ہندوستانی بحریہ بحر عرب میں پھر بنی فرشتہ، مشکل وقت میں ایرانی جہاز پر سوار 20 پاکستانیوں کو پہنچائی مدد

ہندوستانی بحریہ نے بحر عرب میں اپنی موجودگی سے ہمیشہ دوسرے ممالک کو بھی فائدہ پہنچایا ہے اور یہ سلسلہ جاری ہے۔ تازہ معاملہ 30 اپریل کا ہے جب ہندوستانی بحریہ نے ایک ایمرجنسی کال کا جواب دیتے ہوئے 20 پاکستانی پائلٹ ٹیم کے اراکین کو لے جا رہے مچھلی پکڑنے والے ایرانی جہاز کو فوری طبی مدد پہنچائی۔ پائلٹ ٹیم کا ایک رکن کے بارے میں تو بتایا جا رہا ہے کہ وہ پانی میں پوری طرح ڈوب گیا تھا۔

ہندوستانی بحریہ نے 4 مئی (ہفتہ) کو اس سلسلے میں ایک بیان جاری کر تفصیلی جانکاری دی ہے۔ بیان میں کہا گیا ہے کہ ایک ایمرجنسی کال کا فوراً جواب دیتے ہوئے بحر عرب میں سمندری قزاقی کو روکنے کے لیے تعینات آئی این ایس سمیدھا مشن نے ایک ایرانی جہاز کو اہم طبی مدد مہیا کرائی۔ اس جہاز میں 20 پاکستانی سوار تھے جو پائلٹ ٹیم کا حصہ تھے۔

بحریہ نے بتایا کہ پٹرولنگ شپ آئی این ایس سمیدھا نے 30 اپریل کو خبر ملنے کے بعد شروعاتی گھنٹوں میں ایف وی الرحمانی کو روکا۔ ہماری ایک طبی ماہرین کی ٹیم ایرانی جہاز پر چڑھی اور پائلٹ ٹیم کے ایک رکن کو فوری مدد فراہم کی۔ اسے سانس لینے میں مشکل ہو رہی تھی۔ کچھ دیر بعد اسے ہوش آ گیا۔