کورونا وائرس کی وباء کے پھیلنے کے بعد یک جہتی کی جگہ نفسا نفسی نے لے لی ہے۔ اٹلی میں یہ وباء سب سے پہلے پھیلی اور اس کے بعد یورپی اقوام میں واضح طور پر عدم تعاون دیکھا گیا۔ ہر یورپی ملک اپنے کسی ہمسایہ ملک سے مشورہ کیے بغیر اپنے اپنے انسدادی اقدامات میں مصروف ہو گیا اور اٹلی میں زور پکڑتی وباء کو بھول گیا۔ اٹلی کو کورونا وائرس کی وباء سے تلخ تجربات کا سامنا کرنا پڑا۔ مضبوط اقتصادیات کے حامل ملک جرمنی نے طبی امداد اور ادویات کی فراہمی کی ایکسپورٹ کو بند کر دیا۔ برلن حکومت کے اس فیصلے پر یورپی یونین کے وزرائے صحت میں شدید نوعیت کی بحث بھی دیکھی گئی۔
Published: undefined
فرانسیسی حکومت کا رویہ بھی برلن جیسا خیال کیا گیا۔ پہلے امدادی اقدامات میں ان ممالک نے سست روی دکھائی اور پھر چین کے خلاف بیان بازی شروع کر دی۔ اس بیان بازی کی وجہ بیجنگ حکومت کی جانب سے اٹلی کے لیے چینی ادویات کی فراہمی اور وباء کی لپیٹ میں آئے ہوئے مریضوں کی تشخیص کے لیے اپنے ڈاکٹروں کو روانہ کرنا بنی۔
Published: undefined
اب یہ سوال گردش کر رہا ہے کہ یورپی یونین، جرمنی، فرانس یا برطانیہ کورونا وائرس کی وباء کے دوران اٹلی میں پھیلنے والی وباء کے دوران مدد کے لیے آگے کیوں نہیں بڑھے؟ بظاہر یہ ایک مشکل سوال ہے۔
Published: undefined
تجزیہ کاروں کا خیال ہے کہ اس صورت حال کا پیغام یورپی اتحاد کے مخالفین اور عوامیت پسندوں کے لیے یہ پہنچا ہے کہ جب صورت حال سنگین ہو گی تب ہر یورپی قوم صرف اپنے بارے میں سوچے گی۔
Published: undefined
یہ امر اہم ہے کہ یورپی ذرائع ابلاغ نے مسلسل اپنی نشریات اور اشاعتوں میں اطالوی حالات و واقعات کا بڑی وضاحت کے ساتھ تذکرہ جاری رکھا ہوا ہے۔ ان میں اطالوی شہروں کے ہسپتالوں میں پائی جانے والی مخدوش صورت حال اور دوا خانوں پر ادویات کی قلت کا احوال بھی شامل ہے۔
Published: undefined
یہ بھی حقیقت ہے کہ یورپی کمیشن نے حال ہی میں طبی آلات خریدنے کے ایک منظم اور مشترکہ نظام کو وضح کرنے کا فیصلہ کیا ہے۔ اس مناسبت سے یورپی یونین کے وزرائے صحت کے مابین قریبی رابطہ کاری کو اہم قرار دیا گیا ہے۔ اسی طرح سربراہان حکومت بھی رابطے بحال رکھیں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز