے گا۔
اتوار کو مرکزی وزیر داخلہ امت شاہ کی صدارت میں کل جماعتی میٹنگ میں کورونا جانچ کی فیس میں کمی کا مشورہ دیا گیا تھا۔
Published: 17 Jun 2020, 8:49 AM IST
وزیر خارجہ ایس جے شنکر اور چین کے وزیر خارجہ وانگ یی کے درمیان آج ٹیلی فون پر بات چیت کے دوران یہ اتفاق ہوا۔ دونوں نے دوپہر کو ہوئی بات چیت کے دوران لداخ کے واقعات پر تبادلہ خیال کیا۔ دونوں ممالک نے کہا ہے کہ وہ دو طرفہ معاہدوں اور پروٹوکول کے ذریعے سرحد پر امن اور دوستانہ ماحول کو یقینی بنائیں گے۔
مسٹر جے شنکر نے چینی فوج کی کارروائی پر سخت احتجاج درج کرایا اور کہا کہ اس نے رضامندی کو نظر انداز کرکے ہندوستانی سرحد میں گلوان وادی میں خیمے لگانے کی کوشش کی جس سے تنازعہ پیدا ہوا۔ انہوں نے کہا کہ غیر معمولی واقعات کو دو طرفہ تعلقات پر سنگین اثرات پڑے گا۔ چینی وزیر خارجہ نے بھی بات چیت کے دوران اپنا موقف رکھا۔
نئی دہلی : سپریم کورٹ نے پی ایم کیئرز فنڈ میں جمع رقم کو نیشنل ڈیزاسٹر ریلیز فنڈ میں منتقل کرنے سے متعلق درخواست پر مرکزی حکومت سے بدھ کو جواب طلب کیا۔ جسٹس اشوک بھوشن، سنجے کشن کول اور جسٹس ایم آر شاہ کی بنچ کے سنٹر فار پبلک لٹیگیشن (سی پی آئی ایل) کی درخواست پر ویڈیو کانفرنسنگ سے سماعت کرتے ہوئے مرکزی حکومت کو نوٹس جاری کیا۔ عدالت نے مرکز کو نوٹس کے جواب کے لئے چار ہفتے کا وقت دیا ہے۔
Published: 17 Jun 2020, 8:49 AM IST
نئی دہلی: کالکا جی سے عام آدمی پارٹی (عآپ) کی رکن اسمبلی آتشی مارلینا کورونا سے متاثر ہوگئی ہیں۔ مارلینا نے 16جون کو کورونا ٹیسٹ کرایا تھا جس کی رپورٹ آج صبح 17جون کو مثبت آئی ہے۔ فی الحال ان میں ہلکی علامات ہیں اور انہوں نے خود کو اپنے گھر میں کوارنٹائن کرلیا ہے۔ وزیراعلیٰ اروند کیجریوال نے ٹوئٹ کے ذریعہ آتشی مارلینا کی جلد شفایابی کی دعا کرتے ہوئے کہا،’’کورونا کے خلاف جنگ میں آتشی جی کا اہم تعاون رہا ہے۔ مجھے امید ہے کہ وہ جلد از جلد صحت یاب ہوکر ایک مرتبہ پھر لوگوں کی خدمت میں مصروف ہوجائیں گی۔
Published: 17 Jun 2020, 8:49 AM IST
حیدرآباد: ”مجھے میری ڈیوٹی کرنے دیجئے“ یہ آخری الفاظ تلنگانہ کے ضلع سوریہ پیٹ سے تعلق رکھنے والے کرنل سنتوش بابو کے ہیں جوانھوں نے اپنے گھروالوں سے کہے۔ کرنل سنتوش بابو کل ہند۔ چین سرحد پرگلوان میں شہید ہوگئے۔ ذرائع کے مطابق سنتوش بابو نے اپنے ماں باپ سے اس مہینہ کی 14 تاریخ کو اس وقت فون پر بات کی جب سرحد پرکشیدگی تھی۔ جب ان کے گھروالوں نے ان سے حالات کے تعلق سے معلومات حاصل کرنے کی کوشش کی توانھوں نے بتایا تھا کہ آپ نے مجھے فوج میں بھجوایا ہے مجھے میری ڈیوٹی کرنے دیجیے۔
(یواین آئی)
Published: 17 Jun 2020, 8:49 AM IST
مدھیہ پردیش: چھت پور کے سٹائی علاقے میں یادو برادری کے ذریعہ پیر کے روز ایک دلت دولہے کو گھوڑے پر سوار ہونے سے روک دیا گیا۔ سٹائی تھانے کے ایس ایچ او دیپک یادو نے بتایا کہ "کچھ لوگوں نے گھوڑے کی لجام کھینچی جس کے سبب دولہا زمین پر گر گیا۔ اس سلسلے میں ان لوگوں کے خلاف مقدمہ درج کرلیا گیا ہے"۔
Published: 17 Jun 2020, 8:49 AM IST
دہلی پولیس نے ایک بیان میں کہا کہ "آج 6-7 سابق فوجی جوان چینی سفارت خانے کے قریب شہید ویلفیئر ایسوسی ایشن کے بینر تلے احتجاج کرنے جمع ہوئے۔ ان سے درخواست کی گئی کہ وہ جگہ چھوڑ دیں اور فوری طور پر چینی سفارت خانہ کے پاس سے ہٹ جائیں۔ چین کے خلاف احتجاج کر رہے 10 سودیشی جاگرن منچ سے وابستہ لوگ جو تین مورتی کے قریب جمع ہوئے سودیشی تھے، ان مظاہرین کو پولیس نے حراست میں لیا۔
Published: 17 Jun 2020, 8:49 AM IST
وزیر اعظم دفتر نے مطلع کیا ہے کہ ہند-چین سرحد تنازعہ پر بحث کرنے کے لیے پی ایم نریندر مودی نے 19 جون کی شام 5 بجے کل جماعتی میٹنگ طلب کی ہے۔ اس ورچوئل میٹنگ میں مختلف سیاسی پارٹیوں کے سربراہان شریک ہوں گے۔
Published: 17 Jun 2020, 8:49 AM IST
مہاراشٹر سے شمالی سمت میں تقریباً 11.51 بجے زلزلہ کا جھٹکا محسوس کیا گیا۔ میڈیا ذرائع سے موصول ہو رہی خبروں کے مطابق یہ جھٹکا 2.5 شدت کا تھا جس سے فی الحال کسی جانی یا مالی نقصان کی خبر موصول نہیں ہوئی ہے۔
Published: 17 Jun 2020, 8:49 AM IST
کانگریس جنرل سکریٹری پرینکا گاندھی نے لداخ میں ہندوستانی فوجیوں اور افسران کی شہادت پر افسوس ظاہر کرتے ہوئے ایک ٹوئٹ کیا ہے جس میں پی ایم مودی کو تنقید کا نشانہ بنایا گیا ہے۔ انھوں نے ٹوئٹ میں لکھا ہے کہ ”ہماری زمین، ہماری خود مختاری خطرے میں ہے، ہمارے فوجی، افسران شہید ہو گئے، کیا ہم خاموش بیٹھے رہیں گے؟“ انھوں نے مزید لکھا ہے کہ ”ہندوستان کی عوام سچ جاننے کی حقدار ہے، اسے ایسی قیادت کی ضرورت ہے جو ہماری زمین چھننے سے پہلے اپنی جان دینے کے لیے تیار ہو۔ سامنے آئیے نریندر مودی جی، چین کا سامنا کرنے کا وقت آ گیا ہے۔“
Published: 17 Jun 2020, 8:49 AM IST
ہندوستان میں کورونا وائرس کا قہر اپنے عروج پر نظر آ رہا ہے۔ گزشتہ 24 گھنٹے میں جہاں 10974 نئے معاملے سامنے آئے ہیں وہیں 2003 لوگوں کی موت سے لوگوں میں خوف و دہشت ہے۔ یہ ایک دن میں اب تک کی سب سے زیادہ اموات ہے۔ تازہ ترین اعداد و شمار کے مطابق ہندوستان میں اب مجموعی طور پر کورونا مریضوں کی تعداد 354065 ہو گئی ہے جب کہ مجموعی طور پر مہلوکین کی تعداد بڑھ کر 11903 ہو گئی ہے۔
Published: 17 Jun 2020, 8:49 AM IST
کانگریس لیڈر راہل گاندھی نے ہند-چین سرحد پر ہندوستانی فوجیوں کی شہادت کے تعلق سے پی ایم مودی کے ذریعہ اب تک کچھ نہ بولے جانے کو تنقید کا نشانہ بنایا ہے اور سچ سامنے لانے کی گزارش کی ہے۔ آج صبح اپنے ایک ٹوئٹ میں راہل گاندھی نے سوال کیا ہے کہ ”پی ایم مودی خاموش کیوں ہیں؟ وہ چھپے ہوئے کیوں ہیں؟ بہت ہو گیا، ہم یہ جاننا چاہتے ہیں کہ آخر کیا ہوا ہے؟“ ٹوئٹ میں انھوں نے مزید لکھا ہے کہ ”چین نے ہمارے فوجیوں کو کیسے مار ڈالا؟ اس نے ہماری زمین پر کیسے قبضہ کیا؟“
Published: 17 Jun 2020, 8:49 AM IST
ہندوستان میں پٹرول-ڈیزل کی قیمت میں آج لگاتار گیارہویں دن اضافہ کیا گیا۔ اپوزیشن پارٹیوں کے ذریعہ تیل کی قیمتوں میں لگاتار اضافہ کے خلاف آواز اٹھائی جا رہی ہے لیکن اس کا کوئی اثر ہوتا ہوا نظر نہیں آ رہا ہے۔ آج دہلی میں پٹرول کی قیمت میں 55 پیسے کا اضافہ کیا گیا جب کہ ڈیزل کی قیمت میں 69 پیسے کا اضافہ ہوا۔
Published: 17 Jun 2020, 8:49 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 17 Jun 2020, 8:49 AM IST